dasht ko barg-o-baar kaun kare — Naeema Jafri Pasha

"vahi hai mai vahi shisha vahi hai paimaana pe mai-kashi ke jo aadaab the vo badle gae vahi hai niind vahi raat ki giraani hai hamaari aankhon mein jo khvaab the vo badle gae savaalon aur javaabon kaa silsila hai vahi jo haq dilaate vo saare javaab badle gae rifaaqatein to bahut aam ho gaiin ai dost dukhon mein saath jo ahbaab the vo badle gae vahi hai baagh vahi gul hai vahi naghma hai sukun-e-dil ke jo asbaab the vo badle gae ibaadatein hain vahi aur vahi duaaein hain magar duaa mein jo alqaab the vo badle gae"

"ye jahaan-e-rang-o-bu teri dil-lagi bhi hai puchh apne bandon se jin ki bebasi bhi hai kaisi sakht mushkil hai kaisaa imtihaan hai ye jaal mein phanse bhi hain jaal zindagi bhi hai ishq do-jahaan bhi hai ishq laa-makaan bhi hai ishq zaat hai meri ishq aagahi bhi hai un ki raah tak lenaa un ko yaad kar lenaa ye hi dil ki betaabi ye hi be-khudi bhi hai zindagi ke roz-o-shab dil ki ye junun-khezi ye hi gham kaa makhzan hai ye hi sarkhushi bhi hai sab ki baat sun lenaa sab se baat kar lenaa ye mizaaj hai meraa ye hi bandagi bhi hai"

"log kahte hain ki qaatil ko masihaa kahiye kaise mumkin hai andheron ko ujaalaa kahiye chehre paDhnaa to sabhi siikh gae hain lekin kaisi tahzib hai apnon ko paraayaa kahiye jaane pahchaane hue chehre nazar aate hain vaqt qaatil hai yahaan kis ko masihaa kahiye aap jis peD ke saae mein khaDe hain is ko sehn-e-gulshan nahin jaltaa huaa sahraa kahiye sab ke chehron pe hain akhlaaq-o-muravvat ke naqaab kis ko apnaa yahaan aur kis ko paraayaa kahiye shab ke maathe pe koi saaya numudaar huaa us ko ab pyaar ke aangan kaa saveraa kahiye zahr-e-tanhaai-e-gham pi ke mohabbat mein 'khayaal' kis tarah maut ko jiine kaa sahaaraa kahiye"

"havaa ke siing na pakDo khadeD deti hai zamin se peDon ke Taanke udheD deti hai main chup karaataa huun har shab umaDti baarish ko magar ye roz gai baat chheD deti hai zamin saa dusraa koi sakhi kahaan hogaa zaraa saa biij uThaa le to peD deti hai rundhe gale ki duaaon se bhi nahin khultaa dar-e-hayaat jise maut bheD deti hai"

"aankh hi aankh thi manzar bhi nahin thaa koi tu nahin tere baraabar bhi nahin thaa koi mere baahar to kisi maut kaa sannaaTaa thaa aisi tanhaai ki andar bhi nahin thaa koi kyaa tamaashaa hai ki phir jism miraa bhiig gayaa raaste mein to samundar bhi nahin thaa koi"

"muddat ke baad is ne likhaa mere naam khat meri shikaayaton se bharaa hai tamaam khat ghabraa na is qadar dil-e-betaab sabr kar aataa hai koi roz mein ab subh-o-shaam khat likkhaa huaa hai khaas tumhaare hi haath kaa pahchaantaa hai khuub tumhaaraa ghulaam khat tahrir un ki siina pe rakh dijiyo mire badle javaab-e-naama ke aaegaa kaam khat likkhaa hai ab na likkheinge ham koi khat tujhe khat aayaa meri maut kaa laayaa payaam khat zaae' na jaaegi tiri mehnat kisi tarah qaasid ajura detaa huun chuTki mein thaam khat aashiq-navaaziyaan hain tabiat mein yaar ki likkhaa hai har mahine mein bhejo mudaam khat tahrir kar ke saikaDon vaade mukar gae dikhlaaungaa huzur ko roz-e-qayaam khat khat likh ke aaj Daak pe pahuncheinge yaar ko pahunchaaegaa hamaaraa payaam-o-salaam khat 'aaghaa' nisaar hojiye inaam dijiye laayaa hai un kaa qaasid-e-sarsar-khiraam khat"

"abr uTThaa hai gire qatra-e-baaraan sir par guyyaan hushiyaar ki hai aish kaa saamaan sar par karte kyaa kyaa nahin vo ranj ke saamaan sar par rakhte laa laa hain buaa roz mughal jaan sar par ab na jaaeinge chhinaalon ki gali mein mirzaa qasmein khaate hain buaa rakhte hain quraan sar par hasrat-e-did hai jaan tan se na niklegi buaa kyon farishte hain liye maut kaa chaalaan sar par bigDe tevar hain ulajhte hain khafaa hote hain shaikh ji ke hai buaa aaj bhi shaitaan sar par saath ranDi ke chale mirzaa ji kis shaan ke saath dahnaa baghlon mein dabaae hue baayaan sar par chuTkiyaan saaf kahe deti hain dil ki ham se pir-o-murshid hai vahi aaj bhi shaitaan sar par ab farangi hain buaa takht pe ham baaj-guzaar kabhi rakhte the yahaan taaj musalmaan sar par"

"nahin ruktaa to jaa khudaa-haafiz ai dil-e-mubtalaa khudaa-haafiz aai hogi to maut aaegi tum to jaao miraa khudaa haafiz ham chale rehn-e-aarzu ho kar dil-e-be-muddaaa khudaa-haafiz ek kaafir ki hai nazar dil par mere imaan kaa khudaa haafiz bas khudaa yaad aa gayaa 'naatiq' jab vo kah kar chalaa khudaa-haafiz"