ham chaTaanon ki tarah saahil pe Dhaale jaaeinge — Bekal Utsahi

"yuun to kahne ko tiri raah kaa patthar niklaa tu ne Thokar jo lagaa di to miraa sar niklaa log to jaa ke samundar ko jalaa aae hain main jise phunk kar aayaa vo miraa ghar niklaa ek vo shakhs jo phulon se bhare thaa daaman har kaf-e-gul mein chhupaae hue khanjar niklaa yuun to ilzaam hai tufaan pe Dubo dene kaa tah mein dariyaa ki magar naav kaa langar niklaa ghar ke ghar khaak hue jal ke nadi suukh gai phir bhi un aankhon mein jhaankaa to samundar niklaa farsh taa arsh koi naam-o-nishaan mil na sakaa main jise DhunDh rahaa thaa mire andar niklaa"

"na chilmanon ki hasin sarsaraahaTein hongi na honge ham to kahaan jagmagaahaTein hongi main ek bhanvraa tire baagh mein rahun na rahun kise nasib miri gungunaahaTein hongi kivaaD band karo tira-bakhto so jaao gali mein yuun hi ujaalon ki aahaTein hongi na puchh paaeinge ahvaal-e-bebasi vo bhi mire labon pe agar kapkapaahaTein hongi lahu nichoD lo mumkin hai kal bahaar ke baad ragon mein phaili hui sansanaahaTein hongi vo din bhi aaegaa 'bekal' chaman ke phulon par ba-naam-e-jurm-o-khataa muskuraahaTein hongi"

"fasl-e-gul kab luTi nahin maa'lum kab bahaar aai thi nahin maa'lum ham bhaTakte rahe andhere mein raushni kab hui nahin maa'lum kab vo guzre qarib se dil ke niind kab aa gai nahin maa'lum dard jab jab uThaa huaa mahsus choT kab kab lagi nahin maa'lum bebasi jis ki ziist ho us ko ziist ki bebasi nahin maa'lum naaz sajdon pe hai hamein lekin naazish-e-bandagi nahin maa'lum apni haalat pe tere vahshi ko kyuun hansi aa gai nahin maa'lum hosh aayaa to mai-kada na rahaa haae kis vaqt pi nahin maa'lum meri jaanib vo dekh kar bole hai koi ajnabi nahin maa'lum daur-e-haazir ki bazm mein 'bekal' kaun hai aadmi nahin maa'lum"

"bhitar basne vaalaa khud baahar ki sair kare maulaa khair kare ik murat ko chaahe phir kaabe ko dair kare maulaa khair kare ishq-vishiq ye chaahat-vaahat man kaa bhulaavaa phir man bhi apnaa kyaa yaar ye kaisaa rishta jo apnon ko ghair kare maulaa khair kare ret kaa tuudaa aandhi ki faujon par tiir chalaae Tahni peD chabaae chhoTi machhli dariyaa mein ghaDiyaal se bair kare maulaa khair kare soch ki kaafir har murat pe jaan chhiDaktaa hai bin paanv thiraktaa hai man kaa musalmaan ab qible ki jaanib pair kare maulaa khair kare fikr ki chaak pe maaTi ki tu shakl badaltaa hai yaa khud hi Dhaltaa hai 'bekal' be-par lafzon ki takhil ko tair kare maulaa khair kare"

"ye shahr ke baasi kyaa jaanein kyaa ruup hai gaanv ke panghaT kaa kyaa ishq hai laaj ki alhaD kaa kyaa husn hai moh ke naT-khaT kaa vaadon ki havaa amraai mein yaadon ki fazaa angnaai mein milne ki duaa tanhaai mein sannaaTe mein dhokaa aahaT kaa aanchal mein chhupi mamtaa ki mayaa kathri mein dabi bhagvan ki dayaa laataa hai koi sandesh nayaa pal pal mein badalnaa karvaT kaa chulhe kaa tavaa muskaataa huaa jugnu bhi uDe sharmaataa huaa pardesi ki yaad dilaataa huaa khaamosh diyaa ik chaukhaT kaa galiyaaron mein madh Tapkaataa huaa kuTiyon ki sudhaa nahlaataa huaa aangan mein nayan maTkaataa huaa hai chaand aurauni par laTkaa thak haar ke jo bhi aataa hai ji bhar ke pyaas bujhaataa hai ai dharm pe marne vaale bataa kyaa dharm hai nadiyaa ke taT kaa 'bekal' tiraa pag pag naam yahaan utsaahi tire sab kaam yahaan tiri bhor yahaan tiri shaam yahaan phir kaahe phire bhaTkaa bhaTkaa"

"dimaagh arsh pe hai khud zamin pe chalte hain safar gumaan kaa hai aur yaqin pe chalte hain hamaare qaafila-saalaaron ke iraade kyaa chale to haan pe hain lekin nahin pe chalte hain na jaane kaun saa nashsha hai un pe chhaayaa huaa qadam kahin pe hain paDte kahin pe chalte hain banaa ke un ko agar chhoD do to gir jaaein makaan nae ki puraane makin pe chalte hain jahaan tumhaaraa hai tum ko kisi kaa Dar kyaa hai tamaam tiir jahaan ke hamin pe chalte hain"

"tujh ko khiffat se bachaa luun paani tishnagi apni chhupaa luun paani khaak uDti hai har ik chehre par kis ki aankhon se nikaalun paani dhuup dariyaa pe nazar rakhti hai tujh ko kuuze mein chhupaa luun paani uDte phirte hain saron par baadal khvaab aankhon mein basaa luun paani roz bachchon ko sulaa duun yunhi roz patthar ko ubaalun paani aag se kheltaa hai kal mujh ko aa tujhe apnaa banaa luun paani khaarzaaron pe chalun nange paanv khushk dharti ki duaa luun paani sabr ki had bhi to kuchh hoti hai kitnaa palkon pe sambhaalun paani bhuul jaaun na kahin tairaaki kyuun na kashti hi jalaa luun paani apni vahshat kaa ik izhaar sahi kar ke sard aag jalaa luun paani zakhm ho phuul ho yaa angaara ho jo raushan to bulaa luun paani shart hai teri rifaaqat varna vaqt ki aag mein Daalun paani aag matlub-e-lab-e-tishna hai main tujhe kaise bulaa luun paani chashm-e-ahbaab jo ho khushk 'ataa' khuun ko apne banaa luun paani"

"ilaahi mahshar mein bahr-e-pursish jab ek darbaar aam hogaa miri baghal mein suraahi hogi zabaan par teraa naam hogaa nasib tujh ko nahin ye neamat to zahmat-e-tur kar gavaaraa yahaan to hote hain roz jalve kalim tujh ko kalaam hogaa nigah rahe aasmaan pe teri hai taair-e-arsh-aashiyaan tu nazar mein jis ki zamin hogi vahi giraftaar-e-daam hogaa qubul kar markaz-e-haqiqat tiraa makaan laa-makaan hai ai dil majaaz ke daaere mein aakar fuzul paaband-e-naam hogaa harim-e-kaaba-o-dair donon hain qaabil-e-ehtiraam lekin nazaaa-e-baaham ke hon na markaz to phir dili-ehtiraam hogaa tu nashsha-e-zohd kaa hai taalib tujhe kahaan vajd-e-jaavedaani jo rind-e-mast-e-mudaam hogaa vo raazdaar-e-davaam hogaa shuur kahte hain jis ko aaqil vo roz mehvar badal rahaa hai jo aa gayaa jaada-e-junun mein sukun mein us kaa qiyaam hogaa na hongi hal mushkilaat 'aiman' fuzul sab koshishein hain teri khudaa se imdaad ki duaa kar baghair is ke na kaam hogaa"

"dam-ba-khud meri anaa teri adaa bhi dam-ba-khud tere pahlu mein rahaa main aur rahaa bhi dam-ba-khud dekhiye pahle lahu Tapke ki phailein kirchiyaan dam-ba-khud teri nazar bhi aaina bhi dam-ba-khud itnaa sannaaTaa ki jaise avvalin shaam-e-firaaq dam-ba-khud hai aasmaan bhi aur havaa bhi dam-ba-khud yaad hai tujh ko vo pahle lams ki hiddat ki jab rah gai thi dafatan teri hayaa bhi dam-ba-khud ek se aalam mein donon mukhtalif asbaab se dam-ba-khud teraa karam meri duaa bhi dam-ba-khud aisaa lagtaa hai ki donon se nahin nisbat mujhe dam-ba-khud umr-e-ravaan sail-e-fanaa bhi dam-ba-khud khauf-e-tajdid-e-taaluq darmiyaan haail rahaa dam-ba-khud teraa sitam meraa galaa bhi dam-ba-khud yuun gumaan hotaa hai donon ki tavaqqoa ek thi dam-ba-khud teri vafaa meri sazaa bhi dam-ba-khud jab khule meri haqiqat tum vo manzar dekhnaa dam-ba-khud naa-aashnaa bhi aashnaa bhi dam-ba-khud"

"yaar ke bhes mein mahbub sitamgar niklaa phuul ham jis ko samajhte the vo patthar niklaa ek roTi ke evaz de gayaa jannat ki duaa mere kuche kaa bhikaari bhi mukhayyar niklaa aaj-kal aankh kaa dekhaa bhi ghalat hotaa hai jis ko samjhe the apaahij vo tavangar niklaa vaqt kamzor ko shah-zor banaa detaa hai shaam ko Duubaa magar subh mein khaavar niklaa ghar badalne se bhi taqdir badal jaati hai siip mein paani paDaa ban ke vo gauhar niklaa jo mire zehn-o-takhayyul mein bahut unchaa thaa us kaa qad taalib-e-duniyaa ke baraabar niklaa jis ke zimme thi mire ghar ki hifaazat 'muztar' dushmanon kaa mire vo shakhs bhi ham-sar niklaa"

"khauf dil mein na tire dar ke gadaa ne rakkhaa din ko kashkol bharaa shab ko sirhaane rakkhaa fikr-e-meaar-e-sukhan baais-e-aazaar hui tang rakkhaa to hamein apni qabaa ne rakkhaa raat fōtpath pe din bhar ki thakan kaam aai us kaa bistar bhi kyaa sar pe bhi taane rakkhaa khauf aayaa nahin saanpon ke ghane jangal mein mujh ko mahfuz miri maan ki duaa ne rakkhaa ye alag baat samundar pe vo barsi 'saajid' aur kisi khet ko pyaasaa na ghaTaa ne rakkhaa"

"dard kab dil mein mehrbaan na rahaa haan magar qaabil-e-bayaan na rahaa ham jo gulshan mein the bahaar na thi jab bahaar aai aashiyaan na rahaa gham garaan jab na thaa garaan thaa mujhe jab garaan ho gayaa garaan na rahaa doston kaa karam maaaz-allaah shikva-e-jaur-e-dushmanaan na rahaa bijliyon ko duaaein detaa huun dosh par baar-e-aashiyaan na rahaa"