ek do tiin chaar silsila-vaar — Mohammad Sadiq Jameel

"amn ki khaatir jangi manzar dafn kiyaa main ne shisha us ne patthar dafn kiyaa pahle ek dabaai file yaadon ki rafta rafta saaraa daftar dafn kiyaa nanhe phuul kaa bojh hi kitnaa hotaa hai lekin saare shahr ne mil kar dafn kiyaa meri aankhein banjar hone vaali thiin un mein jab kal raat samundar dafn kiyaa pahle qabr banaai saare khvaabon ki aankhon ko phir us ke baraabar dafn kiyaa ham saa saada hogaa kaun zamaane mein kamtar ko apnaayaa behtar dafn kiyaa ziist kaa dusraa manzar dekhne ki khaatir jaldi jaldi pahlaa manzar dafn kiyaa itne ham shaffaaf 'jamil' hue Dar kar ek lahad mein andar baahar dafn kiyaa"

"is shahr mein hasin the jitne baDe baDe patthar hue hain raah mein us ki khaDe khaDe munh lag na ham charaaghon ke ai sar-phiri havaa dekhe hain ham ne tujh se bhi dushman baDe baDe jo log ek-duje pe karte the jaan nisaar kis ki nazar lagi hai ki sab hain laDe laDe kab main ne ye kahaa hai ki baiTho mire qarib bas dekh jaao duur se mujh ko khaDe khaDe apni nazar mein sher vo zevar se kam nahin jis mein hon harf jaise nagine jaDe jaDe Thokar lagaa ke un kaa muqaddar sanvaar do be-kaar ho na jaaein ye patthar paDe paDe tum meri maut dekh ke rone lage 'jamil' guzre hain mujh pe is se bhi lamhe kaDe kaDe"

"apne paas hai ek havaala miTTi kaa kachche ghar mein khushk piyaala miTTi kaa phuul saje hain shishe ke gul-daanon mein lekin main huun chaahne vaalaa miTTi kaa vo din bhi kuchh duur nahin hai jab makhluq ban jaaegi ek nivaala miTTi kaa main ne ik do ashk giraae miTTi par dekhaa phir ik ruup niraalaa miTTi kaa bech rahaa thaa ghar jannat mein miTTi ke aisaa thaa ik allah vaalaa miTTi kaa saari duniyaa dekhne aai jab main ne andar se darvesh nikaalaa miTTi kaa"

"nahin hai roTi mayassar agar havaa to hai khudaa kaa shukr ki khaane ko kuchh bachaa to hai na baadbaan na kashti kaa naakhudaa koi main mutmain huun muhaafiz miraa khudaa to hai ye aur baat na irsaal kar sakun tum ko tumhaare naam magar ek khat likhaa to hai usi ke naam ki takhti lagaai hai dil par muqim is mein vo aakhir kabhi rahaa to hai khilaa jo phuul to khushbu nikal gai saari bhare chaman mein koi haadisa huaa to hai khudaa kare ki ye ab un ke shahr se guzre havaa ke dosh pe maktub ik rakhaa to hai vo mere naam pe 'saadiq-jamil' yuun bole bhalaa saa naam ye main ne kahin sunaa to hai"

"apni hi laash pe hain ashk bahaae hue log ham hain yak-tarfa mohabbat ke sataae hue log main thaa naadaan na bas paayaa jahaan mein lekin kyon pareshaan hain ye tere basaae hue log toD deti hai hamein saans ki be-tartibi khvaah-makhvaah haathon mein patthar hain uThaae hue log khud pe hanstaa huun bahut jab main unhein dekhtaa huun ban ke baiThe hain khudaa mere banaae hue log gir bhi jaae jo ye divaar to saaya degi is yaqin par hain yahaan Deraa lagaae hue log husn ki had se kahin aage hai teraa jalva teri dahliz pe yunhi nahin aae hue log aise shaagird ki ustaad nazar aate hain ai zamaane tire haathon ke paDhaaye hue log nashsha-e-taaj-vari mein hain jo madhosh 'jamil' un se behtar hain tiri bazm mein aae hue log"

"is qadar baDh gai adam-bardaasht khud ko bhi ab nahin hain ham bardaasht ham ne bardaasht jaise ki duniyaa ahl-e-duniyaa kareinge kam bardaasht muskuraa kar hamein pilaa to sahi muskuraa kar kareinge sam bardaasht karte ho is liye sitam shaayad ham se hogaa nahin karam bardaasht ek khaaliq ko maanne vaale kis tarah kar gae sanam bardaasht jin ko patthar uThaa nahin paae kar liye ham ne vo bhi gham bardaasht vo jo khanjar-qubul siine the un se hotaa nahin qalam bardaasht"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"