Nitin Nayab

لوگ سب قیمتی پوشاک پہن کر پہنچے اور ہم جامۂ صد چاک پہن کر پہنچے موتیوں والی قبا والے خدا کے گھر تک جسم پر پیراہن خاک پہن کر پہنچے پاگلوں جنگ بگولوں سے چھڑی تھی اور تم اپنے تن پر خس و خاشاک پہن کر پہنچے بزم شادی کو نہ لگ جائے بری کوئی نظر اس لیے دامن غم ناک پہن کر پہنچے حق بیانی کا اٹھایا تھا جو ذمہ ہم نے اس لیے لہجۂ بے باک پہن کر پہنچے یوں تو پہنچے تھے خوشی اوڑھ کے محفل میں تری گھر تلک دیدۂ نمناک پہن کر پہنچے ایک دن وہ بھی نشیبوں میں ملیں گے نایابؔ عرش تک جو کبھی افلاک پہن کر پہنچے

log sab qimti poshaak pahan kar pahunche

پھر یہ ممکن ہی نہیں ہے کہ سنبھالو مجھ کو اک ذرا قید سے باہر تو نکالو مجھ کو اس حقیقت کی بھی آمد ہو مرے حجرے میں چھوڑ کے جاؤ کبھی خوابو خیالو مجھ کو جسم کو درد میں ہنسنے کا ہنر آتا ہے التجا یہ ہے کہ پتھر میں نہ ڈھالو مجھ کو میں نے پابندی لگا دی ہے زباں پر ورنہ مدعا چیخ رہا ہے کہ اچھالو مجھ کو تب تلک کوزہ گرو خواب ہے تعبیر مری جب تلک پوری طرح توڑ نہ ڈالو مجھ کو ماورا ہوں میں ہر اک لفظ سخن سے جو مجھے تم کو پڑھنا ہے تو پھر سوچ میں ڈھالو مجھ کو لو میں کرتا ہوں مری خاک تمہارے ہی سپرد جیسی درکار ہو ویسا ہی بنا لو مجھ کو پہلے ملبے کو مرے صاف کرو اوپر سے پھر مری خاک کے نیچے سے نکالو مجھ کو آنکھیں نیزے پہ ٹکے دیکھ کے اپنی نایابؔ بول اٹھے خواب بھی اب تو کہ نہ پالو مجھ کو

phir ye mumkin hi nahin hai ki sambhaalo mujh ko

دل بے اختیار کی خوشبو اس پر اس انتظار کی خوشبو اس پھٹے آسماں کی باعث ہے ہم سے سینہ فگار کی خوشبو اتنا بے صبر چاک سینا ہے سونگھ لیتا ہے تار کی خوشبو مخملی پیرہن سے آتی ہے دامن تار تار کی خوشبو کب تمام عمر ساتھ رہتی ہے زعم ناپائیدار کی خوشبو بوئے منزل میں گھل ہی جائے گی یہ مرے پائے خار کی خوشبو کھو گئی دور ہجر میں نایابؔ میرے لیل و نہار کی خوشبو

dil-e-be-ikhtiyaar ki khushbu

نور اندھیرے کی فصیلوں پہ سجا دیتا ہوں میں سیاہ بخت چراغوں کو جلا دیتا ہوں پہلے اک جسم بناتا ہوں کسی پھول پہ پھر ایک چہرا کسی پتھر پہ بنا دیتا ہوں دن نکلتے ہی کسے ڈھونڈنے جاتا ہوں میں رات کے پچھلے پہر کس کو صدا دیتا ہوں ایک عرصے سے غم ہجر میں مصروف ہے تو آ مرے دل میں تجھے کام نیا دیتا ہوں مجھ سا سادہ بھی کوئی ہوگا زمانے میں کہ میں اپنے قاتل کو بھی عمروں کی دعا دیتا ہوں بہتے دریا کا بدن ڈھانک کے خشک آنکھوں سے موم کے قلب کو پتھر کہ قبا دیتا ہوں مستقل راہ سخن کا ہوں مسافر نایابؔ گر تھکن لکھ دوں ورق پر تو مٹا دیتا ہوں

nuur andhere ki fasilon pe sajaa detaa huun

اسی طرح اگا تھا اور اسی طرح سے ڈھل گیا یہ آج بھی یوں ہی گیا کی جس طرح سے کل گیا جو محو فکر زیست ہیں انہیں بھلا یہ کیا خبر طلوع ماہ کب ہوا کب آفتاب ڈھل گیا تمام اہل بزم لب کشا سے ہو گیا ہیں کیوں یہ آخر ایسا کیا مری زبان سے نکل گیا جو کر رہا تھا آفتاب کو نچوڑنے کی بات بس اک شعاع کے لمس سے وہ موم سے پگھل گیا جو پوچھا اک فقیر سے سفر کا آخری مقام قدم کی خاک اٹھا کے وہ مری جبیں پہ مل گیا کسی کی آہ ذہن پر اثر کچھ ایسا کر گئی مرا تمام درد دل سخن میں ہی بدل گیا تو ترک نسبتیں نصیب سے تو کر رہا ہے پر بلندیوں سے پاؤں گر کبھی ترا پھسل گیا ہے کس قدر مزاج اداس پتھروں کا دیکھیے کوئی تو ہے جو راستے پہ گر کے پھر سنبھل گیا ملال کی تو دور تک امید مجھ کو کیا رہے جب اس کے ذہن سے مرا خیال ہی نکل گیا

isi tarah ugaa thaa aur isi tarah se Dhal gayaa

جب جب میں زندگی کی پریشانیوں میں تھا اپنوں کے باوجود بھی تنہائیوں میں تھا آبادیوں نے سارے بھرم ہی مٹا دیے اس سے زیادہ خوش تو میں ویرانیوں میں تھا ساحل پہ جو کھڑے تھے انہیں موج لے گئی میں بچ گیا کی یار میں طغیانیوں میں تھا آسانیوں میں زیست ہی بے کیف ہو گئی جینے کا اصل لطف تو دشواریوں میں تھا کرتا بھی کیا کسی سے شفا کی کوئی امید سارا کا سارا شہر ہی بیماریوں میں تھا جو سادہ لوح تھے وہ نصیبوں میں رہ گئے چالاک جو بھی شخص تھا اچھائیوں میں تھا کچھ آپ ہی نے غور سے ڈالی نہیں نظر میرا بھی نام آپ کے شیدائیوں میں تھا باتیں تو ستہ پر یوں بہت سی ہوئیں مگر میرا دماغ جھیل کی گہرائیوں میں تھا نایابؔ بھائی بن کے گلے جو ملا تھا کل اس شخص کا شمار بھی دنگائیوں میں تھا

jab jab main zindagi ki pareshaaniyon mein thaa