kis ko hai husn-e-khudaa-daad kaa daavaa dekhein — Gopal Mittal

"svaang ab tark-e-mohabbat kaa rachaayaa jaae us ke pindaar ko aaina dikhaayaa jaae vaza-daari-e-mohabbat ke munaafi hai to ho aaj collar pe nayaa phuul sajaayaa jaae sher mein tazkira-e-dasht-o-bayaabaan ho magar ik baDe shahr mein ghar apnaa basaayaa jaae balcony vo kai din se hai viraan yaaro us gali mein koi hangaama uThaayaa jaae sar ye kahtaa hai gavaaraa nahin ab baarish-e-sang dil ye kahtaa hai usi kuche mein jaayaa jaae ham hi pichhe rahein kyuun daavaa-e-jaan-baazi mein kyaa zaruri hai ki mar kar bhi dikhaayaa jaae shaairi mein na rahaa jazba-o-ehsaas ko dakhl ab use qaum ki khidmat pe lagaayaa jaae"

"rangini-e-havas kaa vafaa naam rakh diyaa khuddaari-e-vafaa kaa jafaa naam rakh diyaa insaan ki jo baat samajh mein na aa saki insaan ne us kaa haq ki razaa naam rakh diyaa khud-gharziyon ke saae mein paati hai parvarish ulfat ko jis kaa sidq o safaa naam rakh diyaa be-mehri-e-habib kaa mushkil thaa e'tiraaf yaaron ne us kaa naaz o adaa naam rakh diyaa fitrat mein aadmi ki hai mubham saa ek khauf us khauf kaa kisi ne khudaa naam rakh diyaa ye ruuh kyaa hai jism kaa aks-e-latif hai ye aur baat hai ki judaa naam rakh diyaa muflis ko ahl-e-zar ne bhi kyaa kyaa diye fareb apni jafaa kaa hukm-e-khudaa naam rakh diyaa"

"svaang ab tark-e-mohabbat kaa rachaayaa jaae us ke pindaar ko aaina dikhaayaa jaae vaz’-daari-e-mohabbat ke munaafi hai to ho aaj collar pe nayaa phuul sajaayaa jaae she'r mein tazkira-e-dasht-o-bayaabaan ho magar ik baDe shahr mein ghar apnaa basaayaa jaae balcony vo kai din se hai viraan yaaro us gali mein koi hangaama uThaayaa jaae sar ye kahtaa hai gavaaraa nahin ab baarish-e-sang dil ye kahtaa hai usi kuche mein jaayaa jaae ham hi pichhe rahein kyon daa’vaa-e-jaan-baazi mein kyaa zaruri hai ki mar kar bhi dikhaayaa jaae shaa'iri mein na rahaa jazba-o-ehsaas ko dakhl ab ise qaum ki khidmat pe lagaayaa jaae"

"shaadaan na ho gar mujh pe kaDaa vaqt paDaa hai tu zad mein hai jis vaqt ki us se bhi kaDaa hai hai dhuup mire sar pe magar tu bhi miri jaan girti hui divaar ke saae mein khaDaa hai kyaa shaan hai vallaah husain-ibn-e-ali ki sar kaT gayaa qad phir bhi harifon se baDaa hai ham laash samajh kar jise pheink aae the vo shakhs chaTTaan ki maanind alam ban ke khaDaa hai haan TuuT gayaa vo bhi shajar thaa jo tanaavar kuchh der magar tund havaaon se laDaa hai"

"ai ahl-e-karam nahin main saail raste pe yunhi khaDaa huaa huun ab shikva-e-sang-o-khisht kaisaa jab teri gali mein aa gayaa huun is shahr mein vaz'-e-kaj-kulaahi main vaaqa'i dar-khur-e-sazaa huun mushkil nahin tark-e-'ishq lekin is kaa bhi maaal jaantaa huun"

"ik chheD thi jafaaon kaa teri gila na thaa tark-e-taalluqaat miraa muddaaa na thaa naaseh vo shokh dushman-e-imaan thaa vaaqai aur phir miraa mizaaj bhi kuchh aashiqaana thaa TuuTaa hai apne zom-e-vafaa kaa tilism aaj mahsus ho rahaa hai ki tu bevafaa na thaa ham khud bhi tark-e-raah-e-vafaa par hain munfail par kyaa karein ki aur koi raasta na thaa jab se judaa hue hain tabiat udaas hai aur lutf ye ki tujh se koi muddaaa na thaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"