Neeraj Goswami

yaad har pal tujh ko karne kaa sila paane lagaa

یاد ہر پل تجھ کو کرنے کا صلہ پانے لگا مجھ کو آئینہ تیرا چہرہ ہی دکھلانے لگا دل کی بنجر سی زمیں پر جب تو برسا پیار سے ذرہ ذرہ کھل کے اس کا جھومنے گانے لگا جسم کے ہی راج پتھ پر ڈھونڈتا تھا میں جسے دل کی پگڈنڈی پے اب وہ سکھ نظر آنے لگا حسرتوں کی املیاں گرنے لگیں تب پیڑ سے حوصلہ کا جب تو پتھر اس پے برسانے لگا میرے گھر سے تیرے گھر کا راستہ مشکل تو ہے پر ملن کی چاہ سے آسان ہو جانے لگا سوچنے میں وقت نیرجؔ مت لگانا بھول کر پیار قاتل سے بھی کر گر وہ تجھے بھانے لگا

nahin hai are ye baghaavat nahin hai

نہیں ہے ارے یہ بغاوت نہیں ہے ہمیں سر جھکانے کی عادت نہیں ہے چھپائے ہوئے ہیں وہی لوگ خنجر جو کہتے کسی سے عداوت نہیں ہے کروں کیا پروں کا اگر ان سے مجھ کو فلک ناپنے کی اجازت نہیں ہے اٹھا کر گرانا گرا کر مٹانا ہمارے یہاں کی روایت نہیں ہے ملا کر نگاہیں جھکاتے جو گردن وہی کہہ رہے ہیں محبت نہیں ہے بہت کر لی پہلے زمانے سے ہم نے ہمیں اب کسی سے شکایت نہیں ہے کہو کیا کرو گے گھٹاؤں کا نیرجؔ اگر بھیگ جانے کی چاہت نہیں ہے

mushkilon ki yahi hain baDi mushkilein

مشکلوں کی یہی ہیں بڑی مشکلیں آپ جب چاہیں کم ہوں تبھی یہ بڑھیں اب کوئی دوسرا راستہ ہی نہیں یاد تجھ کو کریں اور زندہ رہیں بس اسی سوچ ثے جھوٹ قائم رہا بول کر سچ بھلا ہم برے کیوں بنیں ڈالیوں پے پھدکنے سے جو مل گئی اس خوشی کے لیے کیوں فلک پر اڑیں ہم درندے نہیں گر ہیں انسان تو آئنہ دیکھنے ثے بتا کیوں ڈریں زندگی خوبصورت بنے اس طرح ہم کہیں تم سنو تم کہو ہم سنیں آ کے ہولے سے چھو لیں وو ہونٹھوں سے گر تو سریلی مرلیا سے نیرجؔ بجیں

jiye khud ke liye gar ham mazaa tab kyaa hai jiine mein

جئے خود کے لیے گر ہم مزا تب کیا ہے جینے میں بہے اوروں کی خاطر جو ہے خوشبو اس پسینے میں ہے جن کے بازوؤں میں دم وہ دریا پار کر لیں گے بہت ممکن ہے ڈوبیں وہ جو بیٹھے ہیں سفینے میں یہ کیسا دور آیا ہے سروں پر تاج ہے ان کے نہیں معلوم جن کو فرق پتھر اور نگینے میں ہمارے دوستوں کی مسکراہٹ اک چھلاوا ہے ہے پایہ زہر اکثر خوبصورت آبگینے میں گئے تم دور جب سے دل یہ کہتا ہے کرو توبہ مزہ آتا نہیں خود ہی اٹھا کر جام پینے میں ستم سہنے کی عادت اس قدر ہم کو پڑی نیرجؔ کہیں کچھ ہو، نہیں اب کھولتا ہے خون سینے میں

baat sach-much mein niraali ho gai

بات سچ مچ میں نرالی ہو گئی اب نصیحت ایک گالی ہو گئی یہ اثر ہم پر ہوا اس دور کا بھاونا دل کی موالی ہو گئی ڈال دیں بھوکے کو جس میں روٹیاں وہ سمجھ پوجا کی تھالی ہو گئی طے کیا چلنا جدا جب بھیڑ سے ہر نظر دیکھا سوالی ہو گئی قید کا اتنا مزہ مت لیجئے رو پڑیں گے گر بحالی ہو گئی اک اماوس ہی تو تھی اپنی حیات مل گئے تم تو دوالی ہو گئی ہاتھ میں قاتل کے نیرجؔ پھول ہے بات اب گھبرانے والی ہو گئی

baad muddat ke vo milaa hai mujhe

بعد مدت کے وہ ملا ہے مجھے ڈر جدائی کا پھر لگا ہے مجھے آ گیا ہوں میں دسترس میں تری اپنے انجام کا پتہ ہے مجھے کیا کروں یہ کبھی نہیں کہتا جو کروں اس پہ ٹوکتا ہے مجھے تجھ سے مل کے میں جب سے آیا ہوں ہر کوئی مڑ کے دیکھتا ہے مجھے اب تلک کچھ ورق ہی پلٹے ہیں تجھ کو جی بھر کے بانچنا ہے مجھے ٹھوکریں جب کبھی میں کھاتا ہوں کون ہے وہ جو تھامتا ہے مجھے سوچتا ہوں یہ سوچ کر میں اسے وہ بھی ایسے ہی سوچتا ہے مجھے میں تجھے کس طرح بیان کروں یہ کرشمہ تو سیکھنا ہے مجھے نیند میں چل رہا تھا میں نیرجؔ تو نے آ کر جگا دیا ہے مجھے