dil se tiron kaa aur kamaanon kaa — Majid Siddiqui

"dhokaa thaa har ik barg pe TuuTe hue par kaa vaa jis ke liye rah gayaa daamaan sharar kaa main ashk huun main os kaa qatra huun sharar huun andaaz baham hai mujhe paani ke safar kaa karvaT si badaltaa hai andheraa to use bhi de dete hain ham saadaa-manush naam sahar kaa tohmat si liye phirte hain sadiyon se sar apne rusvaa hai bahut naam yahaan ahl-e-hunar kaa qaaem na rahaa khaak se jab rishta-e-jaan to bas dhuul pata puchhne aati thi shajar kaa jo shaah ke kaandhon ki vajaahat kaa sabab hai dekho to bhalaa taaj hai kis kaasa-e-sar kaa ashkon se tapaan hai kabhi aahon se khunuk hai ik umr se 'maajid' yahi mausam hai nagar kaa"

"khas-o-khaashaak bhi kab ke hain bhanvar se nikle ik hamin hain ki nahin nargha-e-shar se nikle zakhm vo khul bhi to saktaa hai silaayaa hai jise ham bhalaa kab hain had-e-khauf-o-khatar se nikle ye safar apnaa kahin jaanib-e-mahshar hi na ho ham liye kis kaa janaaza hain ye ghar se nikle kal jo Tapke the sar-e-kucha-e-kotah-nazraan ashk ab ke bhi vahi dida-e-tar se nikle aks kuchh apnaa hi aaina-e-haalaat mein thaa saTpaTaae hue jab daam-e-safar se nikle kaun kah saktaa hai 'maajid' ki ba-in kam-nigahi hashr kyaa saaat-e-aainda ke dar se nikle"

"arsh se rukh jaanib-e-duniyaa-e-dun karnaa paDaa bandagi mein kyaa se kyaa ye sar nigun karnaa paDaa minnat-e-saahil bhi sar le li bhanvar mein Dolte haan ye hiila bhi hamein bahr-e-sukun karnaa paDaa saamne us yaar ke bhi aur sar-e-darbaar bhi ek ye dil thaa jise har baar khuun karnaa paDaa ham ki the ahl-e-safaa ye raaz kis par kholte qaafile kaa saath aakhir tark kyuun karnaa paDaa kham na ho paayaa to sar ham ne qalam karvaa liyaa vuun na kuchh 'maajid' huaa ham se to yuun karnaa paDaa"

"milaa hai takht kise kaun takht par na rahaa ye baat aur hai jaari thaa jo safar na rahaa shab-e-siyaah mein bhi jo thaa raushni kaa safir kinaar-e-baam se vo jhaanktaa qamar na rahaa lagi thiin jis pe nigaahein na jaane kis kis ki mariz par vahi taaviz kaar-gar na rahaa yaqin thaa jo bhi vo ab gard-e-ishtibaah mein hai ye kyaa huaa ki koi shakhs mo'tabar na rahaa baDe-baDon pe bhi 'maajid' ba-naam-e-arz-e-vatan jo e'timaad thaa al-qissa mukhtasar na rahaa"

"jazbon ko zabaan de rahaa huun main vaqt ko daan de rahaa huun mausam ne shajar pe likh diyaa kyaa har harf pe jaan de rahaa huun yuun hai nam-e-khaak ban ke jaise faslon ko uThaan de rahaa huun jo jo bhi khamida-sar hain un ke haathon mein kamaan de rahaa huun kaisi had-e-jabr hai ye jis par be-vaqt azaan de rahaa huun auqaat miri yahi hai 'maajid' haari hui lagaan de rahaa huun"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"