khud bhi sayyaad imtihaan mein hai — Aman Chandpuri

"kisi bhi sher mein achchhaa buraa kyaa bas itnaa dekhiye kis ne kahaa kyaa abhi insaan to ban paae nahin ho banoge aadmi se devtaa kyaa sitaaron mein ye kaisi khalbali hai falak par aa gayaa suraj nayaa kyaa kitaabon se use fursat nahin thi vo paDhtaa aap kaa chehra bhalaa kyaa tumhaari hi tarah ho jaaun yaani badal luun main bhi apnaa raasta kyaa taraqqi kar rahaa hai mulk be-shak taraqqi ne gharibon ko diyaa kyaa 'aman' ham to faqir-e-ishq Thahre faqiri mein khasaara faaeda kyaa"

"vasl kyaa shai hai aur furqat kyaa tum ko maalum hai mohabbat kyaa meri aankhon ne tum ko dekh liyaa ab hai binaai ki zarurat kyaa ab use ghar ki yaad aai hai Dah gai ishq ki imaarat kyaa vasl se duur ho gayaa bhaunraa phuul se uD gai hai nikhat kyaa kitne bezaar ho gae ho tum ishq mein ho gai thi ujlat kyaa kitni raunaq hai bazm-e-furqat mein hai 'aman' aap ki sadaarat kyaa"

"dasht mein pyaasi bhaTak kar tishnagi mar jaaegi ye huaa to ziist ki ummid bhi mar jaaegi rok sakte ho to roko mazhabi takraar ko khuun yuun bahtaa rahaa to ye sadi mar jaaegi phir usi kuche mein jaane ke liye machlaa hai dil phir usi kuche mein jaa kar be-khudi mar jaaegi bolnaa behad zaruri hai magar ye soch lo chikh jab hogi ayaan to khaamushi mar jaaegi nafraton ki tirgi phaili hui hai har taraf pyaar ke dipak jalein to tirgi mar jaaegi ranj-o-gham se raabta meraa na TuuTe ai khudaa yuun huaa to meri puuri shaairi mar jaaegi doston se be-rukhi achchhi nahin hoti 'aman' duriyaan zinda rahin to dosti mar jaaegi"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"

"choT par choT khaa rahaa huun main 'aadatan muskuraa rahaa huun main us ke uupar to kuchh asar hi nahin apnaa dil kyon jalaa rahaa huun main aaj tanhaai mein jo baiThe ho kyaa tumhein yaad aa rahaa huun main kaun aaegaa mujh se milne ko apnaa ghar kyon sajaa rahaa huun main aaj ji bhar ke dekh lo mujh ko ab bahut duur jaa rahaa huun main kyaa tumhein ab bhi kuchh shikaayat hai ab to sab kuchh kamaa rahaa huun main haath mein Digriyaan sajaae hue Thokarein kitni khaa rahaa huun main ab mujhe peT in se bharnaa hai ye jo khanjar banaa rahaa huun main kal koi is ko bhi na chhoDegaa ye jo paudaa lagaa rahaa huun main"