Syed Basit Hussain Mahir Lakhnavi

tark-e-ulfat se mohabbat kaa likhaa miT na sakaa
vahi afsurdagi-e-shaam-o-sahar aaj bhi hai

dil ki har baat kah gae aansu
gir ke aankhon se rah gae aansu

dekh kar kaali ghaTaa ahl-e-qafas
aur kyaa karte taDap kar rah gae

phirti hai to phir jaae badalti hai to badle
duniyaa ki nazar hai miri qismat to nahin hai

kamar baandho muqaddar ke sahaare baiThne vaalo
shikast-e-razm se raahon kaa pech-o-kham na badlegaa

hamein to yaad nahin koi lamha-e-ishrat
kabhi tumhin ne kisi din hansaa diyaa hogaa