kisi ki tum dil-aazaari na karnaa — Anwar Ansari

"apne hi ghar ke fard agar dushmani karein kis aasare pe ham ye basar zindagi karein yaaro qadam qadam pe andhere hain hukmraan suraj kidhar ugaaein kahaan raushni karein laDvaa rahe hain raam ko jo bhi rahim se in mazhabi khudaaon se kyaa dosti karein ai dosto tanaav mein jiinaa haraam hai had se baDhein jo zulm to ham sar-kashi karein aaraam ke vasile to laakhon jahaan mein hain dil kaa sukun chaahiye to bandagi karein kitnaa aziim dars rasul-e-khudaa kaa hai dushman se bhi milaap karein aashti karein zulmat ye vo nahin hai jo suraj se duur ho apnaa hi dil jalaa ke chalo raushni karein ghuT hi na jaae dam kahin dil ke ghubaar se 'anvaar' zinda rahnaa hai to shaairi karein"

"vo jo tere qarib hotaa hai kis qadar khush-nasib hotaa hai jis ki khaatir na ho duaa maan ki vahi sab se gharib hotaa hai jo na badlaa hazaar koshish se aadmi kaa nasib hotaa hai rang jo bhi bhare haqiqat ke vahi sachchaa adiib hotaa hai vaqt par kaam aae jo 'anvaar' vahi apnaa habib hotaa hai"

"kam-basirat azaab kahte hain ziist ko ham savaab kahte hain ham ne aabaad kar diye sahraa log khaana-kharaab kahte hain be-rukhi ne hamein kiyaa ghaayal vo vafaa kaa javaab kahte hain gham jo nanhaa saa ik diyaa Thahraa sab use aaftaab kahte hain pyaar miltaa hai pyaar ke badle ham divaane kaa khvaab kahte hain dukh ki lahron ko dekh kar ham to sukh kaa bahtaa chanaab kahte hain husn be-shak hai bevafaa 'anvaar' ham vafaa ki kitaab kahte hain"

"ab 'mir' jaisaa koi sukhan-var na aaegaa 'iqbaal' saa adab mein payambar na aaegaa husn-e-suluk se mire qaail hue hain dost ilzaam-e-bevafaai mire sar na aaegaa apne lahu se pyaas bujhaani hai taa-hayaat ab raaste mein koi samundar na aaegaa be-lutf saa rahegaa har ik kaif-e-zindagi jashn-e-tarab mein gar miraa dilbar na aaegaa meri nasihatein hui yaaron pe be-asar in jangalon mein peD samar-var na aaegaa 'anvaar' aainon kaa agarche diyaa hai saath mat soch teri raah mein patthar na aaegaa"

"tiri talaash ne rakhaa hai dar-ba-dar mujh ko tire sivaa nahin aataa koi nazar mujh ko main Duub jaataa huun jab bhi tire tasavvur mein jahaan ki phir nahin rahti hai kuchh khabar mujh ko tu ham-qadam thaa miraa zindagi ki raahon mein kaThin lagaa hi nahin thaa kabhi safar mujh ko nazar uThe hai jidhar bhi dayaar-e-ulfat mein tiraa hi jalva nazar aae hai udhar mujh ko zamaan-shanaasi to kuchh haisiyat nahin rakhti ki apne ghar ki nahin jab koi khabar mujh ko chamakti dhuup mein sab ke liye hai saaya-fagan bashar se baDh ke lage mehrbaan shajar mujh ko kahin bhi DhunDe se miltaa nahin suraagh koi lage hai bhuli hui daastaan bashar mujh ko ki pattharon ke makaan chaahtaa nahin 'anvaar' mohabbaton se bhari ret kaa de ghar mujh ko"

"is tarah tujh ko chaahtaa huun main zindagi jaise maangtaa huun main us ke baare mein kyaa bataaungaa khud ko bhi kam hi jaantaa huun main log to dhuup bhi nahin dete apnaa saaya bhi baanTtaa huun main ab tabaahi miri yaqini hai teraa har raaz jaantaa huun main main ki har baar qatl hotaa huun har siyaasat ko jaantaa huun main main kaDi dhuup mein kahaan mahfuz peD huun saaya baanTtaa huun main"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"