koi batlaae ki kyaa hain yaaro — Ahmad Rahi

"gham-e-hayaat mein koi kami nahin aai nazar-fareb thi teri jamaal-aaraai vo daastaan jo tiri dilkashi ne chheDi thi hazaar baar miri saadgi ne dohraai fasaane aam sahi meri chashm-e-hairaan ke tamaashaa bante rahe hain yahaan tamaashaai tiri vafaa tiri majburiyaan bajaa lekin ye sozish-e-gham-e-hijraan ye sard tanhaai kisi ke husn-e-tamannaa kaa paas hai varna mujhe khayaal-e-jahaan hai na khauf-e-rusvaai main sochtaa huun zamaane kaa haal kyaa hogaa agar ye uljhi hui zulf tu ne suljhaai kahin ye apni mohabbat ki intihaa to nahin bahut dinon se tiri yaad bhi nahin aai"

"qayaam-e-dair-o-tavaaf-e-haram nahin karte zamaana-saaz to karte hain ham nahin karte tumhaari zulf ko suljhaaeinge vo divaane jo apne chaak-e-garebaan kaa gham nahin karte utar chukaa hai rag-o-pai mein zahr-e-gham phir bhi ba-paas-ahd-e-vafaa chashm nam nahin karte ye apnaa dil hai ki is haal mein bhi zinda hain sitam kuchh ahl-e-sitam ham pe kam nahin karte girafta-dil hain butaan-e-haram ki ab shaair nashaat-o-aish ke saamaan baham nahin karte sunaa rahe hain jahaan ko hadis-e-daar-o-rasan hikaayat-e-qad-o-gesu raqam nahin karte vo aastaan-e-shahi ho ki aastaana-e-dost ye ab kahin sar-e-taslim kham nahin karte"

"dil ke viraan raaste bhi dekh aankh ki maar se pare bhi dekh chaar su gunjte hain sannaaTe kabhi sunsaan maqbare bhi dekh kaanpti hain lavein charaaghon ki raushni ko qarib se bhi dekh sozish-e-furqat-e-musalsal se aanch dete hain qahqahe bhi dekh band honTon ki naghmagi bhi sun soti aankhon ke ratjage bhi dekh dekhnaa ho agar kamaal apnaa aaina dekh kar mujhe bhi dekh"

"tavil raaton ki khaamushi mein miri fughaan thak ke so gai hai tumhaari aankhon ne jo kahi thi vo daastaan thak ke so gai hai gilaa nahin tujh se zindagi ke vo zaaviye hi badal chuke hain miri vafaa vo tire taghaaful ki nauha-khvaan thak ke so gai hai mire khayaalon mein aaj bhi khvaab ahd-e-rafta ke jaagte hain tumhaare pahlu mein kaahish-e-yaad-e-aastaan thak ke so gai hai sahar ki ummid ab kise hai sahar ki ummid ho bhi kaise ki ziist ummid o naa-ummidi ke darmiyaan thak ke so gai hai na jaane main kis udheD-bun mein ulajh gayaa huun ki mujh ko 'raahi' khabar nahin kuchh vo aarzu-e-sukun kahaan thak ke so gai hai"

"ye daastaan-e-gham-e-dil kahaan kahi jaae yahaan to khul ke koi baat bhi na ki jaae tumhaare haath sahi faisla magar phir bhi zaraa asiir ki rudaad to suni jaae ye raat din kaa taDapnaa bhi kyaa qayaamat hai jo tum nahin to tumhaaraa khayaal bhi jaae ab is se baDh ke bhalaa aur kyaa sitam hogaa zabaan khul na sake aankh dekhti jaae ye chaak chaak garebaan nahin hai divaane jise bas ek chhalakti nazar hi si jaae koi sabil ki ye sehr-e-jaan-gusil TuuTe koi ilaaj ki ye daur-e-bebasi jaae"

"main dil-zada huun agar dil-figaar vo bhi hain ki dard-e-ishq ke ab daavedaar vo bhi hain huaa hai jin ke karam se dil o nazar kaa ziyaan ba-faiz-e-vaqt mire gham-gusaar vo bhi hain shahid jazbon ki fahrist kyaa murattab ho shumaar mein jo nahin be-shumaar vo bhi hain dil-e-tabaah! ye aasaar hain qayaamat ke rahin-e-gardish-e-lail-o-nahaar vo bhi hain harim-e-husn ki tazin the jo paikar-e-naaz ba-haal-e-zaar sar-e-rahguzaar vo bhi hain vo jin se aam hui daastaan-e-ahd-e-junun tire gunah dil-e-naa-kardaa-kaar vo bhi hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"