ehsaas-e-zimmedaari bedaar ho rahaa hai — Rahi Fidai

"ham na hote kaakh-e-musht-e-khaak hotaa ghaaliban be-samaaat naghma-e-laulaak hotaa ghaaliban aap ne achchhaa kiyaa tathir-e-khvaahish hi na ki varna zamzam chashma-e-naapaak hotaa ghaaliban aatish-e-karb-o-balaa ne hosh ke naakhun liye josh mein sail-e-khas-o-khaashaak hotaa ghaaliban khud hi baatil-saaz ne hangaama-aaraai na ki khush-libaas-e-haq bhi daaman-chaak hotaa ghaaliban haadson ke khauf se ehsaas ki had mein na thaa varna nafs-e-mutmain saffaak hotaa ghaaliban soch kar hi to lagaayaa haajib-e-shams-o-qamar laa-makaan par qabza-e-idraak hotaa ghaaliban shoalagi ne is ko 'raahi' sad-shikasta kar diyaa aaina dil surat-e-zahhaak hotaa ghaaliban"

"mataa-o-maal-e-havas hubb-e-aal saamne hai shikaar khud ko bachaa dekh jaal saamne hai khayaal-e-kohna muqayyad hai teri sochon mein rihaai de ki sazaa yarghamaal saamne hai mujhe malaal hai apni falak-nashini par yahi uruuj ki had phir zavaal saamne hai ragon mein khuun ke badle machal rahi hai aag ziyaan badan kaa na jaan kaa vabaal saamne hai yahi hai kaaba-e-maqsud isi se jalva-e-arsh uThaa le chaah se qut-e-halaal saamne hai vo baa-kamaal siyaaq o sabaaq par haavi guzishta us ki nazar mein maaal saamne hai sazaa ki himmat-e-aali bhi ho gai paspaa hazaar-haa araq-e-infiaal saamne hai khulus sikka-e-uftaada jeb-e-hasti kaa uThaa ke Daal de dast-e-savaal saamne hai hamaare sabr ki had ham pe aashkaaraa ho musabbibaa sabab-e-ishtiaal saamne hai mujhe aziiz hai sahraa-e-mumkinaat ki sair ye aur baat ki baagh-e-muhaal saamne hai nazar ba-khair ho 'raahi' ki bu-e-gul ki tarah chhupaa hai vo magar us kaa jamaal saamne hai"

"yaas-o-hiraas-o-jaur-o-jafaa se alag-thalag ik saaebaan hai qahr-e-khudaa se alag-thalag dekho uThaa hai vo bhi alaamat ke taur par dast-e-daraaz dast-e-duaa se alag-thalag parvaana-e-havaa-o-havas haan baraae-shauq koi maqaam sham-e-vafaa se alag-thalag kab tak rahegaa vahshi-e-ehsaas-o-aagahi naa-saazgaar aab-o-havaa se alag-thalag mil jaaegaa hisaar-e-azimat ke aas paas karb-e-sukut aah-o-bukaa se alag-thalag sad-haadsaat-e-khaam hain ibrat-nigaah mein taarikh-saaz jurm-o-sazaa se alag-thalag is khauf se na sehr-bayaani pe harf aae 'raahi' rahe hain chun-o-charaa se alag-thalag"

"khud ko mumtaaz banaane ki dili-khvaahish mein dushman-e-jaan se mili meri anaa saazish mein ruuh raushan na hui aur na dil hi bahlaa vaqt barbaad kiyaa jism ki aaraaish mein aaj maakus hai aaina-e-ayyaam-e-jahaan niim mein rang-e-hinaa zor-e-tapish baarish mein khud ko minnat-kash-e-qismat na karo dida-varo gulshan-e-shauq ugaanaa hai tumhein aatish mein dast-basta hai sahar shab ki ijaazat ke liye ab ke khuddaar tabiat na rahi taabish mein pasti-e-fikr-o-nazar vahshat-e-asraar-o-rumuz ho rahaa hai ba-khudaa jahl fuzun daanish mein qabza-e-vaqt mein jugnu hai sitaara ki sharaar ham faqiron kaa bhalaa hogaa na aalaaish mein baandh le apni girah mein ye nasihat 'raahi' zabt se kaam le naakhun na baDhaa khaarish mein"

"suno to aariza-e-ikhtilaaj rahne do sukun ke Thiik nahin hain mizaaj rahne do ba-hukm-e-shaah taqaarib-e-amn kal honge sharar-gazida hai maahaul aaj rahne do tum apni nabz ki raftaar par nazar rakkho khilaaf-e-gardish-e-nau-ehtijaaj rahne do kisi ko saaya kisi ko gul-o-samar degaa haraa bharaa hai darakht-e-rivaaj rahne do zamin-e-fikr-o-hunar baanjh hai abhi 'raahi' husul-e-daad vasul-e-khiraaj rahne do"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"