ai mere dil tu bataa tujh ko gavaara kyaa hai — Tarkash Pradeep

"aag pi saktaa thaa aur paani pe chal saktaa thaa main un dinon to har kisi mausam mein Dhal saktaa thaa main ek-tarfa kuchh nahin thaa ye nadaamat kis liye tu jalaa saktaa thaa mujh ko aur jal saktaa thaa main kaam le saktaa thaa tu apne hunar se thoDaa aur tere saanche mein kuchh aur achchhe se Dhal saktaa thaa main main thaa koi haadisa 'aalam thaa jiskaa muntazir Taalne vaalaa koi hotaa to Tal saktaa thaa main haan tumhaari jald-baazi kaa mujhe afsos hai haan tumhaari soch se behtar nikal saktaa thaa main"

"ham kahaan ke daana hain ham kahaan ke saudaai apni apni aankhein hain apni apni binaai aisaa kyaa maraz hai jo Thiik hi nahin hotaa aisaa kyaa masihaa hai aisi kyaa masihaai yuun to saanahe saare guzre hain samaa'at par jis ke muntazir the ham vo sadaa nahin aai tirgi mein kho jaataa biiti baat ho jaataa kis ne mere raste mein raushni ye chhitraai haasil-e-vafaa kyaa hai phir se puchhtaa kyaa hai aur kyaa sunegaa ab kah diyaa na rusvaai main to in ke jhagDon se tang aa gayaa 'tarkash' 'aql meri saabir hai dil miraa tamannaai"

"tu meraa dost miraa yaar hai nahin hai kyaa tire bhi dil mein bahut pyaar hai nahin hai kyaa zaraa si baat pe main tum se ruuTh jaataa huun ye mere ishq kaa izhaar hai nahin hai kyaa main apne aap se thoDaa bahut mutaassir huun ye meri zaat ko aazaar hai nahin hai kyaa yuun apne aap ko barbaad kartaa hai koi ai mere dil tu samajhdaar hai nahin hai kyaa vo ek shai jo kabhi aankh mein nahin utri tu bhi to us kaa talabgaar hai nahin hai kyaa"

"avval milungaa hi nahin aur gar milungaa main milnaa hisaar-e-vaqt ke baahar milungaa main kitni 'ajib baat hai ab mujh ko yaar se milne ki aarzu nahin hai par milungaa main apni anaa pe kaam kiye jaa rahaa huun so achchhaa nahin milaa bhi to behtar milungaa main sochaa thaa us ki or to dekhungaa bhi nahin mujh ko khabar kahaan thi uchhal kar milungaa main ik roz tujh pe raaz khulegaa visaal kaa milne se qabl bhi tujhe aksar milungaa main"

"tum hamaare zikr se aazaad ho ye bhi nahin aur pahle ki tarah se yaad ho ye bhi nahin phir banaa leinge nayaa koi khudaa ham sar-phire tum hamaari aakhiri ijaad ho ye bhi nahin sar ko vo jumbish nahin dete kabhi inkaar mein aur un ke honThon par irshaad ho ye bhi nahin ham se to ye bhi nahin hotaa ki chup baiThe rahein aur apne haq mein kuchh rudaad ho ye bhi nahin apni be-nuri kaa tum karte nahin ho kyon khayaal tum ko aisaa dekh kar koi shaad ho ye bhi nahin"

"is se pahle ki mohabbat kaa bharam ho jaae silsila kyon na mulaaqaat kaa kam ho jaae aap apni hi kisi dhun mein tamaasha kar lein aur ham chaahne vaalon pe sitam ho jaae yaad aaein to har ik lab pe tabassum utre aur phir yuun ho ki har aankh hi nam ho jaae kaash ham ek hi mahbub ke taa-'umr rahein kaash ki dil ki ye aavaargi kam ho jaae is qadar dard hi darkaar thaa ham ko 'tarkash' itnaa hi dard ki jo hans ke raqam ho jaae"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"