andheraa mere baatin mein paDaa thaa — Ateequllah

"vo baat kyaa thi ki jis kaa asar nahin jaataa kisi kaa zehn tiri baat par nahin jaataa zamin ke itne se TukDe pe itni divaarein ki ek shakhs idhar se udhar nahin jaataa vo chaand taar-e-garebaan mein jaa ke aTkaa hai tamaam aasmaan daaman mein bhar nahin jaataa sitam ke haath the aur aasmaan ko chhute the zaraa jhukaa diyaa hotaa to sar nahin jaataa vahi lapak hai sinaan mein chamak hai khanjar mein agarche mere qabile kaa Dar nahin jaataa gumaan ke haath se mash'al kahaan pe jaa ke giri agar main apni hadon se guzar nahin jaataa kuchh aur teri taraf se umiid rakhtaa huun main is tarah ki 'inaayaat par nahin jaataa vo tum hi the jo basar kar gae 'atiqullaah jahaan se itnaa koi be-khabar nahin jaataa"

"us ek zarre ko raushan sitaara karnaa hai ghurub-e-shaam se pahle kinaara karnaa hai ab aisi shab ki siyaahi kaa rizq meraa nasib ab aise din hain to un par guzaaraa karnaa hai buland rakkhungaa apne 'alam main aakhir tak vahaan pahunch ke tujhe bhi ishaara karnaa hai ye 'ahd paara-e-naan-e-javin kaa kaffaara shikam shikam koi khanjar utaaraa karnaa hai usi ko yaad bhi had se ziyaada kartaa huun vo jis ko aakhiri had tak gavaara karnaa hai"

"de kar pichhli yaadon kaa ambaar mujhe pheink diyaa hai saat samundar paar mujhe har manzar ke andar bhi ik manzar hai dekhne vaalaa bhi to ho tayyaar mujhe teri kami gar mujh se puuri hoti hai le aaeinge log sar-e-baazaar mujhe saari chizein ghair-munaasib lagti hain haath mein de di jaae ik talvaar mujhe inTein jaane kab harkat mein aa jaaein jaane kis din chun le ye divaar mujhe ek musalsal choT si lagti rahti hai saamnaa khud apnaa hai har har baar mujhe"

"qalb-gah mein zaraa zaraa saa kuchh zakhm jaisaa chamak rahaa thaa kuchh yuun to vo log mujh hi jaise the in ki aankhon mein aur hi thaa kuchh thaa sar-e-jism ik charaaghaan saa raushni mein nazar na aayaa kuchh ham zamin ki taraf jab aae the aasmaanon mein rah gayaa thaa kuchh dusron ki nazar se dekheinge dekhnaa kuchh thaa ham ne dekhaa kuchh kuchh badan ki zabaan kahti thi aansuon ki zabaan mein thaa kuchh"

"main chhupaa rahungaa nigaah-o-zakhm ki oT mein kisi aur shakhs se dil lagaa ke bhi dekhnaa sar-e-shaakh-e-dil koi zakhm hai ki gulaab hai miri jaan ki rag ke qarib aa ke bhi dekhnaa koi taara chupke se rakhnaa us ki hatheli par vo udaas hai to use hansaa ke bhi dekhnaa vo jo shaam teri palak pe aa ke Thahr gai miri raushni ki hadon mein laa ke bhi dekhnaa baDi chiiz hai ye supurdagi kaa mahin pal na samajh sako to mujhe ganvaa ke bhi dekhnaa"

"main un hudud se kuchh aage jaane vaalaa thaa tamaasha aur hi tujh ko dikhaane vaalaa thaa vo khaak-e-nam bhi miri thi shikasta-dil bhi mire yahi asaasa abhi main ganvaane vaalaa thaa ye shaakh phir hui viraan ai parinda-e-shab isi Thikaane kabhi tu bhi aane vaalaa thaa na ek raat hi aisi na ek din aisaa magar main raat ko din se milaane vaalaa thaa gharib-e-shahr kaa sar ho gayaa qalam aakhir kahaan ki chiiz kahaan par luTaane vaalaa thaa ik aur gumaan ne saaya saa mujh pe Daal diyaa ik aur gumaan ki zad mein jab aane vaalaa thaa"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"