sochtaa huun ye soch kar main use — Neeraj Goswami

tum se mil kar der talak
achchhi lagti tanhaai

hai jin ke baazuon mein dam vo dariyaa paar kar leinge
bahut mumkin hai Dubein vo jo baiThe hain safine mein

mujhe raas viraaniyaan aa gai hain
tiri yaad bhi ab sataati nahin hai

ghuTan taDpan udaasi ashk rusvaai akelaa-pan
baghair in ke adhuri ishq ki har ik kahaani hai

ajab ye daur aayaa hai ki jis mein
ghalat kuchh bhi nahin sab kuchh sahi hai

Daal diin bhuke ko jis mein roTiyaan
vo samajh puujaa ki thaali ho gai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

kuchh karo fikr mujh divaane ki
dhuum hai phir bahaar aane ki

jhagDaa thaa jo dil pe us ko chhoDaa
kuchh soch ke sulh kar gae ham

shab ki tanhaaiyon mein yaad us ki
jhilmilaataa huaa diyaa jaise

pahle talaash kijiye manzil ki rahguzar
phir sochiye ki raah mein divaar kaun hai