koi paanv safar mein rakh — Paikar Yazdani

"hanste hanste kah di baat tum ne aakhir kaDvi baat mere liye patthar ki lakir kaanp ke munh se nikli baat barson baa'd bhi lagtaa hai jaise ho kal hi ki baat pal mein lahja badal gayaa dekhi tum ne us ki baat aankhon mein chehra un kaa dil mein ik ik ann ki baat 'paikar' aisaa jhuuT na bol lagne lage jo sachchi baat"

"surat ke to achchhe log lekin dil ke kaale log un se apnaa rishta kyaa vo Thahre hain unche log dekhe hain sajda karte apni anaa ko ham ne log aaj masihaa ban baiThe gunge bahre andhe log har ghar ki majburi hain kuchh paune kuchh aadhe log teri baat ko maaneinge 'paikar' dhire dhire log"

"guzre hai dil pe jo vo kahein kyaa kisi se ham apnon mein ho ke rah gae ik ajnabi se ham is vaaqia kaa tajziya karnaa muhaal hai sahmi hui hai ham se khushi yaa khushi se ham rahne lage khafaa khafaa suraj bhi chaand bhi maanus kyaa hue hain kisi raushni se ham din din hai raat raat hai ye jaanne ke baa'd kaise nibaah karte bhalaa tirgi se ham jaanaa hai us maqaam pe rasta kaThin sahi laaein jo inqalaab koi shaairi se ham ‘paikar’ hamaari shaan ke qatan khilaaf hai aankhein churaa churaa ke jiein zindagi se ham"

"nahin apne to begaane bahut hain jahaan mein aaina-khaane bahut hain pareshaan kyon ho mere ham-rikaabo mire gham ko mire shaane bahut hain zamaane bhar ki hujjat ke muqaabil faqat tasbih ke daane bahut hain abhi se aap himmat haar baiThe abhi ilzaam sar aane bahut hain hamein rakkhaa hai kis darje mein saahib sunaa hai aap ke khaane bahut hain kisi ko shaam ki hai fikr laahaq kisi ko shauq farmaane bahut hain isi kaa naam 'paikar' zindagi hai maraahil saamne aane bahut hain"

"jaisaa sunaa thaa vaisaa hai vo mujh se bhi achchhaa hai pyaar ki baatein kartaa hai shaayad koi paglaa hai us ki baat na radd hogi us ke paas to paisa hai mere dushman kaa lahja aam ke jaisaa miThaa hai apni manzil duur nahin miil kaa patthar kahtaa hai ghairon jaisi baat na kar tu to meraa apnaa hai aag aur paani kaa rishta kyaa 'paikar' ho saktaa hai"

"kankar kah na patthar kah gauhar hai to gauhar kah pichhe ghibat hoti hai jo kahnaa hai munh par kah patthar Dhone vaale ko kaaenaat kaa mehvar kah chikhe qaumi yak-jehti haq par ho jo haq par kah lahja qaatil Thahregaa kaDvi baat ko hans kar kah mustaqbil ki fikr bhi rakh haal kaa haal bhi khul kar kah bhaDak uThein jis se jazbaat aisi baat na 'paikar' kah"

"vo chiir ke aakaash zamin par utar aayaa jaltaa huaa suraj miri aankhon mein dar aayaa lahron ne kai baar mire dar pe di dastak phir saath mujhe lene samundar idhar aayaa vo ziist ke us paar ki thaah lene gayaa thaa par lauT ke ab tak na miraa ham-safar aayaa fursat ho to ye jism bhi miTTi mein dabaa do lo phir main zamaan aur makaan se idhar aayaa"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"kis tayaqqun talak gae ham log phir bhi ai dil bhaTak gae ham log misl-e-dariyaa mili thi sairaabi misl-e-saahil bilak gae ham log yunhi ik din safar kiyaa aaghaaz yunhi ik roz thak gae ham log ehtimaaman hue the ham-aaghosh ehtiyaatan bahak gae ham log ek khushbu chaman mein laai thi aur sahraa talak gae ham log nuur thaa yaa vo ik badan thaa 'samir' us ko chhu kar chamak gae ham log"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"aisaa to yahaan kuchh bhi nahin hadd-e-nazar tak ham ko to pahunchnaa thaa kisi khvaab-nagar tak ab paanv nahin raah mein dil thakne lagaa hai lekin hamein chalnaa to hai anjaam-e-safar tak ham shor bhi sunte hain samaaat se bahut kam aavaaz bhi jaati hai to bas hadd-e-nazar tak mumkin hai main ab sabr kaa ye peD giraa duun jab haath pahunchtaa hi nahin shaakh-e-samar tak ham apne hi mausam se parakhte hain jahaan ko maahaul kaa lete hi nahin koi asar tak main apne hi andar ki taraf chikh rahaa huun ab dekhiye jaati hai ye aavaaz kidhar tak"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"