lagtaa hai zinda rahne ki hasrat gai nahin — Khalid Iqbal Yasir

inhein dar-e-khvaab-gaah se kis liye haTaayaa
muhaafizon ki vafaa-shiaari mein kyaa kami thi

rahti hai saath saath koi khush-gavaar yaad
tujh se bichhaD ke teri rifaaqat gai nahin

bhuul jaanaa thaa jise sabt hai dil par mere
yaad rakhnaa thaa jise us ko bhulaa baiThaa huun

haan ye mumkin hai magar itnaa zaruri bhi nahin
jo koi pyaar mein haaraa vahi fankaar huaa

jaisi nigaah thi tiri vaisaa fusun huaa
jo kuchh tire khayaal mein thaa jun-kaa-tun huaa

zamaane ke darbaar mein dast-basta huaa hai
ye dil us pe maail magar rafta rafta huaa hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

main aa gayaa huun vahaan tak tiri tamannaa mein
jahaan se koi bhi imkaan-e-vaapsi na rahe

baad tauba ke bhi hai dil mein ye hasrat baaqi
de ke qasmein koi ik jaam pilaa de ham ko

mujh dil mein hai jo but ki parastish ki aarzu
dekhi nahin vo aaj talak barhaman ke biich

jab tujh ko tamannaa meri thi tab mujh ko tamannaa teri thi
ab tujh ko tamannaa ghair ki hai to teri tamannaa kaun kare

shaayad vo bhuli-bisri na ho aarzu koi
kuchh aur bhi kami si hai teri kami ke saath