iqraar koi aur na inkaar chup raho — Ameer Imam

"koi khushi na koi ranj mustaqil hogaa fanaa ke rang se har rang muttasil hogaa ajab hai ishq ajab-tar hain khvaahishein is ki kabhi kabhi to bichhaDne talak ko dil hogaa badan mein ho to gila kyaa tamaash-bini kaa yahaan to roz tamaashaa-o-aab-o-gil hogaa abhi to aur bhi chehre tumhein pukaareinge abhi vo aur bhi chehron mein muntaqil hogaa ziyaan mazid hai asbaab DhunDhte rahnaa huaa hai jo vo na hone pe mushtamil hogaa tamaam-raat bhaTaktaa phiraa hai saDkon par hui hai subh abhi shahr muzmahil hogaa"

"ham be-vafaa hain tum ho vafaa-daar khush raho sarkaar khush raho miri sarkaar khush raho le jaao apni zulf ke saae sameT kar ham ko bahut hai saaya-e-divaar khush raho hone pe apne aap ke israar kab kiyaa hone se khud hamein bhi hai inkaar khush raho ham to faqat hain bhiiD baDhaane ke vaaste tam ho binaa-e-raunaq-e-baazaar khush raho tum khush raho ki ab koi khatra nahin tumhein ham ho chuke hain khud mein giraftaar khush raho tum auraton pe ham ne hamesha sitam kiye ham mard hain sadaa ke jafaa-kaar khush raho be-vajh gham kaa Dhong rachaane se faaeda yuun bhi hain sab tumhaare parastaar khush raho insaan bhi ham kharaab hain shaa'ir bhi hain kharaab be-kaar ye ghazal hai ye ash'aar khush raho"

"hai kaun kis ki zaat ke andar likheinge ham nahr-e-ravaan ko pyaas kaa manzar likheinge ham ye saara shahr aalaa-e-hikmat likhe use khanjar agar hai koi to khanjar likheinge ham ab tum sipaas-naama-e-shamshir likh chuke ab dastaan-e-laasha-e-be-sar likheinge ham rakkhi hui hai donon ki buniyaad ret par sahraa-e-be-karaan ko samundar likheinge ham is shahr-e-be-charaagh ki aandhi na ho udaas tujh ko havaa-e-kucha-e-dil-bar likheinge ham kyaa husn un labon mein jo pyaase nahin rahe sukhe hue labon ko gul-e-tar likheinge ham ham se gunaahgaar bhi us ne nibhaa liye jannat se yuun zamin ko behtar likheinge ham"

"bahte dariyaaon tak aaeinge uThaa leinge tumhein mere honThon se khabar-daar churaa leinge tumhein jam' ho jaae zaraa aur khamoshi dil mein ham isi dil ki khamoshi se banaa leinge tumhein daa’vedaaron ki yahaan bhiiD lagi hai lekin masnad-e-dil pe bahar-haal biThaa leinge tumhein qatra-e-khun ho to khanjar pe rakheinge tum ko aur aansu ho to palkon pe sajaa leinge tumhein vaqt ke haathon se bachtaa hai yahaan kaun magar sakht hairat hai ki ik roz ye aa leinge tumhein abhi kuchh aur zamaane pe 'ayaan ho jaaein dekhnaa saare zamaane se chhupaa leinge tumhein tum bhi ik roz kisi aur mein paa loge hamein ham bhi ik roz kisi aur mein paa leinge tumhein"

"rang tamaam bhar chuki subh-ba-khair zindagi mujh mein qazaa nikhar chuki subh-ba-khair zindagi tere bhi zakhm bhar diye aur havaa-e-vaqt ab mere bhi zakhm bhar chuki subh-ba-khair zindagi dil mein kisi khayaal ki raat havaa chali bahut ab vo havaa Thahar chuki subh-ba-khair zindagi bujh gae sab charaagh khud qissa-e-maa tamaam-shud pahli kiran utar chuki subh-ba-khair zindagi aaina-e-khalaa mein ab main bhi bahut sanvar chukaa tu bhi bahut sanvar chuki subh-ba-khair zindagi raat nahin guzar saki mujh se jo ek 'umr tak raat vo ab guzar chuki subh-ba-khair zindagi yaad nahin hai shakl jo ye to usi ki shakl hai shakl tiri ubhar chuki subh-ba-khair zindagi"

"rudaad-e-jaan kahein jo zaraa dam mile hamein us dil ke raaste mein kai kham mile hamein labbaik pahle ham ne kahaa thaa rasul-e-husn ho kaar-zaar-e-ishq to parcham mile hamein aae ik aisaa zakhm jo bharnaa na ho kabhi yaani har ek zakhm kaa marham mile hamein din mein jahaan saraab mile the hamein vahaan aai jo raat qatra-e-shabnam mile hamein tum jaise aur log bhi honge jahaan mein ye baat aur hai ki bahut kam mile hamein jab saath the to mil ke bhi milnaa na ho sakaa jab se bichhaD gae ho to paiham mile hamein aur phir hamein bhi khud pe bahut pyaar aa gayaa us ki taraf khaDe hue jab ham mile hamein jo umr-bhar kaa saath nibhaataa na mil sakaa vaise to zindagi mein bahut gham mile hamein"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"