ai shaikh mujh ko khvaahish-e-baagh-e-iram nahin — Faheem Gorakhpuri

"taDpein kab tak tiri furqat mein mohabbat vaale aa idhar bhi kabhi o naaz-o-nazaakat vaale shaikh-o-vaaiz hon na kis tarah karaamat vaale hazrat-e-pir-e-mughaan ki hain ye sohbat vaale kab tak izaaein sahein teri mohabbat vaale rahm kar rahm kar o zulm ki aadat vaale shaikh rindon ko buraa kah ke gunahgaar na ban are kambakht yahi log hain jannat vaale dekh jaa aa ke ki ab nazaa ki haalat hai miri itni taklif kar ai meri nazaakat vaale mujh se aasi ko jo mahshar mein milaa baagh-e-bahisht rah gae dekh ke munh zohd-o-ibaadat vaale teri furqat mein taDaptaa hai miraa dil kaisaa dekh aa kar kabhi o sakht tabiat vaale jhuum kar aane to de abr-e-siyah ai saaqi abhi aa jaaeinge maikhaane ki sohbat vaale dil to kyaa jaan fidaa kar dein tire qadmon par aashiqon mein tire aise bhi hain himmat vaale chikh uThe aate hi masjid mein janaab-e-vaaiz chaunk uThte hain yuun hi khvaab se ghaflat vaale koi kartaa hai mai-e-ishq ko jaaez koi mana dekhein kyaa hukm lagaate hain shariat vaale sohbat-e-mai mein bhi miltaa nahin vaaiz ko maza aise dekhe hi nahin khushk tabiat vaale rah gayaa chup hi savaalon pe nakirain ke main sun chukaa thaa ki farishte hain ye jannat vaale kal se hai vaada-e-vasl aaj na kah yaad nahin is qadar bhuul na o bhuul ki aadat vaale qabr se uTh ke qayaamat mein vahin pahuncheinge hauz-e-kausar hi pe dam leinge tire matvaale mayyat-e-aashiq-e-shaidaa hai uThaanaa laazim itnaa naazuk na ban o mere nazaakat vaale munfail ho ke hue pursish-e-isyaan se bari sab se achchhe rahe mahshar mein nadaamat vaale ham kahein kyaa ki hamein kuchh nahin aataa hai 'fahim' naaz karte hain tabiat pe tabiat vaale"

"shaidaa mujhe banaayaa gesu-e-ambarin kaa dil hi miraa huaa hai lo saanp aastin kaa us ko khayaal aayaa phir us but-e-hasin kaa allaah hai nigahbaan mere dil-e-hazin kaa go paas vo nahin hain par dekhtaa huun har dam letaa huun main tasavvur se kaam durbin kaa huron ke zikr par main aayaa nahin huun vaaiz mujh ko khayaal is dam aayaa hai ik hasin kaa kuchh iztiraab dil kaa be-taabi-e-jigar kuchh us ko sunaa diyaa yuun qissa kahin kahin kaa tujh ko jo hai mukarnaa mahshar mein mere khuun se qaatil chhuDaa le pahle dhabbaa tu aastin kaa"

"kyon kahun main ki sitam kaa main sazaa-vaar na thaa dil diyaa thaa tujhe kis tarah gunahgaar na thaa umr bhar mujh se thi har ek ko be-vajh khalish kyunki main gulshan-e-aalam mein koi khaar na thaa kyaa na kuchh ho gayaa ik ghairat-e-yusuf ke liye kab mohabbat mein main rusvaa sar-e-baazaar na thaa kyaa ye kartaa mire zakhm-e-jigar-o-dil kaa ilaaj charkh-e-be-rahm koi marham-e-zangaar na thaa fard niklaa fan-e-duzdi mein khayaal-e-dilbar us kaa aanaa thaa ki pahlu mein dil-e-zaar na thaa kyaa bahaltaa gul-o-sumbul se chaman mein miraa dil vo tiri zulf na thaa ye tiraa rukhsaar na thaa apni qismat hi kaa shaaki main mohabbat mein rahaa shikva-e-charkh na thaa kuchh gila-e-yaar na thaa hashr ke roz mire husn-e-gunah kaa yaarab teri rahmat ke sivaa koi kharidaar na thaa teri aankhon ki mohabbat kaa faqat thaa use rog varna kuchh nargis-e-bimaar ko aazaar na thaa tum ne mahfil mein jagah di use hasrat hai mujhe ghair is aav-bhagat kaa to sazaa-vaar na thaa nargis us aankh ki bimaar-e-gul us rukh pe nisaar baagh-e-aalam mein kise ishq kaa aazaar na thaa ho gai rasm-e-mulaaqaat chalo bahs hai kyaa tum khataa par na the aur main bhi vafaadaar na thaa do pyaalon mein hai saaqi ke ajab kaif 'fahim' aankhein milte hi vo thaa kaun jo sarshaar na thaa"

"iqraar hi ke saath ye inkaar abhi se dil toDte ho kyon miraa paimaan-shikani se har ik ko hai ab uns usi but ki gali se viraan huiin masjidein suune hain kalise bosa hi mujhe do jo nahin vasl pe raazi achchhaa hai vahi kaam jo ho jaae khushi se vaaiz jo pataa khuld kaa puchhe to bataa duun jannat ki taraf jaate hain us but ki gali se baaz aao buto apni jafaaon se khudaa-raa toDo na miraa shisha-e-dil tang-dili se tum aaj zarur aaoge lekin ye bataa do sachchaa koi iqraar kiyaa bhi hai kisi se puuraa kare allaah mire dil kaa iraada mar kar bhi na uTThun but-e-kaafir ki gali se vaaiz ye baraste hue baadal ye ghaTaaein main bach nahin saktaa kabhi tauba-shikani se main kis se 'fahim' aur kahun haal-e-gham apnaa allaah hai aagaah mire dard-e-dili se"

"tum ko jo mujh se shikaayat hai ki shikva na karo banda-parvar hamein har roz sataayaa na karo mehndi mal kar to na aane kaa bahaana na karo aaj hai vasl ki shab khun-e-tamannaa na karo tum nikaalo mire armaan miraa matlab ye nahin mujh ko kahnaa to ye hai ghair kaa kahnaa na karo tauba tauba mai-e-ulfat ko bataate ho haraam be-piye shaikh ji is tarah se bahkaa na karo main kahungaa tumhein zaalim jo sataaoge mujhe tum jo ye sun nahin sakte ho to aisaa na karo haan mire husn ki taa'rif pe chiDhte ho agar aaina dekh ke phir tum mujhe dekhaa na karo apne 'aashiq se munaasib nahin is tarah hijaab aao aankhon mein miri shauq se pardaa na karo de gae aalam-e-ruyaa mein ye taskin mujhe zabt ulfat mein hai laazim tumhein royaa na karo kyaa ghalat hai ye raqibon se nahin rabt tumhein ye bajaa tum ne kahaa shikva-e-bejaa na karo main koi ghair ki hasrat nahin armaan nahin apni mahfil se mujhe yaar nikaalaa na karo un ki paimaan-shikani un ko ye sikhlaati hai karke 'ushshaaq se vaa'da kabhi iifaa na karo un kaa ghussa nahin kuchh qahr-e-khudaa hazrat-e-dil but bigaDte hain to hargiz koi parvaa na karo ghair se qat'-e-ta'alluq mein bhalaai hai zarur haan agar koi buraai ho to achchhaa na karo khaaksaari kaa sikhaataa hai tariqa mujhe zo'f kahtaa hai baiTh ke is bazm se uTThaa na karo jaan se apni guzar jaao mohabbat mein 'fahim' naam agar chaahte ho himmat-e-mardaana karo"

"aaj hain kaaba-nashin kal saakin-e-but-khaana ham apne begaane se yaksaan rakhte hain yaaraana ham ham to qaail hain tire ai be-khudi-e-ishq jab ghair kyaa hai khud hon apni yaad se begaana ham le liyaa logon ne haathon haath ham pahonche jahaan mahfil-e-aalam mein hain shaayad koi paimaana ham chashm-e-mast-e-saaqi-e-madhosh ki rahti hai yaad saath-saath apne liye phirte hain ik mai-khaana ham aatish-e-rashk-e-adu se raat-bhar ai shama-ru teri mahfil mein jale hain surat-e-parvaana ham hijr-e-saaqi mein hai ye kaifiyyat-e-josh-e-junun pheinkte hain toDte hain shisha-o-paimaana ham ishq mein divaangi kaa naam hai farzaangi jo na samjhe is ko samjheinge use divaana ham qaid-e-mazhab se tire paaband-e-ulfat hain bari kyaa gharaz kyon jaaein su-e-kaaba-o-but-khaana ham aaj hai is shart par tauba-shikan hone kaa qasd abr udhar chhaae to chalkaaein idhar paimaana ham daagh-haa-e-dil chamak kar ab ye kahte hain 'fahim' hai ye ghar raushan hamin se hain charaagh-e-khaana ham"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"