naqsh-o-nigaar-e-zist kaa saamaan na kar sake — Bashir Farooq

"firaaq-e-dost ke qaabil nahin hai vo dil jo khugar-e-mushkil nahin hai koi ye naa-khudaaon ko bataa de mohabbat mauj hai saahil nahin hai garebaan chaak hai apnaa na daaman abhi shaayad junun kaamil nahin hai hai manzil aur bhi manzil se aage ye manzil aakhiri manzil nahin hai bhalaa vo zindagi kyaa hai ki jis mein tiraa lutf-o-karam shaamil nahin hai khirad uljhi hui hai pech-o-kham mein junun shaaista-e-mahfil nahin hai mujhe Dar ham-navaaon se hai 'faaruq' mujhe andesha-e-baatil nahin hai"

"zabaan majbur hai lab par fughaan hai saraapaa dard meri daastaan hai nigaah-e-yaar bhi hai bad-gumaan si ghurur-e-husn bhi daaman-kashaan hai firaaq-e-dost kaa kyaa zikr aakhir visaal-e-yaar bhi dil par garaan hai yahaan par baat karnaa hai qayaamat vahaan fariyaad ki jurat kahaan hai miraa gham hai miraa sarmaaya-e-zist miraa har ashk meraa tarjumaan hai khumaar-aalud nazron mein hai jo kaif vo saaqi tere saaghar mein kahaan hai agar mai husn hai to ishq 'faaruq' khumaar-e-baada-e-shola-fishaan hai"

"takhliq-e-kaaenaat digar kar sake to kar paidaa khud apne shaam-o-sahar kar sake to kar phulon mein shab guzaarnaa mushkil nahin koi kaanTon pe koi raat basar kar sake to kar achchhaa nahin kisi ki tamannaa se khelnaa achchhaa yahi hai is se hazar kar sake to kar har ashk-e-khun hai makhzan-e-sarmaaya-e-hayaat har ashk-e-khun ko laal-o-gohar kar sake to kar taare maraahil-e-safar-e-shauq hi sahi taaron ko bhi sharik-e-safar kar sake to kar aql-o-khirad ke marhale tai kar liye to kyaa vahm-o-gumaan ke maarke sar kar sake to kar 'faaruq' ye bahaar-e-chaman phir na aaegi yaaraan-e-mai-kada ko khabar kar sake to kar"

"vo sitam-parvar ba-chashm ashk-baar aa hi gayaa chaak-daamaani pe meri us ko pyaar aa hi gayaa miTte miTte miT gai jaan-e-vafaa ki aarzu aate aate be-qaraari ko qaraar aa hi gayaa chupke chupke mujh pe meri khaamushi hansti rahi rote rote jazb-e-dil par ikhtiyaar aa hi gayaa koi vaada jis kaa maani-aashnaa hotaa nahin phir usi vaada-shikan par e'tibaar aa hi gayaa yaa ilaahi jazba-e-hosh-o-khirad ki khair ho muntazir jis kaa junun thaa vo dayaar aa hi gayaa"

"gham-e-bahaar mein raah-e-khizaan se guzre hain dilon ke qaafile har imtihaan se guzre hain junun ki raushni le kar nigaahbaan-e-hayaat hudud-e-zulmat-e-vahm-o-gumaan se guzre hain charaagh ban ke jale hain rah-e-tamannaa mein bahaar ban ke tire gulsitaan se guzre hain vahaan nigaah-e-talaatum pahunch nahin sakti sitam-kashon ke safine jahaan se guzre hain musaafiraan-e-haram ko khabar nahin ab tak balaa-kashaan-e-mohabbat kahaan se guzre hain tiri talaash mein dair-o-haram kaa zikr hi kyaa tiri talaash mein har aastaan se guzre hain hamein to un ke sitam bhi garaan nahin 'faaruq' mizaaj-e-naaz pe shikve garaan se guzre hain"

"dil kaa maqsum thaa mahv-e-gham-e-jaanaan honaa usi aaine se sikhe koi hairaan honaa apni hi anjuman-e-shauq mein ho naghma-saraa tang hai ghair ki mahfil mein ghazal-khvaan honaa zindagi kyaa hai tiri yaad tiraa zikr-e-jamil bandagi kyaa hai tire naam pe qurbaan honaa dil ye kahtaa hai pashemaan-e-mohabbat ho jaa dard kahtaa hai na minnat-kash-e-darmaan honaa un se itnaa na huaa pursish-e-gham hi karte ham se dekhaa na gayaa jin kaa pareshaan honaa mujh ko khush aa na sakaa ghairat-e-dini se faraar un ko raas aa gayaa ghaarat-gar-e-imaan honaa aashiqi zabt hai aur zabt hai raanaai-e-zist ishq ki shaan nahin chaak-garebaan honaa mujh ko un shokh nigaahon ne banaayaa kaafir jin ko manzur na thaa meraa musalmaan honaa haae us ashk-e-jigar-soz ki qismat 'faaruq' jis ki qismat na ho palkon pe farozaan honaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"