aaina dil kaa jab bhi saaf huaa — Hakim Khan Hakim

"ye kaun apne andar bedaar ho gayaa hai meri anaa ke aage divaar ho gayaa hai ehsaas mere gham kaa izhaar ho gayaa hai tarkash kaa tiir phir se be-kaar ho gayaa hai din-raat ki kashaakash bezaar kar gai to laDne ko zindagi se tayyaar ho gayaa hai patthar ki be-hisi hai har daastaan dil ki tahzib kaa anokhaa meaar ho gayaa hai aankhein bataa rahi hain ik ek baat dil ki duniyaa ki chaahaton kaa aazaar ho gayaa hai apni haqiqaton se chehron ko kyaa chhupaaein aaina aap apnaa kirdaar ho gayaa hai"

"misl-e-khushbu har anjuman mein rahe phuul ki tarah ham chaman mein rahe din nikalte hi roz ran mein rahe apne hi ghar mein ham kafan mein rahe saazishon se vo baaz aae nahin ham usulon ki bas ghuTan mein rahe yaad kuchh to rahe tujhe ham bhi tere maathe ki har shikan mein rahe rang-e-duniyaa mein kho gae tum to ham usi saada pairahan mein rahe ho gae ham lahuluhaan magar hausle dil ke har thakan mein rahe ab ki tahzib hi niraali hai shahd honTon pe zahr man mein rahe kitne chaalaak hain vo aur 'hakim' ham ki bebaak bhole-pan mein rahe"

"subh se shaam tak rahe saae phir achaanak hi kho gae saae zindagi kaa suluk kaisaa hai ik muhaajir se puchhte saae zindagi ke hisaab mein gum hain baar-e-hasti se haanpte saae meri tanhaaiyon ke shoalon mein niind se khvaab tak jale saae kaisi chandan ke paas khushbu hai saanp jaise hain reingte saae jhiil mein dil ki yaad ke patthar daaera ban ke phailte saae ye tashaddud ki khaufnaak havaa jism-o-jaan kyaa hain kaanpte saae"

"duniyaa mein ji rahaa huun magar ji uchaT gayaa sadiyon kaa jo safar thaa vo ik pal mein kaT gayaa muddat ke baad mujh ko jagaayaa zamir ne phir yuun huaa ki zehn gunaahon se haT gayaa ghar ki mohabbaton kaa vo aalam na puchhiye zanjir saa ye kaun qadam se lipaT gayaa dariyaa huun ek main miraa apnaa vajud hai qatra mujhe samajh ke samundar palaT gayaa aakhir ko dil kaa bojh utar hi gayaa 'hakim' lafzon mein meraa dard ba-khubi simaT gayaa"

"duniyaa se ulajhnaa hi muqaddar mein likhaa kyon khultaa nahin mujh par jo huaa hai vo huaa kyon is shahr mein patthar ki sadaaein hain kahaan tak huun soch ki dahliz pe sar rakh ke paDaa kyon har samt sulagte hue manzar hain abhi tak tahzib kaa manzar miri aankhon mein rahaa kyon har subh dhuaan hotaa huaa dekhaa hai khud ko phir bhi main diyaa ban ke sar-e-shaam jalaa kyon har lamha mire khvaab ko taamir kiyaa to har lamha use vaqt ne mismaar kiyaa kyon"

"ummid ke saahil pe Thahar kyon nahin jaataa dariyaa miri aankhon kaa utar kyon nahin jaataa zinat ki koi chiiz salaamat nahin maulaa naqsha ye mire ghar kaa sanvar kyon nahin jaataa muddat se kaDi dhuup mein jo garm-e-safar hai vo dasht-e-tamannaa se udhar kyon nahin jaataa vo kab mire dukh-dard ko mahsus karegaa kuuze mein samundar ye utar kyon nahin jaataa haathon ki lakiron ne sitaare se kahaa hai aangan mein mire chaand utar kyon nahin jaataa kab tak main sanbhaalaa karun khaakistar-e-dil ko khushbu ki tarah main bhi bikhar kyon nahin jaataa kis kis ki inaayaat kaa ehsaas sanbhaale ye bojh mire sar se utar kyon nahin jaataa tahzib ke aamaal ke aaine bahut hain chehron kaa magar rang nikhar kyon nahin jaataa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"