chehre pe na ye naqaab dekhaa — Mohammad Rafi Sauda

"baar-haa dil ko main samjhaa ke kahaa kyaa kyaa kuchh na sunaa aur khoyaa mujh se miraa kyaa kyaa kuchh izzat-o-aabru o hurmat o diin o imaan rouun kis kis ko main yaaro ki gayaa kyaa kyaa kuchh sabr o aaraam kahun yaa ki main ab hosh-o-havaas ho gayaa us ki judaai mein judaa kyaa kyaa kuchh ishq kis zaat kaa aqrab hai ki lagte hi niish dil ke saath aankhon se paani ho bahaa kyaa kyaa kuchh saada-rui ne to khoyaa dil o diin se dekhein khat ke aane mein hai qismat kaa likhaa kyaa kyaa kuchh dakhl kyaa raah-e-mohabbat mein niko-naami ko aayaa is kuche mein jo un ne sunaa kyaa kyaa kuchh vaalih-o-shefta o zaar-o-hazin o majnun apne aashiq ko kal us ne na kahaa kyaa kyaa kuchh girya-e-shisha kabhi thaa to kabhi khanda-e-jaam saaqi is daur mein tere na huaa kyaa kyaa kuchh ghurra mat ho jo zamaane se tiri ban aai thaa vo kyaa kyaa ki na bigDaa na banaa kyaa kyaa kuchh shaadi aane ki na kar yaar na jaane kaa gham aayaa kyaa kyaa na kuchh is jaa na gayaa kyaa kyaa kuchh siina qaanun o ghinaa naala o dil hai mizraab nikle hai saaz-e-mohabbat se sadaa kyaa kyaa kuchh dosto haq mein taraqqi o tanazzul apne kyaa kahein ham ko zamaane se huaa kyaa kyaa kuchh zoaf o naa-taaqati o susti o aazaa-shikani ek ghanTe mein javaani ke baDhaa kyaa kyaa kuchh sair ki qudarat-e-khaaliq ki butaan mein 'saudaa' musht bhar khaak mein jalva hai bhalaa kyaa kyaa kuchh"

"hasti ko tiri bas hai miyaan gul ki ishaarat kaafi hai mire naale ko bulbul ki ishaarat fatvaa talab ai yaar na qaazi se karun main tauba-shikani ko hai miri mul ki ishaarat mil baiTh meri aankhon mein hai saaat-e-nek aaj ye chashm taraazu hain tire tul ki ishaarat hai baais-e-jamiyyat-e-dil ek jahaan ki ai shokh pareshaani-e-kaakul ki ishaarat taqvaa ke nahin baar se qad kham tiraa ai shaikh ik khalq mein mashhur hai is pul ki ishaarat yaad aae tiri zulf na mujh ko jo chaman mein de taab mire dil ko na sumbul ki ishaarat ushshaaq ko tujh chashm ke haajat nahin mai ki behosh kare 'saudaa' ko qulqul ki ishaarat"

"sadma har-chand tire jaur se jaan par aayaa tis pe shikva na kabhi meri zabaan par aayaa raast-keshon ki tuf-e-aah se Dar ai sarkash tiir phirtaa nahin jis vaqt nishaan par aayaa mausam-e-sheb mein be-faaeda hai laab-e-shabaab kab samar deve hai jo nakhl khizaan par aayaa dil-e-pur-khun ko mire ghuncha-e-tasvir ki tarah lab-e-vaashud na kabhi raaz-e-nihaan par aayaa chashm-e-anjum pe nahin abr se vo roz-e-siyaah jo mire dida-e-khun-naab-chakaan par aayaa raat ko dekh ke ai maah tujhe ghair ke saath taana-zan dil kaa mire gul ke kataan par aayaa ho ke ustaad dabistaan-e-sukhan mein 'saudaa' sher ke qaaeda daanaan-e-jahaan par aayaa"

"ai aah tiri qadr asar ne to na jaani go tuj ko laqab ham ne diyaa arsh-makaani yak khalq ki nazron mein subuk ho gayaa lekin kartaa huun main ab tak tiri khaatir pe giraani Tuk dida-e-tahqiq se tu dekh zulekhaa har chaah mein aataa hai nazar yusuf-e-saani maamur hai jis roz se viraana-e-duniyaa har jins ke insaan ki ye maaTi gai chhaani ik vaamiq-e-nau kaa hai samajh chaak garebaan karti hai jo rakhna koi divaar puraani bulbul hi sisakti na thi kuchh baagh mein tujh bin shabnam gulon ke munh mein chuvaati rahi paani hai gosh-zada khalq miraa qissa-e-jaan-kaah jab se ki na samjhe thaa tu chiDiyaa ki kahaani juun shama mujhe sharm hai zunnaar ki ai shaikh maalaa na japun raat ko be-ashk-fishaani jis samt nazar mauj-e-saraab aave to ye jaan hovegi kisi zulf-e-chalipaa ki nishaani kyaa kyaa mile lailaa-manshaan khaak mein 'saudaa' go apne bhi mahbub ki dekhi na javaani"

"jo gul hai yaan so us gul-e-rukhsaar saath hai kyaa gul hai vo ki jis ke ye gulzaar saath hai to mast shab andheri aur aghyaar saath hai jo dil mein aave kah ye gunahgaar saath hai khaamosh andalib-e-chaman tujh se kiyaa hai bahs apnaa sukhan to murgh-e-giraftaar saath hai paighaam us nigah kaa ki jis mein hai bu-e-mehr kyaa jaane kis ke aakhiri didaar saath hai uqda na ye khulaa ki mire dil saa pahlavaan tujh zulf ke bandhaa huaa ik taar saath hai karte to ho mire maraz-e-dil kaa tum ilaaj yaaro jo dil yahi hai to aazaar saath hai 'saudaa' ke haath kyun-ke lage vo mataa-e-husn le niklein jis ko ghar se to baazaar saath hai"

"nasim hai tire kuche mein aur sabaa bhi hai hamaari khaak se dekho to kuchh rahaa bhi hai tiraa ghurur miraa 'ijz taa kujaa zaalim har ek baat ki aakhir kuchh intihaa bhi hai jale hai sham' se parvaana aur main tujh se kahin hai mehr bhi jag mein kahin vafaa bhi hai khayaal apne mein go huun taraana-sanjaan mast karaahne ke dilon ko kabhi sunaa bhi hai zabaan-e-shikva sivaa ab zamaane mein haihaat koi kisu se baham digar aashnaa bhi hai sitam ravaa hai asiron pe is qadar sayyaad chaman chaman kahin bulbul ki ab navaa bhi hai samajh ke rakhiyo qadam dasht-e-khaar par majnun ki is navaah mein 'saudaa' barhana-paa bhi hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"