khushi kaa dusraa pahlu hai aur gham kyaa hai — Om Krishn Rahat

"maaani lafzon ke piiri mein kuchh shabaab mein kuchh aur us ke baare mein likkhaa nahin kitaab mein kuchh pahunch ke dekhaa to maange ki raushni ke sivaa falak ke taaron mein kuchh hai na maahtaab mein kuchh har ek ghunT mein yaksaan nahin thi talkhi-e-mai ki ghol dete hain haalaat bhi sharaab mein kuchh kai gunaahon kaa indiraaj hi nahin miltaa kisi se bhuul hui hai mire hisaab mein kuchh hai teraa aks ki mere ghamon kaa saayaa hai nazar to aataa hai paimaana-e-sharaab mein kuchh"

"aaina dekhnaa angusht ba-dandaan rahnaa us ne to ham ko bhi sikhlaa diyaa hairaan rahnaa Dagmagaa jaaein qadam raah-e-talab mein kis vaqt tu mire saath mire shauq gurezaan rahnaa dil-e-naazuk ko lagaanaa thaa Thikaane yaa-rab is ke bas kaa nahin nazdik-e-rag-e-jaan rahnaa jo huaa tuur pe is mein nahin hairat koi ibn-e-aadam ki to taqdir hai hairaan rahnaa tere meaar pe ai zindagi rahnaa hai kaThin siikh le tu hi miri shaan ke shaayaan rahnaa main to kar guzrungaa jo dil mein mire aaegi mujh ko manzur nahin apnaa nigahbaan rahnaa us ki nazron mein kahin ye bhi ibaadat hi na ho umr bhar khud se miraa dast-o-garebaan rahnaa daur-e-haazir ki badalti hui in qadron mein kitnaa dushvaar hai insaan kaa insaan rahnaa"

"sab sahifon ko taaq par rakh do ji nahin maantaa magar rakh do ashk ji khol kar bahaa luun main haath aankhon pe tum agar rakh do jis mein maahaul hi na ho ghar kaa ek kone mein aisaa ghar rakh do tum ko rone ki jab jagah na mile mere shaane pe apnaa sar rakh do soch ik bojh hai mire dil par is ko le kar idhar udhar rakh do haal hi aa ke puchh lo meraa ek marham saa ghaav par rakh do kashtiyaan aaeingi idhar kuchh aur meri naav mein sab bhanvar rakh do tajrabe apni ziist ke 'raahat' ek gaThri mein baandh kar rakh do"

"use khalaaon ki vusaton kaa tajraba hi nahin vo mere saath kabhi arsh tak gayaa hi nahin main is ko aur hi aalam mein le gayaa hotaa zamaana ungli pakaD kar miri chalaa hi nahin har ek chehre pe kitni ibaaratein hain raqam miri jabin pe to kuchh vaqt ne likhaa hi nahin balaa-kashaan-e-mohabbat mein hai shumaar miraa ye inkishaaf to mujh par kabhi huaa hi nahin ba-naam-e-jaam-o-subu us ko roknaa chaahaa thaa vaqt mujh se bhi chaalaak vo rukaa hi nahin qusur us kaa nahin hai qusur meraa hai main kam-nasibi ki tah tak kabhi gayaa hi nahin ik aas zehn ke kone mein hai abhi mahfuz ye aur khilaunaa hai 'raahat' jo TuTtaa hi nahin"

"mere lab pe hansi agar aai to faqat apne haal par aai daastaan-e-hayaat likkhungaa zabt-e-tahrir mein agar aai be-khudi ne ye moajiza bhi kiyaa chhoDne mujh ko mere ghar aai qaabil-e-did the maqaam sabhi jin se ye zindagi guzar aai meri khaatir ye rahmat-e-yazdaan us bulandi se kyon utar aai ham na sajde se sar uThaaeinge baat banti agar nazar aai hech samjhaa thaa ham ne duniyaa ko ye bhi tohmat hamaare sar aai maut hi ke liye sahi 'raahat' ik duaa to zabaan par aai"

"ghuT ke rah jaati hain siine mein sadaaein kitni jam gai hain mere honTon pe duaaein kitni puchhnaa chaahiye aadam ko khudaa se apne ek hi jurm ki hoti hain sazaaein kitni zahr-aalud hansi gaaliyaan aansu ashaar mere jazbaat ne oDhi hain ridaaein kitni haq ki aavaaz ko pahchaan sakungaa kaise gunjti hain mere kaanon mein sadaaein kitni mere khaaliq mujhe itni to khabar di jaae mujh se sarzad abhi honaa hain khataaein kitni kuchh hisaab is kaa farishton ne bhi rakkhaa hogaa mustarad kar di gaiin meri duaaein kitni raas aane ki tarah raas nahin aati hain kaj hain doshiza-e-hasti ki adaaein kitni"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"