hadis-e-ahd-e-guzishta hai ham-nashinon mein — Abdul Malik Soz

"kuchh hasin yaadein bhi hain dida-e-nam ke saath saath zindagi mein husn bhi goyaa hai gham ke saath saath dil tire hamraah jaataa hai ki paayaa jaataa hai naqsh-e-dil meraa tire naqsh-e-qadam ke saath saath us ke saae ki tarah dekhaa nahin us se judaa ham ne to yazdaan ko paayaa hai sanam ke saath saath taaki huun donon ki lazzat se baraabar mustafid vo karam farmaate rahte hain sitam ke saath saath 'soz' un ki chaah mein ham ne sadaa mahsus ki ek anjaani soz-e-gham ke saath saath"

"dil gham-e-ishq ke izhaar se katraataa hai aah gham-khvaar ki gham-khvaar se katraataa hai ye samajh kar ke jafaaon mein mazaa paataa hai vo sitamgar mire aazaar se katraataa hai ho gayaa us pe bhi kuchh us ki shikaayat kaa asar ab masihaa bhi jo bimaar se katraataa hai ho rahaa hai mujhe takmil-e-mohabbat kaa gumaan ishq ab husn ke didaar se katraataa hai dil-e-parvarda-e-gham khushiyon se yuun jaataa hai 'soz' ik baal juun aghyaar se katraataa hai"

"aaj kyuun chup hain tere saudaai hosh aayaa unhein ki maut aai apne armaan aap ke vaade in khilaunon se umr bhalaai piine vaalon ki khair ho yaarab teri rahmat hui ghaTaa chhaai fikr-e-sud-o-ziyaan ki nazr hue vo gham-e-aashiqi vo rusvaai justuju ki hui to yuun takmil zindagi maut ki khabar laai 'soz' jiine ki aarzu mein ham ban gae maut ke tamannaai"

"evaz kab vafaa kaa vafaa maangte hain salaamat raho ye duaa maangte hain sadaa-e-faqir aur kyaa hongi zaalim khudaa se tiraa ham bhalaa maangte hain ye chhup-chhup ke shaam-o-sahar rone vaale ye kyaa chaahte hain ye kyaa maangte hain miTaa de hamein ai mohabbat miTaa de ham apne kiye ki sazaa maangte hain karam kar na jaa ham faqiron ki khu par faqiron kaa kyaa hai sadaa maangte hain yunhi ban gayaa 'soz' dushman zamaana ki ham kab kisi kaa buraa maangte hain"

"fareb-e-yaas khaa jaaein sitaaro jaagte rahnaa jo ham dhoke mein aa jaaein sitaaro jaagte rahnaa shab-e-vaada shab-e-gham ki tarah kuchh aur ruk jaao vo mumkin hai ki aa jaaein sitaaro jaagte rahnaa kahin aisaa na ho vo bhi na aaein tum bhi so jaao andhere phir na chhaa jaaein sitaaro jaagte rahnaa tumhein to yaad hogaa kis tarah ham jaagaa karte the vo shaayad tum se paa jaaein sitaaro jaagte rahnaa shab-e-aakhir hai shaayad aaj ham ko niind aa jaae agar ham Dagmagaa jaaein sitaaro jaagte rahnaa kabhi to 'soz' yaad aaegaa un ko vo bhi jaageinge tumhein itnaa bataa jaaein sitaaro jaagte rahnaa"

"jab tabiat qafas mein ghabraai ham ne jaanaa ki phir bahaar aai yaad aao na bhulne vaalo mujh se chhino na meri tanhaai khud ko ik ajnabi saa lagtaa huun kyaa hui aap se shanaasaai ham ne har shakhs mein tujhe paayaa ham saa hogaa na koi harjaai phir mahakne lagaa dayaar-e-khayaal phir kisi gul-badan ki yaad aai dil mein aavaargi ki khvaahish par phir tasavvur mein zulf lahraai 'soz' jiinaa paDaa bahar-surat un pe marne ki kyaa sazaa paai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"