bhale be-aas rahne do — Abdul Majeed Saghar

"baarish hai tanhaai hai yaad tumhaari aai hai yaad tujhe kyon karte karte aankh miri bhar aai hai tark-e-ta'alluq kaise kar luun is mein to rusvaai hai mujh ko vafaa na karni aai tu bhi to harjaai hai koyal jaisi teri boli khushiyon ki shahnaai hai siine mein jo dhaDak rahaa hai dil teraa shaidaai hai mere marne par khushiyon ki mahfil khuub sajaai hai 'ishq mein meri qismat mujh ko maut ke dar par laai hai atom bam bhi ban saktaa hai ik zarra jo raai hai pyaar kaa hai jo munkir 'saaghar' paagal hai saudaai hai"

"dhuein ki zad mein ab saaraa jahaan hai ye duniyaa hai ki ye aatish-fishaan hai har ik dil mein ghamon kaa hai baseraa khushi kaa to nahin miltaa nishaan hai har ik bande ki aankhon mein nami hai har ik lab par bhi aavaaz-e-fughaan hai paron mein taaqat-e-parvaaz ho to nahin kuchh duur tujh se aasmaan hai chalo 'saaghar' khalaa mein ghar banaaein zamin rahne ke qaabil ab kahaan hai"

"ab to khudaa se Dar jaao pyaar-mohabbat kar jaao kyon phirte ho aavaara ab to khudaaraa ghar jaao kartaa hai ye ishq taqaazaa apni jaan se guzar jaao aakhir us ne kah hi Daalaa meri balaa se mar jaao chaar dinon ki duniyaa hai ye kaam achchhe kuchh kar jaao sahraa mein hain log piyaase paani le kar thar jaao vaqt tujhe samjhaataa hai ye ab bhi yaar sudhar jaao khair ko hi phailaao 'saaghar' mat phailaa ke shar jaao"

"huaa hai ye kyaa kuchh samajh mein na aae koi bhi na us ke sivaa dil ko bhaae koi bhi to apnaa nahin is jahaan mein jo apne the vo bhi hue ab paraae na jaane ye kab se hain aankhon mein aansu koi kaash rote huon ko hansaae nikal aae kaanTon se ham bach-bachaa ke gulon se magar ham ne hain zakhm khaae nazar jab bhi aae hasin us kaa chehra to us par hi jaa kar nazar Thahr jaae uThin jab bhi un ki vo aankhein ghazaali unhein dekh kar dil miraa Dol jaae muqaddar mein dar dar ki hain Thokarein ab hamaare hi yaaron ne ye din dikhaae amar ho gae mar ke ulfat ke raahi kiyaa pyaar jis ne vo manzil ko paae nahin koi bantaa kisi kaa jahaan mein musibat mein to chhoD jaate hain saae baDe khub-ru ho baDe khush-gulu ho tumhein to khudaa nazar-e-bad se bachaae taDapte hain ham us ki furqat mein 'saaghar' kaho us se jaa kar ki ab lauT aae"

"pataa thaa duur kar doge ghamon se chuur kar doge falak par jo sitaare hain unhein be-nur kar doge mujhe itnaa rulaa kar tum bahut mashhur kar doge mohabbat zakhm gahraa hai use naasur kar doge sanam zakhmon ko mahkaa kar unhein pur-nur kar doge agar zulfein giraa doge shab-e-dijur kar doge inaayat gar rahi yunhi mujhe maghrur kar doge tumhin lahraa ke ye aanchal fazaa mashur kar doge hamein tum chhoD kar 'saaghar' sitam bharpur kar doge"

"tujhe dekhne ko tarasti hain aankhein na dekhein tujhe to barasti hain aankhein hasinon ki mahfil mein baiThe ho tum bhi na jaane kahaan ab Thaharti hain aankhein ye aansu nahin ye vafaa ke hain moti inhin se hamaari nikharti hain aankhein karegi zabaan dil ki kyaa tarjumaani sabhi dil ki baatein to karti hain aankhein in aankhon ko kyaa husn bakhshegaa kaajal tujhe dekh kar ye sanvarti hain aankhein jhalak jab se 'saaghar' ne dekhi hai teri usi din se tujh pe ye marti hain aankhein"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"

"kyaa manzil-e-gham simaT gai hai ik aah mein raah kaT gai hai phir saamne hai pahaaD si raat phir shaam se niind uchaT gai hai pahlu mein ye kaisaa dard uThaa hai ye kaun si raah kaT gai hai aap aae nahin to maut kambakht aa aa ke palaT palaT gai hai uTh uTh ke mariz-e-gham ne puchhaa kyaa hijr ki raat kaT gai hai phir 'saif' havaa-e-yaad-e-rafta har gham ki naqaab ulaT gai hai"