bin tire dil ke nagar ko main basaaun kaise — Minhaj Khan

"kaTtaa hi nahin jaane miraa kaisaa safar hai lagtaa hai miraa ret ke sahraaon mein ghar hai tanhaa to kabhi mujh ko vo rahne nahin detaa main kuchh bhi karun us ko to har aan khabar hai har shakhs ko mil jaataa hai paison se yahaan pyaar kaise yahaan insaan hain kaisaa ye nagar hai ik shakhs yahaan shab mein jalaataa hai gharon ko phir sab ko bataataa hai ki dekho ye sahar hai ye jaan lo kuchh mujh se kabhi jhuuT na kahnaa ai yaar mire khauf-e-khudaa tum ko agar hai zaahir jo na kar phir bhi hamein kuchh to bataa de khvaabon mein tire kaun hai ye kis kaa asar hai kal raat mire khvaab koi le gayaa 'minhaaj' ab niind hai aankhon mein na tanhaai kaa Dar hai"

"miyaan do chaar din ki ye hamaari zindagaani hai yahaan zinda rahegaa kaun sab ko maut aani hai nahin hai pyaar ke laaiq koi bhi is zamaane mein main khud se pyaar kartaa huun miri bhi ik kahaani hai andheri qabr mein ban jaaegi vo nuur ki qindil hamaare dil ke andar jo kitaab-e-aasmaani hai safar mein hain sab ik muddat se manzil tak nahin pahunche yahi sachchaai hai is ki ye duniyaa aani-jaani hai jo us ne jaate jaate di thi ham ko ek din 'minhaaj' hamaare paas ab bhi vo mohabbat ki nishaani hai"

"kis ko hai vaqt ki puchhe vo haqiqat teri jaantaa kaun nahin ab ye musibat teri khush-nasibi hai jo rahte hain tire paas aksar is bahaane unhein hoti hai ziyaarat teri teri zulfon se koi ghair ulajhtaa hai agar aankhein ho jaati hain tab misl-e-qayaamat teri mujh ko afsos hai tu ne mujhe samjhaa hi nahin mujh ko har moD pe pesh aai zarurat teri ab to ehsaas ye hotaa hai ki har pal ai dost khaak mein mujh ko milaa Daalegi nafrat teri raaz main teraa sanbhaalungaa huun zinda jab tak meri aankhon mein jo rakkhi hai amaanat teri vo bhi kahtaa hai ye 'minhaaj' bichhaD kar mujh se khvaab mein roz nazar aati hai surat teri"

"jo the mukhaalif hamin se ham ko vo dekh kar ke sanvar rahe hain vafaa ki talqin karne vaale vafaaein karne se Dar rahe hain na miltaa un ko magar milaa hai yahi to qudrat kaa faisla hai jo log karte the kal takabbur vo Tuut kar ab bikhar rahe hain tumhin ne kam-zarf kah ke jin ko nikaal rakkhaa thaa mahfilon se vahi sitaare jo kal the Duube vo aaj dekho ubhar rahe hain hazaar vaa'de kiye unhon ne magar vo vaa'don pe aa na paae bharosa jin pe kiyaa thaa ham ne zabaan se apni mukar rahe hain jo toDte the kisi ke dil ko samajh ke miTTi kaa ik khilaunaa ye koi ham se bataa rahaa thaa vo aaj ghuT ghuT ke mar rahe hain suno ai 'minhaaj' qais-o-lilaa ki daastaan-e-vafaa yahi hai vafaa ke raste pe marne vaale yahaan hamesha amar rahe hain"

"tumhaaraa aise ghar jaanaa bahut taklif detaa hai laDaai ham se kar jaanaa bahut taklif detaa hai bazaahir 'ishq kaa izhaar kar to leti hai lekin magar us kaa mukar jaanaa bahut taklif detaa hai vo jis ne mujh ko har ik moD pe aakar sanbhaalaa hai ab us kaa yuun bikhar jaanaa bahut taklif detaa hai bulandi se utar kar koi bhi martaa nahin lekin nigaahon se utar jaanaa bahut taklif detaa hai jahaan se chal ke milon aa gae hain su-e-manzil ham palaT kar phir udhar jaanaa bahut taklif detaa hai kisi se 'ishq mein 'minhaaj' dushvaari nahin lekin magar had se guzar jaanaa bahut taklif detaa hai"

"yaad mein un ki miri aankh se barsaat hui ek hi lamhe mein do baar ye saughaat hui 'ishq zaahir karun main us se to kis tarh karun bas yahi soch ke sharminda miri zaat hui din to yaaron mein guzar hi gayaa jaise taise dard kuchh aur baDhaa hijr mein jab raat hui shab sunahri hui gham mere khushi mein badle husn-e-jaanaan se miri jab bhi mulaaqaat hui donon ik tark-e-ta'alluq ki sazaa ye paae us ki Doli na uThi meri na baaraat hui phuuT kar rone lagaa dekh ke vo meri taraf aakhiri vaqt mein jab us se miri baat hui jazba-e-'ishq ne 'minhaaj' yuun dam toD diyaa zehn ko jiit hui dil ko magar maat hui"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"