dil-e-kharaab ke ahkaam Thiik lagne lage — Komal Joya

"jhagaDnaa kaahe kaa mere bhaai paDi rahegi ye baap daadaa ki sab kamaai paDi rahegi andhere kamre mein raqs karti rahegi vahshat aur ek kone mein paarsaai paDi rahegi havaa ki minnat karo ki ghar ke diye bujhe to udaas ho kar diyaa salaai paDi rahegi hamaari nazron se aur ojhal agar hue tum zamaane bhar ki ye raushnaai paDi rahegi tumhaare jaane ke baa'd kaisi mahalle-daari yaqin kar lo bani banaai paDi rahegi tumhaare haathon kaa lams kaafi hai lauT aao main Thiik ho jaaungi davaai paDi rahegi buzurg rukhsat hue hain lekin baraamde mein puraane vaqton ki chaarpaai paDi rahegi"

"sabhi nuqush ghalat khaal-o-khad balaa ke kharaab mujhe vo Thiik nahin kar sakaa banaa ke kharaab mujhe pasand hai har shai jo mere jaisi ho so achchhi chiiz main rakh aati huun uThaa ke kharaab bas ek baar hi kaafi hai zindagi ki khudaa phir is jahaan mein honaa hai kis ko aa ke kharaab to ik charaagh jalaa aao shab ki chaukhaT par agar mizaaj nahin lag rahe havaa ke kharaab har ek kaam mukammal tavajjoh chaahtaa hai tabhi to khud ko kiyaa khuub dil lagaa ke kharaab tazaad-e-qaul-o-'amal aur fareb lahjon mein ye log dekhne mein hi the intihaa ke kharaab main sab se khushnumaa patthar thi tujh 'imaarat kaa so tu ne khud ko kiyaa hai mujhe haTaa ke kharaab tumhaaraa dukh hai ki tum bhi banaa diye gae ho hamaaraa kyaa hai ki ham log the sadaa ke kharaab"

"main jis iraade se jaa rahi huun usi iraade se laD paDungi mire sipaahi ko kuchh huaa to main shaahzaade se laD paDungi ye khel shaahon ke martabe kaa hadaf baneinge hamaare mohre main bebasi mein shikast khaae hue piyaade se laD paDungi main apni basti ki kachchi galiyon se ishq karti huun yaad rakhnaa agar jo achchhaa buraa kahegaa amir-zaade se laD paDungi asir-e-naqsh-o-nigaar mujh se nahin sambhaltaa ye chaak-e-hasti main thak gai to bikharti miTTi se aur buraade se laD paDungi ye sabr kab tak nibhaae jaaun main khud se nazrein churaae jaaun jo shaam-e-hijraan ne jaan khaai har ek vaade se laD paDungi"

"'ishq gar haath chhuDaae to chhuDaane denaa kaar-e-vahshat pe magar aanch na aane denaa yuun bhi aaghaaz mein har kaam bhalaa lagtaa hai avval avval hai ise hijr manaane denaa apne bachche ko na nafrat kaa paDhaa denaa sabaq haath dushman se milaae to milaane denaa ye bhi kam-zarf mohabbat kaa vatira hai miyaan jab nae zakhm ki khvaahish ho puraane denaa jis ne daaman miraa dukh dard se bhar Daalaa hai mere maulaa use khushiyon ke khazaane denaa 'izzat-e-nafs se baDh kar to koi chiiz nahin jo tumhein chhoD ke jaae use jaane denaa"

"hijr kaa ranj ghaTe aisi du'aa jaantaa hai tu koi vird koi ism bataa jaantaa hai bas qiyaafon pe mujhe chhoD ke jaane vaale ye tiraa shahr mire baare mein kyaa jaantaa hai mashvare dete huon ko bhi kahaan hai maa'lum itnaa maa'sum nahin achchhaa buraa jaantaa hai tu ne kyaa soch ke mazmun churaayaa meraa din-e-islaam mein chori ki sazaa jaantaa hai log us shakhs ki muTThi mein chale aate hain vo kalaa-kaar koi aisi kalaa jaantaa hai"

"main sochti huun ki ai rab furaat kyon nahin ki kushaada ham pe zamin-e-hayaat kyon nahin ki kisi ne puchhaa hai ghabraa ke jaane vaalon se basar saraae mein ik aur raat kyon nahin ki bas itni baat pe munsif sazaaein detaa rahaa qubul shahr ke logon ne maat kyon nahin ki bandhe the haath hamaare so ham se mat puchho uThaa ke haath du’aa-e-najaat kyon nahin ki miraa to zakhm hi naasur ban gayaa tu ne 'ilaaj karte hue ehtiyaat kyon nahin ki mire qabile ke sardaar vo munaafiq hain zabaan kaaT ke kahte hain baat kyon nahin ki"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"