dil-e-be-muddaaa kaa muddaaa kyaa — Bashir Farooq

"ishq hai banda-e-aazaad kaa maqsud-e-hayaat aql-e-but-gar ne taraashe hain hazaaron maabud vusatein aur ataa arsa-e-aafaaq ko kar tang hai mere junun pe ye jahaan-e-mahdud fauqiyat dete hain mazhab pe jo qaumiyyat ko un kaa idraak moattal hai basirat mahdud ab kahaan husn-e-khud-aaraa mein kham-e-zulf-e-ayaaz ab kahaan ishq ke maslak mein tariq-e-mahmud na vo manzil-gah-e-majnun hai na vo vaadi-e-najd rah-rav-e-shauq-o-tamanna ki hain raahein masdud zehn mein un ke kahaan shoala-e-takhliq-e-sukhan jo ye kahte hain ki afkaar pe taari hai jumud shama-e-aivaan-e-tarab qismat-e-munim 'faaruq' dil-e-majbur ki taqdir faqat shoala-e-dud"

"dil kaa maqsum thaa mahv-e-gham-e-jaanaan honaa usi aaine se sikhe koi hairaan honaa apni hi anjuman-e-shauq mein ho naghma-saraa tang hai ghair ki mahfil mein ghazal-khvaan honaa zindagi kyaa hai tiri yaad tiraa zikr-e-jamil bandagi kyaa hai tire naam pe qurbaan honaa dil ye kahtaa hai pashemaan-e-mohabbat ho jaa dard kahtaa hai na minnat-kash-e-darmaan honaa un se itnaa na huaa pursish-e-gham hi karte ham se dekhaa na gayaa jin kaa pareshaan honaa mujh ko khush aa na sakaa ghairat-e-dini se faraar un ko raas aa gayaa ghaarat-gar-e-imaan honaa aashiqi zabt hai aur zabt hai raanaai-e-zist ishq ki shaan nahin chaak-garebaan honaa mujh ko un shokh nigaahon ne banaayaa kaafir jin ko manzur na thaa meraa musalmaan honaa haae us ashk-e-jigar-soz ki qismat 'faaruq' jis ki qismat na ho palkon pe farozaan honaa"

"firaaq-e-dost ke qaabil nahin hai vo dil jo khugar-e-mushkil nahin hai koi ye naa-khudaaon ko bataa de mohabbat mauj hai saahil nahin hai garebaan chaak hai apnaa na daaman abhi shaayad junun kaamil nahin hai hai manzil aur bhi manzil se aage ye manzil aakhiri manzil nahin hai bhalaa vo zindagi kyaa hai ki jis mein tiraa lutf-o-karam shaamil nahin hai khirad uljhi hui hai pech-o-kham mein junun shaaista-e-mahfil nahin hai mujhe Dar ham-navaaon se hai 'faaruq' mujhe andesha-e-baatil nahin hai"

"zabaan majbur hai lab par fughaan hai saraapaa dard meri daastaan hai nigaah-e-yaar bhi hai bad-gumaan si ghurur-e-husn bhi daaman-kashaan hai firaaq-e-dost kaa kyaa zikr aakhir visaal-e-yaar bhi dil par garaan hai yahaan par baat karnaa hai qayaamat vahaan fariyaad ki jurat kahaan hai miraa gham hai miraa sarmaaya-e-zist miraa har ashk meraa tarjumaan hai khumaar-aalud nazron mein hai jo kaif vo saaqi tere saaghar mein kahaan hai agar mai husn hai to ishq 'faaruq' khumaar-e-baada-e-shola-fishaan hai"

"takhliq-e-kaaenaat digar kar sake to kar paidaa khud apne shaam-o-sahar kar sake to kar phulon mein shab guzaarnaa mushkil nahin koi kaanTon pe koi raat basar kar sake to kar achchhaa nahin kisi ki tamannaa se khelnaa achchhaa yahi hai is se hazar kar sake to kar har ashk-e-khun hai makhzan-e-sarmaaya-e-hayaat har ashk-e-khun ko laal-o-gohar kar sake to kar taare maraahil-e-safar-e-shauq hi sahi taaron ko bhi sharik-e-safar kar sake to kar aql-o-khirad ke marhale tai kar liye to kyaa vahm-o-gumaan ke maarke sar kar sake to kar 'faaruq' ye bahaar-e-chaman phir na aaegi yaaraan-e-mai-kada ko khabar kar sake to kar"

"naqsh-o-nigaar-e-zist kaa saamaan na kar sake apnaa lahu jo sarf-e-gulistaan na kar sake vo kam-nasib jin ki khizaan mein khuli thi aankh andaaza-e-jamaal-e-bahaaraan na kar sake har ek naakhudaa ne safinon pe khair se ehsaan vo kiye hain jo tufaan na kar sake apne bhi daagh-e-dil mah-o-anjum se kam na the ye aur baat hai ki farozaan na kar sake is vaaste har ik ko nayaa gham diyaa gayaa koi kisi ke dard kaa darmaan na kar sake vo gham-gusaari-e-gham-e-dauraan kareinge kyaa jo paas-e-khaatir-e-gham-e-dauraan na kar sake 'faaruq' tum ne khud ko musalmaan to kar liyaa us kufr-maajraa ko musalmaan na kar sake"

"ham khaak-nashinon pe tum ilhaami 'ataa ho jaise kisi majzub ki maqbul du'aa ho le aao koi misr se mahbub kaa kurtaa taaki miri aankhon kaa diyaa phir se haraa ho is dhaj se manaane kaa hunar us ko hai haasil main phir se manaaungaa chalo phir se khafaa ho duniyaa mein hasin laakh hain par tum se nahin hain goyaa tumhein qudrat ne bhi fursat mein bunaa ho aao kabhi sahraa mein to ban jaae vo gulshan is mausam-e-naumid mein paighaam-e-ziyaa ho nikle hai du'aa dil se mire ye hi musalsal gunje jo mire ghar mein faqat teri sadaa ho hai un kaa bulaavaa mujhe aise ki ye goyaa sarkaar ke darbaar se ye hukm milaa ho ye chizein zaruri hain takhayyul ko hamaare ik jaam sar-e-shaam ho aur baad-e-sabaa ho kuchh nukta-varon se bhi abhi tai na huaa ye kyaa raaz tumhaaraa hai ki tum kaun ho kyaa ho ai kaash ki mujh ko bhi 'ataa ho vo haqiqat bas main huun miraa yaar ho aur ghaar-e-hiraa ho tum asl mein kyaa ho ye 'ayaan kyon nahin karte sultaan ho mahbub ho but ho yaa khudaa ho"

"jaane se tere mujh pe ye kaisaa asar paDaa sadiyon kaa jaise ho koi viraan ghar paDaa qissa kai sadi kaa phir aankhon mein aa gayaa gaanv ke raaste pe jo buDhaa shajar paDaa sunte hain chaand taare hain puure 'uruj par hujre mein aasmaan magar be-khabar paDaa ik saanahe ne mujh se liyaa chhin mujh ko yuun khud ko bhi DhunDhnaa mujhe phir dar-ba-dar paDaa itni tavil thi shab-e-yaldaa ki jis ke baa'd aakhir pe daura dil kaa hi vaqt-e-sahar paDaa kyaa kyaa sunaaein dil kaa hai ye qissa mukhtasar dahliz-e-yaar par rahaa hai 'umr bhar paDaa"

"jab bhi taqdir kaa halkaa saa ishaara hogaa aasmaan par kahin meraa bhi sitaara hogaa dushmani niind se kar ke huun pashemaani mein kis tarah ab mire khvaabon kaa guzaara hogaa muntazir jis ke liye ham hain kai sadiyon se jaane kis daur mein vo shakhs hamaaraa hogaa main ne palkon ko chamakte hue dekhaa hai abhi aaj aankhon mein koi khvaab tumhaaraa hogaa dil parastaar nahin apnaa pujaari bhi nahin devtaa koi bhalaa kaise hamaaraa hogaa tez-rau apne qadam ho gae patthar kaise kaun hai kis ne mujhe aise pukaaraa hogaa"

"meri palkon ki dahliz par is tarah mere ashkon na tum jagmagaate raho kaifiyat dil ki zaahir kisi par na ho gham khushi ki jhalak mein chhupaate raho Dagmagaane na do hauslon ke qadam apni himmat kaa rakhnaa hai tum ko bharam bijliyaan aashiyaana jalaati rahein tum nayaa aashiyaana banaate raho kar dein viraan na ye amn ki bastiyaan bughz-o-nafrat ki ye sar-phiri aandhiyaan in ko rakhnaa hai tum ko jo auqaat mein tum charaagh-e-mohabbat jalaate raho kyaa khabar kyaa hain aisi bhi majburiyaan baDh gaiin khuni rishton mein bhi duriyaan dosto ye taqaazaa hai haalaat kaa duriyaan tum dilon ki miTaate raho sar kaTe yaa rahe is kaa gham na karo zulm ke saamne tum kahin na jhuko jo ghalat hai tum us ki mazammat karo aur aavaaz-e-haq bhi uThaate raho ji lo khud ke liye kuchh nahin faaeda zindagi kaa hai 'aalam' yahi qaa'eda maqsad-e-zindagi hogaa haasil tumhein dusron ke sadaa kaam aate raho"

"chupke chupke yaad ye kis ki aai hai dard mein Duubi aaj miri tanhaai hai jis ne kiyaa barbaad hamaare gulshan ko ghair nahin hai vo apnaa hi bhaai hai kaun hai apnaa kaun paraayaa kaisi vafaa sach kahne mein apni hi rusvaai hai apni gharaz ke bande hain sab log yahaan sab kaa maqsad jag mein khud-aaraai hai kis ki hui hai jo teri meri hogi ye duniyaa to yug yug se harjaai hai lauT ke pichhe jaanaa bhi hai naa-mumkin aage dushman pichhe gahri khaai hai unchi unchi baatein kyon kartaa hai 'majid' sasti shohrat kaa tu bhi shaidaai hai"

"aarzu ko salaam karte hain dil kaa qissa tamaam karte hain aa sakegaa na lab pe raaz-e-ishq husn kaa ehtiraam karte hain is fareb-e-khayaal ke sadqe aap mujh se kalaam karte hain ai falak kuchh to chain lene de do ghaDi ko maqaam karte hain khaak bhi ab nahin shahidon ki kyuun vo azm-e-khiraam karte hain sab hi dete hain jaan yuun 'kaifi' aap kyaa aisaa kaam karte hain"