khud ko aasaan kar rahi ho naa — Kumar Vishwas

"ham kahaan hain ye pataa lo tum bhi baat aadhi to sambhaalo tum bhi dil lagaayaa hi nahin thaa tum ne dil-lagi ki thi mazaa lo tum bhi ham ko aankhon mein na aanjo lekin khud ko khud par to sajaa lo tum bhi jism ki niind mein sone vaalon ruuh mein khvaab to paalo tum bhi"

"rang duniyaa ne dikhaayaa hai niraalaa dekhun hai andhere mein ujaalaa to ujaalaa dekhun aaina rakh de mire saamne aakhir main bhi kaisaa lagtaa hai tiraa chaahne vaalaa dekhun kal talak vo jo mire sar ki qasam khaataa thaa aaj sar us ne miraa kaise uchhaalaa dekhun mujh se maazi miraa kal raat simaT kar bolaa kis tarah main ne yahaan khud ko sambhaalaa dekhun jis ke aangan se khule the mire saare raste us haveli pe bhalaa kaise main taalaa dekhun"

"sab tamannaaein hon puuri koi khvaahish bhi rahe chaahtaa vo hai mohabbat mein numaaish bhi rahe aasmaan chume mire pankh tiri rahmat se aur kisi peD ki Daali pe rihaaish bhi rahe us ne saunpaa nahin mujh ko mire hisse kaa vajud us ki koshish hai ki mujh se miri ranjish bhi rahe mujh ko maalum hai meraa hai vo main us kaa huun us ki chaahat hai ki rasmon ki ye bandish bhi rahe mausamon se rahein 'vishvaas' ke aise rishte kuchh adaavat bhi rahe thoDi navaazish bhi rahe"

"main to jhonkaa huun havaaon kaa uDaa le jaaungaa jaagti rahnaa tujhe tujh se churaa le jaaungaa ho ke qadmon pe nichhaavar phuul ne but se kahaa khaak mein mil kar bhi main khushbu bachaa le jaaungaa kaun si shai mujh ko pahunchaaegi tere shahr tak ye pataa to tab chalegaa jab pataa le jaaungaa koshishein mujh ko miTaane ki bhale hon kaamyaab miTte miTte bhi main miTne kaa maza le jaaungaa shohratein, jin ki vajh se dost dushman ho gae sab yahin rah jaaeingi main saath kyaa le jaaungaa"

"tum laakh chaahe meri aafat mein jaan rakhnaa par apne vaaste bhi kuchh imtihaan rakhnaa vo shakhs kaam kaa hai do aib bhi hain us mein ik sar uThaanaa duujaa munh mein zabaan rakhnaa pagli si ek laDki se shahr ye khafaa hai vo chaahti hai palkon pe aasmaan rakhnaa keval faqiron ko hai ye kaamyaabi haasil masti se jiinaa aur khush saaraa jahaan rakhnaa"

"usi ki tarah mujhe saaraa zamaanaa chaahe vo miraa hone se ziyaada mujhe paanaa chaahe meri palkon se phisal jaataa hai chehra teraa ye musaafir to koi aur Thikaanaa chaahe ek banphul thaa is shahr mein vo bhi na rahaa koi ab kis ke liye lauT ke aanaa chaahe zindagi hasraton ke saaz pe sahmaa-sahmaa vo taraana hai jise dil nahin gaanaa chaahe"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"shab ki taarik raahdaari hai aur miraa khauf iztiraari hai sabz khvaabon ki kam se kam qimat zindagi bhar ki ashk-baari hai ik musallat-shuda tamaddun ko ye na kahiye ki ikhtiyaari hai shash-jihaati mushaahida hai miyaan tajrabon ki sanad pe bhaari hai shukriya aap ki mohabbat kaa dil kaa maqsum sogvaari hai tajziye sun ke muskuraa denaa apni itni hi zimmedaari hai"

"ye hai mai-kada yahaan rind hain yahaan sab kaa saaqi imaam hai ye haram nahin hai ai shaikh ji yahaan paarsaai haraam hai jo zaraa si pi ke bahak gayaa use mai-kade se nikaal do yahaan tang-nazar kaa guzar nahin yahaan ahl-e-zarf kaa kaam hai koi mast hai koi tishna-lab to kisi ke haath mein jaam hai magar is pe koi kare bhi kyaa ye to mai-kade kaa nizaam hai ye janaab-e-shaikh kaa falsafa hai 'ajib saare jahaan se jo vahaan piyo to halaal hai jo yahaan piyo to haraam hai tujhe apne husn kaa vaasta mere shauq-e-did pa rahm khaa zaraa muskuraa ke naqaab uThaa ki nazar ko shauq-e-salaam hai na sunnaa to huur o qusur ki ye hikaayatein mujhe vaa'izaa koi baat kar dar-e-yaar ki dar-e-yaar hi se to kaam hai na to e'tikaaf se kuchh gharaz na savaab-o-zuhd se vaasta tiri diid aisi namaaz hai na sujud hai na qayaam hai ye durust ki 'aib hai mai-kashi ye ba-jaa ki baada haraam hai magar ab savaal ye aa paDaa ki tumhaare haath mein jaam hai jo uThi to subh-e-davaam thi jo jhuki to shaam hi shaam thi tiri chashm-e-mast mein saaqiyaa miri zindagi kaa nizaam hai miraa farz hai ki paDaa rahun tiri baargaah mein saaqiyaa koi tishna-lab hai ki sair hai yahi dekhnaa tiraa kaam hai isi kaaenaat mein ai 'jigar' koi inqalaab uThegaa phir ki buland ho ke bhi aadmi abhi khvaahishon kaa ghulaam hai"