dusraa koi chehra dekhtaa nahin hai tu — Naina Adil

"riyaa-kaari ke dhandon mein na tu shaamil na main shaamil khudaa ke nek bandon mein na tu shaamil na main shaamil vafaa ki sukhti jhilon se laakhon kuuch karte hain magar uDte parindon mein na tu shaamil na main shaamil tamaashaa dekhte hain aap apnaa aur hanste hain hamaare dard-mandon mein na tu shaamil na main shaamil abhi to bhigte lamhon ne pahlaa bhed paayaa hai abhi baarish ki bundon mein na tu shaamil na main shaamil chhalakte hain mohabbat raasti aur harf ke pyaale kahein kaise ki rindon mein na tu shaamil na main shaamil fasaad-o-qatl karte hain jo tere mere naamon par ilaahi in darindon mein na tu shaamil na main shaamil na eazaazaat aur PR nai seminar aur tamghe adab ke shar-pasandon mein na tu shaamil na main shaamil"

"hai baal-o-par mein vahshat si be-samt uDaanein bharti huun apne andar ke jangal mein gum ho jaane se Darti huun phir aas kaa dariyaa bahtaa hai phir sabza ug ug aataa hai phir dhuup kinaare baiThi main ik khvaab ki chhaagal bharti huun kyon aag dahakti hai mujh mein kyon baarish hoti hai mujh mein jab dhyaan se milti huun tere jab tere man mein utarti huun kab mujh ko rihaai milti thi naahaq jo qafas bhi toD diyaa baj uThti hain zanjirein si main paanv jahaan bhi dharti huun ik phuul ki pati kaa bistar ik os ke moti kaa takiya titli ke paron ko oDh ke main khvaabon mein aan Thaharti huun dil gham se rihaai chaahtaa hai aur vo bhi jiite ji saahab phir tujh mein panah le leti huun phir khud se kinaara karti huun hain naag kaa phan kaali raatein lamha lamha Dasti jaavein sau baar taDapti huun saahab sau baar main jiiti marti huun"

"de kar fareb pyaas ki aazurdagi ko ham aao naa ghunT bhar ke piyein zindagi ko ham khulne lagi hai niind ki bhedon bhari kathaa chhune lage hain khvaab ki dil-bastagi ko ham sahraa qubul kartaa hai baarish kaa indiya miTTi mein gundh lete hain jab tishnagi ko ham rakh kar hazaar aaine us rukh ke ru-ba-ru dhoka diyaa kareinge tiri saadgi ko ham raqsaan hai boznon ki tarah vaqt be-takaan takte hain putliyon ki tarah DugDugi ko ham andar hi apne khaak uDaate hain duur tak baahar nahin nikaalte aavaargi ko ham haajat ke daam girte nahin hain naqaab mein yaani hijaab karte hain be-pardagi ko ham suntaa thaa be-kanaar samundar hamaari nazm auron ko bhi sunaate rahe dil lagi ko ham lafzon ki mezbaani agar saunp di gai mehmaan kareinge aap ki sanjidgi ko ham"

"bojh apnaa sahaarte hain ham kaun saa tiir maarte hain ham aankh ke paar kis khamoshi se ek dariyaa utaarte hain ham aur hanstaa hai aaina ham par aur khud ko sanvaarte hain ham har nai shaam apne pahlu mein ek saae ko maarte hain ham koi bhi to nahin hai koi bhi jaane kis ko pukaarte hain ham"

"tire aks se miri zaat mein hai latif hijr-o-visaal saa dam-e-subh koi umang si sar-e-shaam koi malaal saa tiri bu-e-khush ke surur se tiri raushni ke vafur se mire nain gahre siyaah se miraa rang surkh gulaal saa magar aagahi ki talab se hai hama-vaqt nok-e-zabaan par koi lafz lafz-e-gumaan saa koi harf harf-e-savaal saa jise zindagi ke rafu libaas ke saare bakhiye qubul hain use phir labaada qazaa kaa bhi huaa narm reshon ki shaal saa chalo DhunDein shahar-e-numud mein koi shakhs paikar-e-zindagi koi dosti ki nazir saa koi dilbari ki misaal saa miraa intiqaam bhi harf hain miraa ehtimaam bhi harf hain kabhi giit giit tarang si kabhi she'r she'r vabaal saa"

"hairat saraae harf mein aao to baat hai aur vaapsi ki raah na paao to baat hai khushbu ke bhed khulte nahin chaar roz mein phulon ke saath 'umr bitaao to baat hai aise khulo khile hai ghazal jaise 'mir' ki aa kar bhi yaa'ni haath na aao to baat hai le kar tumhaare giit jo utre dilon ke paar kaaghaz pe aisi naav banaao to baat hai kyaa lutf aaine se mili raushni mein hai 'nainaa' diye ki qaid mein aao to baat hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"subh-e-nau laati hai har shaam tumhein kyaa maalum zakhm khushiyon ke hain paighaam tumhein kyaa maalum bhuul kar bhi jo kisi bazm mein aayaa na gayaa sainkaDon us pe hain ilzaam tumhein kyaa maalum log gulshan mein to chalte hain sar-afraazi se un mein kitne hain tah-e-daam tumhein kyaa maalum kuchh andhere bhi khataavaar-e-tabaahi hain magar raushni par bhi hai ilzaam tumhein kyaa maalum jis ko tum DhunDte ho sham-e-rukh-e-naaz liye vo to arse se hai gumnaam tumhein kyaa maalum jo rukh-e-zist pe thaa harf-e-ghalat ki maanind mil rahaa hai use inaam tumhein kyaa maalum jo kafan baandh ke chalte hain vafaa ki rah mein zindagi kar chuke nilaam tumhein kyaa maalum surkh-ru kaun huaa kucha-e-jaanaan mein kabhi naamvar bhi hue badnaam tumhein kyaa maalum do qadam bhi na chale raah-e-vafaa mein ham log hai abhi zauq-e-talab khaam tumhein kyaa maalum jo jalaa raat ki tanhaai mein us par bhi 'khayaal' bevafaai kaa hai ilzaam tumhein kyaa maalum"

"pata kaise chale duniyaa ko qasr-e-dil ke jalne kaa dhuein ko raasta miltaa nahin baahar nikalne kaa bataa phulon ki masnad se utar ke tujh pe kyaa guzri miraa kyaa main to aadi ho gayaa kaanTon pe chalne kaa mire ghar se ziyaada duur sahraa bhi nahin lekin udaasi naam hi leti nahin baahar nikalne kaa chaDhegaa zahr khushbu kaa use aahista aahista kabhi bhugtegaa vo khamyaaza phulon ko masalne kaa musalsal jaagne ke baad khvaahish ruuTh jaati hai chalan sikhaa hai bachche ki tarah us ne machalne kaa zar-e-dil le ke pahunchaa thaa mataa-e-jaan bhi kho baiThaa diyaa us ne na mauqaa bhi kaf-e-afsos milne kaa khushi se kaun kartaa hai ghamon ki parvarish 'saajid' kise hai shauq logo dard ke saanche mein Dhalne kaa"

"hissa-e-dard viraasat se ziyaada hi milaa mujh ko shaayad miri qismat se ziyaada hi milaa gham zamaane kaa zaraa saa hi kharidaa thaa magar maal mujh ko miri qimat se ziyaada hi milaa vo siyaasat ne diye hon ki mohabbat ne tiri dil ko har zakhm zarurat se ziyaada hi milaa log jannat ke talabgaar hain lekin ai maan tu mili to mujhe jannat se ziyaada hi milaa laakh tadbir ne khushiyon ko manaayaa lekin ranj taqdir ko raahat se ziyaada hi milaa"