go taar-e-ankabut aayaa nahin ab tak gumaanon mein — Faisal Azeem

"jise kal raat bhar puujaa gayaa thaa vo but kyuun subh ko TuuTaa huaa thaa agar sach ki haqiqat ab khuli hai to jo ab tak nazar aayaa thaa kyaa thaa agar ye talkhiyon ki ibtidaa hai to ab tak kaun saa amrit piyaa thaa khulaa hai mujh pe ab duniyaa kaa matlab magar ye raaz pahle bhi khulaa thaa main jis mein huun ye duniyaa mukhtalif hai jahaan main thaa vo aalam dusraa thaa main khud ko maar kar pahunchaa yahaan tak to yaad aayaa ki main to mar chukaa thaa miri main aur tiri main donon haarin main banda huun magar tu to khudaa thaa main ab jo munh chhupaae phir rahaa huun to kyaa main vaaqai chehra-numaa thaa"

"use maalum hai sab kuchh vahi hai raaz-daan apnaa magar mujh se hi sunnaa chaahtaa hai vo bayaan apnaa yahaan par shaan jaati hai vahaan par jaan jaati hai zamin chhuTi to lagtaa hai ki chhuTaa aasmaan apnaa jo guzraa hai so guzraa hai jo aaegaa so aaegaa jo ab hai vo bhalaa kab hai koi lamha kahaan apnaa main jis ke dil mein rahtaa huun main jis ki dhun mein raqsaan huun vo apni dhun pe gaataa hai to hotaa hai gumaan apnaa vahaan khaamosh baiThe the yahaan to baat karte hain vahaan kyuun thaa ziyaan apnaa yahaan kyon ho ziyaan apnaa ye sadiyaan biit jaati hain magar lamhe nahin kaTte jo ghaTtaa hai to baDh jaataa hai kuchh baar-e-garaan apnaa"

"na chehre se na aankhon se ayaan ishq abhi dil par tire utraa kahaan ishq abhi tak sirf aavaazein suni hain abhi tak likh rahi hain ungliyaan ishq zabaan par is qadar gardaan kyon hai to kaise hosh mein kahtaa hai haan ishq zamin se aasmaan tak gul khile hain taDap kar ho rahe hain jism-o-jaan ishq yahi to e'tibaar-e-shab-kada hai miraa haasil hai ye kaar-e-ziyaan ishq"

"dil par dhaDkan dhaDkan par vahm utaare jaate hain ham apne hi khauf ke haathon maare jaate hain dekhun to aaine kaa zangaar sulagtaa hai band karun to aankhon ke angaare jaate hain DhunD rahe hain kab se apne lahje kaa tiryaak lafz hamaare ham par hi phunkaare jaate hain nae parinde nai uDaanein nai sahar ke giit bedaaron par raushan khvaab utaare jaate hain aadarshon ki Daar kaa pichhaa karte galla-baan apne khvaabon ki sarhad par maare jaate hain daad-faroshi kaasa-lesi baar-e-shanaasaai mahfil mahfil kyaa kyaa qarz utaare jaate hain"

"palkein niind se bojhal hain yaa ab manzar ki taab nahin kyon in jalti aankhon mein ab rang-birange khvaab nahin ik muddat se kis naatiq ki nok-e-zabaan par aTkaa huun main ik lafz huun goyaa vo bhi maani se sairaab nahin aankhein hain yaa khaar-e-mughilaan chehra hai yaa sahraa hai lafz bahut naayaab hain pyaare dard magar naayaab nahin meri balaa se jhukne vaalon mein maabud bhi shaamil hon lekin mere sajdon mein but-khaane ke aadaab nahin fitrat kaa paighambar kyaa jaane samjhaute ki baatein dariyaa muD sakte hain lekin dariyaa ke sailaab nahin aankhein aur chuneingi kab tak aakhir manzar ki kirchein mujh mein to ab jaise apni nazron ki bhi taab nahin"

"bhari hai aag jebon mein kaf-e-afsos malte hain hamaari hi kamaai se hamaare haath jalte hain mire atraaf mein ye khinchaa-taani kam nahin hoti idhar pahlu badaltaa huun udhar jaale badalte hain kisi ko bhi vo angaara dikhaai hi nahin detaa ishaare se bataataa huun to apne haath jalte hain main apne jism se baahar huun yaa ruhon kaa maskan hai unhein main chhu nahin paataa jo mere saath chalte hain hamaare chaak par uqbaa kai shaklein badalti hai ye jannat aur jahannum to hamaare saath chalte hain nazar-andaaz karke sab guzar jaate hain mujh mein se nafi karte hue mujh mein kai raste nikalte hain sadaa ban kar bahut Takraae hain minaar-o-gumbad se ab aankhein khul gai hain to andhere se nikalte hain"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"