jazbaat tez-rau hain ki chashme ubal paDe — Hamid Allahabadi

"aaj ki kyaa fikr ho kyaa kal kaa andesha karein hai yahi jiinaa to is jiine pe kyaa takiya karein khaar-haa-e-raah ko pairon se kab tak raundiye taa-ba-ke khush-fahmiyon ko nazr-e-aainda karein un kaa ahd-e-hukmraani kho chukaa apnaa bharam kaavishein apni vo har har moD par kanda karein mauritius mein ahl-e-dil ki shaan-e-dildaari na puchh jaan se apnon ko maarein ghair ko zinda karein kah gae honge surur-angez lai mein kuchh se kuchh kyaa zaruri hai ki vo puuraa bhi ab vaada karein bandagi aisi bhi kyaa jis mein khulus-e-dil na ho khvaahish-e-jannat mein kyon sajdon ko aaluda karein muntazir hain jaane kab se un ke mushtaaqaan-e-did aate-jaate vo kahin mil jaaein to sajda karein un pareshaan-haal chehron ki udaasi kyaa kahun jaan-fishaani kar ke din ki shab ko jo faaqa karein khud pukaar uTThegi har chashm-e-tajassus aafrin munkashif kyunkar ham un ke raaz-e-sar-basta karein baa-faraaghat zindagi ki hai ye shart-e-avvalin ik barahman-zaad ko ham roz-o-shab sajda karein"

"kahiye achchhaa jo kisi se to buraa lagtaa hai kalma-e-khair namak-paash zaraa lagtaa hai main nahin jaantaa koi yahaan kyaa lagtaa hai jaane kyon shahr tiraa shahr miraa lagtaa hai kusht-o-khun aisaa ki shaayad na huaa hogaa kabhi dushman insaan kaa insaan huaa lagtaa hai kaun kis se hai fuzun khalq mein kis tarah khule har hunar-mand yahaan khud se sivaa lagtaa hai hosh-mand aise kahaan ke hain ye arbaab-e-nashaat ji kaa janjaal sab un kaa hi diyaa lagtaa hai taab-e-goyaai rahe yaa na rahe aaj ke baad sun lo do bol ki kuchh dard thamaa lagtaa hai aisaa bikhraa huun ki mushkil hai simaTnaa meraa mere dil mein koi kaanTaa saa chubhaa lagtaa hai jis kaa ji chaahe vo mahfil ki sataaish kar le ek parda saa nigaahon pe paDaa lagtaa hai gardish-e-paa hai ki baDhne nahin deti aage teraa 'haamid' tiri galiyon kaa gadaa lagtaa hai"

"subh bhi apni shaam bhi apni aur mai-e-gulfaam bhi apni phuul saa naazuk dil bhi apnaa gardish-e-subh-o-shaam bhi apni vo bhi apne dard bhi apnaa aah-e-dil-e-naakaam bhi apni shikva-e-besh-o-kam kyaa kiije bazm-e-sharik-e-jaam bhi apni 'haamid' kah do ahl-e-karam se dein na salaa-e-aam bhi apni"

"har-chand duur duur vo husn-o-jamaal hai ai vusat-e-nigaah tiraa kyaa khayaal hai duniyaa-e-aab-o-gil mein masarrat ki aarzu aisi hai jaise aap kaa paanaa muhaal hai lo subh-e-inqalaab kaa bhi aasraa gayaa ab kaarobaar-e-zist tiraa kyaa khayaal hai viraani-e-hayaat ko phir tuul dijiye ye meri zindagi kaa muqaddam savaal hai duniyaa ne us ko jaan ke jaanaa nahin abhi 'haamid' jo ek shaair-e-sad-khasta-haal hai"

"fareb de na kahin azm-e-mustaqil meraa hujum-e-yaas se ghabraa na jaae dil meraa ye kis maqaam pe pahunchaa diyaa mohabbat ne ki mere bas mein nahin hai khud aaj dil meraa mubaarak aish kaa maahaul khush-nasibon ko bahut hai mere liye dard-e-mustaqil meraa sun ai nigaah-e-mohabbat se ruThne vaale tire khayaal mein gum hai sukun-e-dil meraa mire gunaahon kaa anjaam sochne vaale ye dekh kahtaa hai kyaa ashk-e-munfail meraa do-chaar tinkon ki duniyaa ‘ajib duniyaa thi ki mutmain thaa har ik tarah jis mein dil meraa umid-e-lutf kisi aur se ho kyaa 'haamid' huaa na jab ki mohabbat mein meraa dil meraa"

"un ki nazron kaa vo paivast-e-rag-e-jaan honaa dil jigar donon kaa sharminda-e-ehsaan honaa khaana-barbaadi ne kyaa kyaa na dikhaae tevar aa gayaa kaam mire dil kaa bayaabaan honaa honge apne bhi paraae bhi miri laash ke saath kuchh kahe koi magar tum na pashemaan honaa 'haamid' ham bhi the kabhi bazm-e-hunar-mandon mein yaad aataa hai mujhe meraa ghazal-khvaan honaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"