jo galiyon mein ghubaare bechte hain — Azra Naz

"agarche shaam se muflis ki kuTiyaa mein andheraa hai tasavvur mein magar us ke koi raushan saveraa hai nachaataa hai zamaane ko hamesha biin par apni bhari duniyaa mein shaayad vaqt hi aisaa saperaa hai kahin se luTtaa hai aur kahin par baanT detaa hai samajh paayaa nahin koi ki vo kaisaa luTeraa hai bahut jaldi thi maan tujh ko ye duniyaa chhoD jaane ki bataa kaisaa jahaan hai ab jahaan teraa baseraa hai bhale kartaa rahe paamaal 'izzat vo gharibon ki use har baat jaaez hai vo gaaon kaa vaDera hai likhaa thaa jo nasibon mein use to ho ke rahnaa thaa huaa jo kuchh bhi us mein haath teraa hai na meraa hai karungi go mohabbat se chaman ki aabyaari main havaa se Tuut saktaa hai jo ik paudaa chhareraa hai chalo ham bhi vahin chalte hain fasl-e-gul ki aamad hai sunaa hai aaj-kal is shahr mein khushbu kaa Deraa hai mujhe ab khauf kaisaa chilchilaati dhuup se 'azraa' tiri palkon kaa chehre par mire saayaa ghaneraa hai"

"haadse ke kuchh nishaan ham ko bhi saahil par mile nam havaa ki siskiyaan rote hue patthar mile ham ne dekhaa hai chaTaanon ko bhi aksar TuTte khushk aankhon mein chhupe aksar kai saagar mile saint kar rakkhaa unhein naayaab hiire ki tarah un ke raste mein paDe jitne hamein patthar mile mukhtalif the ham zamaane bhar se shaayad is liye ham ko jo bhi gham mile maa'mul se haT kar mile paaniyon mein bah gaiin khvaabon ki saari bastiyaan baarishon ke zor se TuuTe hue jab ghar mile"

"tire jazbon ki garmi mein kami mahsus hoti hai ho tabdili koi bhi laazmi mahsus hoti hai miri dhaDkan ke rauzan se sadaa aati hai nauhon ki mujhe duniyaa hi saari maatami mahsus hoti hai na-jaane kyon mire gaalon pe do aansu phisal aae ki ab saari fazaa hi shabnami mahsus hoti hai bichhi hai har taraf sabze ki jaise reshmi chaadar nigaahon ko har ik shai reshmi mahsus hoti hai kisi mahfil mein koi jab tumhaaraa naam letaa hai na-jaane kyon mujhe dhaDkan thami mahsus hoti hai tire chhune se bhi mujh par asar hotaa nahin koi badan mein barf si ab to jami mahsus hoti hai"

"sab ki nazron mein hai ghussa aur lab khaamosh hain koi kuchh kahtaa nahin hai sab ke sab khaamosh hain aur kuchh vo hain jo sahte hain magar kahte nahin un ko hai malhuz bas paas-e-adab khaamosh hain ek chup si lag gai hai muskuraate tak nahin saanahe logon pe guzre hain 'ajab khaamosh hain zinda laashon ki tarah jiine lage hain log ab saare jazbe ho chuke hain jaan-balab khaamosh hain amn kaa to ab zamaane mein nishaan tak bhi nahin amn ki jin ko jahaan mein hai talab khaamosh hain kar rahe hain sab yahaan par khul ke izhaar-e-khayaal aap bhi kuchh boliye kyon be-sabab khaamosh hain hanste chehron par ye kaisi dard ki ik chhaap hai gum hain hairat mein sabhi saaz-e-tarab khaamosh hain"

"suluk us ne mohabbat mein 'ajab mujh se ravaa rakkhaa hamesha mere apne darmiyaan ik faasla rakkhaa tumhaare paas aate hi jalaa diin kashtiyaan saari ki main ne lauT jaane kaa na koi raasta rakkhaa tumhaare pyaar mein ab aur kitni darguzar karti tumhaari har jafaa kaa naam main ne ik adaa rakkhaa tumhaare bin rahe suune ye mere baam-o-dar kitne na aae tum magar main ne to darvaaza khulaa rakkhaa tavaqqo' aur se kyon ho mujhe haajat-ravaai ki khudaa ke saamne phailaa ke jab dast-e-du'aa rakkhaa na thaa kuchh rabt hi shaayad tire dil kaa mire dil se na lauTe tum na tum ne mujh se koi raabta rakkhaa havaa kaa dekhnaa maqsud mujh ko zarf hai 'azraa' havaa ke dosh par main ne jalaa kar ik diyaa rakkhaa"

"ranjishein miT bhi gaiin to kuchh gila rah jaaegaa mere us ke darmiyaan ik faasla rah jaaegaa rafta-rafta bhuul jaaungi use main ek din yaad kaa baaqi magar kuchh silsila rah jaaegaa ye musaafir do ghaDi bas su-e-manzil hain ravaan sab chale jaaeinge khaali raasta rah jaaegaa yunhi gar ik dusre se phir bichhaD jaaeinge ham ho ke phir koi na koi haadsa rah jaaegaa barg ho jaaeinge ik din shaakh se apni judaa 'aks miT jaaeinge lekin aaina rah jaaegaa har taraf jab aandhiyaan vahshat bapaa kar jaaeingi chaar-su phir vahshaton kaa daaera rah jaaegaa un ke khat kaa aasraa 'azraa' agar jaataa rahaa phir hamaare darmiyaan kyaa raabta rah jaaegaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"