jo khalaaon mein chamakte hain ujaale le kar — Arif Kukravi

"vo sanvaareinge mujhe kyaa gul-e-zebaai tak raas aai na jinhein meri paziraai tak haar kaa sadma huaa hai ki hai saazish koi khush to thi khuub mohabbat miri paspaai tak phir to mumkin hai kai aur bhi gham nikleinge baat pahunchegi agar dast-e-masihaai tak ishq to ishq hai mat tah mein tum is ki utro Dubne vaale bhi pahunche nahin gahraai tak ishq ki raah mein kitni hi lakirein khincho aag pahunchegi bahar-haal tamannaai tak ab khudaa jaane guzar jaaegi mujh par kyaa kyaa vo mujhe chhoD gayaa hai miri tanhaai tak tu kahaan hadd-e-sukhanvar ki hai zad mein 'aarif' sirf mahdud hai tu qaafiya-paimaai tak"

"savaad-e-shaam-e-safar kaa malaal kuchh bhi nahin karun main arz bhi kyaa arz-e-haal kuchh bhi nahin dil-e-hazin kaa bayaan laakh kijiye bhi to kyaa agarche us ko hamaaraa khayaal kuchh bhi nahin balaa ki aarzu paale hue hai dil ye hanuz is aarzu ke liye maah-o-saal kuchh bhi nahin nishaan-e-khalvat-e-shab dil pe naqsh hai lekin fareb-e-ishq kaa ham ko malaal kuchh bhi nahin khamoshiyaan bhi bahut kuchh bayaan karti hain bayaan-e-ishq ko lafz-o-khayaal kuchh bhi nahin suneinge aap bhi ik din dil-e-shikasta se uruuj kuchh bhi nahin hai zavaal kuchh bhi nahin savaal zehn mein yuun to hazaaron hain 'aarif' magar ye kyaa hai ki us se savaal kuchh bhi nahin"

"apni khvaahish ke agar pankh kutarte bante dasht-o-sahraa mein bhi hamvaar ye raste bante us dil-e-shokh ki bas ek nazar hai kaafi der lagti nahin ehsaas ke rishte bante aaina-khaane hi logon kaa bharam rakhte hain varna har lamhe to chehre na badalte bante koi to hai jo haraane pe tulaa hai mujh ko baat yunhi to nahin bigDe hai bante bante taa-kujaa dil ko tasalli pe tasalli dete taa-kujaa raah-e-tamannaa se na chalte bante garche hoti na miri ziist ki mubham ye kitaab zindagi sab tire auraaq ye paDhte bante sabr ki maat jo hoti to ye hotaa 'aarif' dil ke armaan sar-e-raah kuchalte bante"

"kisi ke husn-o-adaa par jo tabsira kiije falak-asaas iraadon se ibtidaa kiije koi to had ho muqarrar sitamgari ki tiri agarche sabr jo kiije bhi taa-kujaa kiije qaraar dil kaa nihaan hai isi mein jaanaanaan hamaari samt bhi chashm-e-sitam zaraa kiije asir-e-panja-e-mizhgaan hain jaane kab se ham hamaare dard jigar kaa mu'aalaja kiije mujhe khabar hai miri dastaras nahin us tak magar use hi ye dil chaahtaa hai kyaa kiije ye TuuT kar jo bikharne ki chaah rakhtaa hai kabhi to puuri tamannaa-e-aaina kiije nayaa nahin hai dilon kaa ye TuTnaa 'aarif' main kah rahaa huun zaraa saa to hausla kiije"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"