gar dil mein kar ke sair-e-dil-e-daagh-daar dekh — Asad Ali Khan Qalaq

"lutf-e-bahaar mushfiq-e-man dekhte chalo bulbul kaa Dhang rang-e-chaman dekhte chalo baankon ko baankpan ko milaao na khaak mein tan tan ke yuun na apnaa badan dekhte chalo jaate agar ho kucha-e-qaatil ki sair ko kapDaa bhi thoDaa bahr-e-kafan dekhte chalo chashm-e-butaan-e-dahr ki aafat hain shokhiyaan sahraa-e-husn ke bhi hiran dekhte chalo kyaa kar rahi hai pesha-e-mashshaatgi bahaar aaraaish-e-urus-e-chaman dekhte chalo karti hai raah-e-shauq mein kis kis ko paaemaal raftaar-e-yaar ke bhi chalan dekhte chalo aae ho said-gaah-e-jahaan mein to ai 'qalaq' tarz-e-shikaar-e-tir-fagan dekhte chalo"

"partav paDaa jo aariz-e-gulgun-e-yaar kaa uTThaa tanur-e-laala se tufaan bahaar kaa ham-chashm laala hai jo dil-e-daagh-daar kaa nargis ko ham saa aariza hai intizaar kaa likhtaa hai vasf shoala-e-rukhsaar-e-yaar kaa jaa-e-varaq ho haath mein pattaa chinaar kaa bimaar-e-'ishq huun lab-o-dandaan-e-yaar kaa nuskhe mein mere chaahiye sharbat anaar kaa rishte ki tarah se dur-e-dandaan kaa tere zaar saakin hai kucha-e-guhar-e-aab-daar kaa aasaar-e-ishq-e-khaak se bhi apne hain 'ayaan be-vajh rang zard nahin hai ghubaar kaa har zarra apni khaak kaa hai chashm-e-intizaar yaarab idhar bhi ho guzar us shahsavaar kaa ham 'aasiyon ko baad-e-fanaa bhi ye khauf hai takhta ulaT na jaae zamin-e-mazaar kaa kaliyaan talak na nikli thiin jab se asiir huun dekhaa mazaa na kuchh chaman-e-rozgaar kaa chashmaan-e-yaar karne lagin hain dilon ko said in aahuon ko shauq huaa hai shikaar kaa vo dil-jale hain shoala-e-javvaala ban gayaa uTThaa jo gard-e-baad hamaare ghubaar kaa yaad-e-mizha ne baagh-e-dil-e-daagh-daar mein khaTkaa lagaa diyaa khalish-e-nok-e-khaar kaa kushta huun ek tark ke tir-e-nigaah kaa andaaz-e-murgh dil mein hai zakhmi shikaar kaa rakht-e-safed surat-e-minaa-e-mai hai surkh kyaa rang phuuT niklaa hai andaam-e-yaar kaa phulon ki jaa pyaala ho labrez phuul se tiijaa hai mai-kasho 'qalaq'-e-baada-khvaar kaa"

"hain tegh-e-naaz-e-yaar ke bismil alag alag siine mein hain tapaan jigar-o-dil alag alag qaatil to rashk dekh zaraa apne kushton kaa maqtal mein bhi taDapte hain bismil alag alag kyaa intizaam hai mire lailaa-jamaal kaa majnun ravaan hain sab pas-e-mahmil alag alag dekho bashar mein sanat-e-khallaaq-e-rozgaar sab ek hain magar hai shamaail alag alag farmaate hain milaap kaa kartaa huun jab savaal tu baat karne ke nahin qaabil alag alag ik shefta hai zulf kaa ik mubtalaa-e-rukh hain shaikh-o-barhaman tire qaail alag alag mere tumhaare bulbul-o-gul munh chaDheinge kyaa donon ko kar chukaa huun main qaail alag alag makr-o-nifaaq 'ishq se muddat talak rahaa main dil se aur mujh se miraa dil alag alag taa ho tamiz lazzat-e-baadaam-o-shahd mein boson kaa chashm-o-lab ke huun saail alag alag kis kis ko duun main sakht musibat mein jaan hai rukhsaar-o-zulf maangte hain dil alag alag kyaa mehr-o-maah kyaa gul-o-shamshaad aaina sab ho chuke hain tere muqaabil alag alag yaktaa tu vo hai momin-o-kaafir yahud-o-gabr vahdat ke tere sab hain ye qaail alag alag paa-e-nigaah-e-ahl-e-nazar ke paDe hain niil rukhsaar-e-naaznin pe nahin til alag alag aage to saath rahte the ham haala saan par ab rahtaa hai ham se vo mah-e-kaamil alag alag andaaz-o-naaz-o-ghamza-o-shokhi-o-kajravi hain ek mere dam ke ye qaatil alag alag qabze pe haath rakh ke 'qalaq' ne milaai aankh kal har raqib se sar-e-mahfil alag alag"

"ham to hon dil se duur rahein paas aur log sunghein gul-e-ezaar ki bu-baas aur log vaa'iz hamein Daraa na vafur-e-gunaah se us ke karam se hote hain be-aas aur log saudaa-e-ishq yaan to hai sar mein bharaa huaa naam-e-junun se karte hain visvaas aur log aazaad-gaan-e-ishq har ik haal mein hain shaad honge asir-o-ranj-o-gham-o-yaas aur log hain ser boriyaa-e-tavakkul ke faaqa-mast hote hain muztarib dam-e-iflaas aur log yaan hai faqat havas dur-e-dandaan ke diid ki khaate hain us ke daanton pe almaas aur log sanjog ek apnaa tumhaaraa azal se hai puchhein brahmanon se buto raas aur log uTThe fanaa o ek na ik kyaa baiid hai ab baiThne lage hain tire paas aur log us aab-e-laal par kabhi ham bhi muhit the lab chuus kar bujhaae hain ab pyaas aur log ham to na ghar mein aap ke dam-bhar Thaharne paaein roz aaein jaaein surat-e-anfaas aur log apne nasib mein to na ho aab-e-khizr-e-lab sairaab hon ba-surat-e-ilyaas aur log divaan mein mire nahin bharti ke aise sher bharte hain jaise safha-e-qirtaas aur log vo bevafaa karegaa miri qadr kyaa 'qalaq' karte hain apne 'aashiqon kaa paas aur log"

"na kal tak the vo munh lagaane ke qaabil hue aaj baatein banaane ke qaabil tiri bandagi aur siyahkaar mujh saa ye sar aur tire aastaane ke qaabil lab-e-zakhm-e-dil par ye hai shor qaatil tiri tegh kaa phal hai khaane ke qaabil nikaale sanam peT se paanv tum ne hue jab kahin aane-jaane ke qaabil dil-e-bul-havas laaeq-e-daagh-e-ulfat ye darham na the is khazaane ke qaabil un aaina-ruyon ki ulfat ne ai dil na rakkhaa hamein munh dikhaane ke qaabil yahaan sau hain khaTke chalo is chaman se nahin ye jagah aashiyaane ke qaabil patange hain gustaakh ai shama-paikar nahin teri mahfil mein aane ke qaabil koi us ke duzd-e-hinaa se ye kah de miraa naqd-e-dil hai churaane ke qaabil kabhi khuun mein mere bhi haath tar kar ye mehndi hai tere lagaane ke qaabil falak kyaa rulaayaa karegaa hamesha kabhi ham bhi honge hansaane ke qaabil mariz-e-mohabbat tumhaaraa hai laaghar nahin yaar furqat uThaane ke qaabil kise dekhein ham aur dikhlaaein kis ko na ab dekhne ne dikhaane ke qaabil ghash ustaadiyon par hain jaanein na puchhein 'qalaq' aise hain is zamaane ke qaabil"

"saaf baaton se ho gayaa maalum hote ho matlab-aashnaa maalum kushta tegh-e-nigah se kijiyegaa chashm-o-abru se ho gayaa maalum ibtidaa ne mohabbat-e-dil ki ye na thi ham ko intihaa maalum kuchh dahan hi nahin hai vo naapaid kamar-e-yaar bhi hai naa-maalum dar tak us ke miri rasaai ho tujh se ai bakht-e-naa-rasaa maalum jab kahaa roke tujh pe marte hain hans ke bolaa vo but khudaa-maalum mehrbaan aaj-kal hai vo be-mehr us mein hoti hai kuchh duaa maalum tum sukhan-saaz ho baDe ai jaan tarz-e-taqrir se huaa maalum jab muamme mein zikr-e-vasl kiyaa bolaa matlab na kuchh huaa maalum bad-gumaan dukht-e-raz se vaaiz ho ham ko hoti hai paarsaa maalum le ke dil vo karegaa bedardi ye na Dhang us kaa qabl thaa maalum qaabil-e-ishq ye hasin nahin in daghaa-baazon se vafaa maalum jab kahaa main ne o taghaaful-kesh haal hai mere ishq kaa maalum misl-e-aaina hairati huun qadim bolaa laakhon hain aise kyaa maalum haan magar ham ko dekhaa to hai kahin hote ho surat-aashnaa maalum saabiqa jab tak ai 'qalaq' na paDe haal insaan kaa ho kyaa maalum"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"