chaahaton kaa samar mil gayaa — Munir Anwar

"gali gali hain bheDiye muhaafizon ke ruup mein kasaafaton kaa raaj hai nafaasaton ke ruup mein ham ahl-e-shauq zakhm chaaTte ravaan-davaan rahe saDak pe khaar the saje hue gulon ke ruup mein huzur vaqt mil sake to ek baar dekh lein ye saailon ke masale hain faailon ke ruup mein kahaa gayaa thaa manzil-e-muraad paaeinge magar hamein jo raahzan mile hain rahbaron ke ruup mein ab apne khuun par bhi e'timaad kuchh muhaal hai safediyaan chhipi hui hain surkhiyon ke ruup mein baDe qalam-farosh log the jinhon ne aakhirash hamein tabaah kar diyaa hai 'aalamon ke ruup mein abhi se kyon gumaan-e-tark-e-'aashiqi huaa tumhein abhi to naachtaa hai khuun dhaDkanon ke ruup mein"

"apne andar dhyaan lagaae baiThaa huun aavaazon par kaan lagaae baiThaa huun aaine mein apnaa 'aks hai main jis par kitne surkh nishaan lagaae baiThaa huun dekh mire dushman kuchh bhi ho saktaa hai is baazi par jaan lagaae baiThaa huun lafz bhi kaarobaar hain ek havaale se main bhi ek dukaan lagaae baiThaa huun duniyaa khel tamaashaa hai aur main 'anvar' daao par imaan lagaae baiThaa huun"

"us ne jab baat ki udaasi ki gard jhaDne lagi udaasi ki ab to yaaron ki anjuman mein huun ab kahaan rut rahi udaasi ki teri aankhon kaa zikr bhi aayaa guftugu jab chali udaasi ki shahr bhar mein kahaaniyaan phailin teri bhedon bhari udaasi ki tum se fursat mein guftugu hogi 'izzat-e-nafs ki udaasi ki ai miraa haal puchhne vaale sun sadaa gunjti udaasi ki uTh mire saath raqs kar 'anvar' aisi taisi tiri udaasi ki"

"ghazal kahun ki tujhe haasil-e-ghazal likhun main lafz likhun magar phir badal badal likhun tumhaare saath jo lamhe nasib mein aae unhein main umr kahun aur ek pal likhun abad qaraar duun chaahat ki har nishaani ko main tere pyaar ko sarmaaya-e-azal likhun tiri nazar ke badalte hue ishaaron ko main teraa aaj kahun aur apnaa kal likhun likhun to likhtaa chalaa jaaun ishq ki zid hai hai maslahat kaa taqaazaa sambhal sambhal likhun vo meri ruuh mein shaamil hai is tarah 'anvar' bin us ke ziist faqat saans kaa amal likhun"

"milaa to de ke judaai chalaa gayaa aakhir hamaare hisse mein tanhaa safar rahaa aakhir agar ye tai thaa ki har baat se mukarnaa hai to saath dene kaa vaada hi kyon kiyaa aakhir use khayaal thaa kitnaa jahaan vaalon kaa isi khayaal mein jaan se guzar gayaa aakhir tazaad-e-fikr kaa ilzaam kuchh durust nahin kahaa thaa main ne jo avval vahi kahaa aakhir vo mere dard mire gham ko baanTne vaalaa ik aur karb mujhe daan kar gayaa aakhir tumhein yaqin thaa ham dosti nibhaa leinge hamein gumaan thaa jis kaa vahi huaa aakhir faraaz-e-daar se pahle kaa vaqt mushkil thaa kisi ki yaad ke saae mein kaT gayaa aakhir jab ikhtiyaar thaa tum faisla sunaa dete tamaam umr tazabzub mein kyon rakkhaa aakhir main us ke haath se niklaa huaa zamaana thaa vo meri khoj mein niklaa bikhar gayaa aakhir main e'tibaar ki duniyaa se kaT gayaa 'anvar' kisi ke saath main itnaa bhi kyon chalaa aakhir"

"tire khayaal mein had se guzar gayaa koi gham-e-hayaat ko hairaan kar gayaa koi havaaein jin ke ishaaron pe raqs karti hain charaagh vo mire raste pe dhar gayaa koi mujhe pata bhi nahin chal sakaa magar mujh mein tamaam rang mohabbat ke bhar gayaa koi main she'r kahtaa rahaa jis ki yaad mein ab tak kal us ke jaisaa ghazal mein utar gayaa koi labon tak aayaa huaa qahqaha na rok sakaa phir us ki guunj suni aur Dar gayaa koi main khvaab buntaa rahaa zindagi ke aur kahin fareb-e-zist se ghabraa ke mar gayaa koi main sochtaa huun ki us kaa likhaa dikhaaun use kahe sune se to yaksar mukar gayaa koi bas ik zaraa si tavajjoh ki baat thi 'anvar' nazar nazar se mili aur sanvar gayaa koi"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"