یہاں سے ہے کہانی رات والی کہ وہ اک رات تھی برسات والی کہا تھا جو وہی کر کے دکھایا وہ برق بے اماں تھی بات والی بڑی لمبی پلاننگ کر رہی ہے ہماری زندگی لمحات والی کسی کی بھی نہیں ہوتی یہ دنیا کہ اس کی ذات ہے بد ذات والی ہمارا حوصلہ ہے زندگی سے لڑے جاتے ہیں کشتی مات والی نہ اب گھر میں وہ تہذیبی توازن نہ اب وہ کوٹھری جنات والی جسے دیکھو چھپا پھرتا ہے خالدؔ جماعت آ گئی میوات والی

yahaan se hai kahaani raat vaali

غزل · Ghazal

وقت قیام دست قضا نے نہیں دیا چلنے لگے تو ساتھ ہوا نے نہیں دیا پہلے ہی مرحلے میں قلم ہو کے رہ گئے دست ہنر کو ہاتھ دکھانے نہیں دیا گرنا تو کیا برا تھا مگر اس کو کیا کہیں جو گر گیا تو اٹھنے اٹھانے نہیں دیا اب ان کی کج روی سے شکایات ہیں ہمیں ہم نے ہی ان کو راہ پہ آنے نہیں دیا دو چار کاریں کوٹھیاں دس بیس لاکھ بس اس سے زیادہ خوف خدا نے نہیں دیا میں صرف ٹیلیفون کا احسان مند ہوں ان کا پیام باد صبا نے نہیں دیا اس یار شوخ چشم سے خالدؔ کا ارتباط اک راز تھا کہ جس کو چھپانے نہیں دیا

vaqt-e-qayaam dast-e-qazaa ne nahin diyaa

غزل · Ghazal

آنکھوں میں دھوپ دل میں حرارت لہو کی تھی آتش جوان تھا تو قیامت لہو کی تھی زخمی ہوا بدن تو وطن یاد آ گیا اپنی گرہ میں ایک روایت لہو کی تھی خنجر چلا کے مجھ پہ بہت غم زدہ ہوا بھائی کے ہر سلوک میں شدت لہو کی تھی کوہ گراں کے سامنے تیشے کی کیا بساط عہد جنوں میں ساری شرارت لہو کی تھی رخسار و چشم و لب گل و صہبا شفق حنا دنیائے رنگ و بو میں تجارت لہو کی تھی خالدؔ ہر ایک غم میں برابر شریک تھا سارے جہاں کے بیچ رفاقت لہو کی تھی

aankhon mein dhuup dil mein haraarat lahu ki thi

غزل · Ghazal

خطا گیا جو نشانہ کماں بدلتا ہے نہیں تمیز رہائش مکاں بدلتا ہے کہانی یہ تھی کہ سب ساتھ مل کے رہتے ہیں پھر اس کے بعد اچانک سماں بدلتا ہے ہم اس کی راہ میں آنکھیں بچھا کے دیکھ چکے مگر وہ جان کا دشمن کہاں بدلتا ہے امیر شہر تنوع پسند ہے خالدؔ لباس نو کے مطابق زباں بدلتا ہے

khataa gayaa jo nishaana kamaan badaltaa hai

غزل · Ghazal

رنگ و رامش زمزمے گل ہائے تر ہوتے ہوئے دل اکیلا اور اتنے ہم سفر ہوتے ہوئے آنسوؤں سے سرد ہو جاتی ہے ہر سینے کی آگ میرا دل آتش کدہ ہے چشم تر ہوتے ہوئے دل کی دنیا میں اندھیرا ہو تو کچھ روشن نہیں آنکھ چشم سنگ ہے شمس و قمر ہوتے ہوئے چشم آگے ایک چہرہ پاؤں گو چکر میں ہیں در بہ در ہوتا نہیں دل در بہ در ہوتے ہوئے حوصلہ ٹوٹا تو وہ عبرت کا منظر آ گیا اڑ نہیں پایا پرندہ بال و پر ہوتے ہوئے نصف دنیا بھوک سے اور پیاس سے مغلوب ہے دست و بازو ذہن و دل لعل و گہر ہوتے ہوئے ہر کس و ناکس پہ کر لیتا ہے فوراً اعتبار بے خبر کتنا ہے خالدؔ با خبر ہوتے ہوئے

rang-o-raamish zamzame gul-haa-e-tar hote hue

غزل · Ghazal

جہاں دار پہ وار چلنے لگا غلاموں کا دربار چلنے لگا ازل سے کسی شے میں گردش نہ تھی چلا میں تو سنسار چلنے لگا خدا رکھے امریکہ و روس کو میاں اپنا اخبار چلنے لگا تبسم تکلم جواں ہو گئے مبارک ہو گھر بار چلنے لگا ابھی دھوپ خالدؔ پہ آئی نہ تھی کہ دیوار دیوار چلنے لگا

jahaan-daar pe vaar chalne lagaa

See all 17 Ghazals →

Similar Poets