ik baDi jang laD rahaa huun main — Iftikhar Raghib

"sadaa aansu bahaane se kisi ko kuchh nahin miltaa ki rone giDgiDaane se kisi ko kuchh nahin miltaa kisi kaa kuchh nahin jaataa kisi se hans ke milne se aji yuun munh banaane se kisi ko kuchh nahin miltaa agar ghairat hai zinda to vasaail kijiye paidaa hamesha dum hilaane se kisi ko kuchh nahin miltaa na ho tadbir to taqdir bhi haami nahin hoti khudaa ke kaar-khaane se kisi ko kuchh nahin miltaa darakhton par inhein 'raaghib' hamesha chahchahaane do parindon ko uDaane se kisi ko kuchh nahin miltaa"

"chashm-e-dil jis ki raah takti hai ab vo bijli kahaan chamakti hai der lagti hai jis ko jalne mein aag vo der tak dahakti hai tujh se milne ki aas ki chiDiyaa sehn-e-dil mein bahut chahakti hai dil dahaltaa hai dusri kaa bhi ek divaar jab darakti hai chhupne vaali nahin miri chaahat teri aankhon mein jo chamakti hai tishnagi meri jis se hai mansub vo suraahi kahaan chhalakti hai jaane kab vo karein vafaa dil se roz chashm-e-vafaa phaDakti hai jalne vaalon se koi kyaa puchhe kyon unhein raushni khaTakti hai aas TuuTi to saath hi 'raaghib' saans ki Dor TuuT sakti hai"

"jis ne rivaayaton ki qabaa taar-taar ki kahte hain us ne raah nai ikhtiyaar ki kar di hai us ne ab to mazaalim ki intihaa chhiD jaae ab na jang kahin aar-paar ki saa'at ko pahle 'umr se taqsim kar diyaa phir tere intizaar ki saa'at shumaar ki tu hai sukhan kaa taaj-mahal ai miri ghazal kyaa daad koi de tire naqsh-o-nigaar ki aah-o-fughaan se hilne lagi saari kaainaat khulti nahin hai aankh magar pahre-daar ki detaa nahin hai dil hi miraa saath kyaa karun main ne to bhuul jaane ki koshish hazaar ki shaamil karein use bhi asaasi huquq mein 'raaghib' har aadmi ko zarurat hai pyaar ki"

"vo kahte hain ki aankhon mein miri tasvir kis ki hai main kahtaa huun ki raushan is qadar taqdir kis ki hai vo kahte hain ki kis ne aap ko rokaa hai jaane se main kahtaa huun ki mere paanv mein zanjir kis ki hai vo kahte hain ki hai insaan to ik khaak kaa putlaa main kahtaa huun ki itni azma-o-tauqir kis ki hai vo kahte hain ki dil mein aap ne kis ko basaayaa hai main kahtaa huun ki ye duniyaa-e-dil jaagir kis ki hai vo kahte hain ki kis ne jaa-ba-jaa likhkhaa hai meraa naam main kahtaa huun shikasta is qadar tahrir kis ki hai vo kahte hain ki main ne aap saa saame nahin dekhaa main kahtaa huun ki itni pur-kashish taqrir kis ki hai vo kahte hain tire sheron mein hai shokhi qayaamat ki main kahtaa huun khayaal o fikr mein tanvir kis ki hai vo kahte hain ki ham hain dushmanaan-e-amn ke dushman main kahtaa huun ki un ke haath mein shamshir kis ki hai vo kahte hain ki 'raaghib' tum nahin rakhte khayaal apnaa main kahtaa huun ki har dam fikr daaman-gir kis ki hai"

"baais-e-iztiraab khaamoshi ik musalsal azaab khaamoshi guftugu hai abhi hama-tan-gosh kar rahi hai khitaab khaamoshi kis qadar dil kharaash hai mat puchh khaamushi kaa javaab khaamoshi saare lafzon ne saath chhoD diyaa jab hui baaryaab khaamoshi khush-bayaani kaa zoam khatm huaa kar gai laa-javaab khaamoshi ik taraf pur-kashish mire ashaar ik taraf ijtinaab khaamoshi un ke honTon pe kuchh nahin 'raaghib' ho gai be-naqaab khaamoshi"

"tark-e-taalluqaat nahin chaahtaa thaa main gham se tire najaat nahin chaahtaa thaa main kab chaahtaa thaa teri inaayat ki baarishein shaadaabi-e-hayaat nahin chaahtaa thaa mein mujh se tu ai bahisht-e-nazar yuun nazar na pher kyaa tujh ko taa-hayaat nahin chaahtaa thaa main main chaahtaa thaa tum se na jitun kabhi magar khaa jaaun khud se maat nahin chaahtaa thaa main guzri hai dil pe kaisi qayaamat main kyaa kahun nafrat ki kaaenaat nahin chaahtaa thaa main kyaa haal ab hai tere taaaqub mein ai hayaat tu yuun hi aae haat nahin chaahtaa thaa main main chaahtaa thaa raah mein kuchh mushkilein magar har har qadam pe ghaat nahin chaahtaa thaa main 'raaghib' vo meri fikr mein khud ko bhi bhuul jaaein aisi to koi baat nahin chaahtaa thaa main"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"