kuchh bataanaa nahin ki tujh se kahein — Adeel Zaidi

"rah-e-khizaan mein talaash-e-bahaar karte rahe vo ek tarfa sahi tum se pyaar karte rahe hai kyaa tamaashaa udhar ranjishein hi baDhti rahin taalluqaat hamin ustuvaar karte rahe guzar gai jo ghaDi lauT kar na aai kabhi talaash-e-shaam-o-sahar baar baar karte rahe tumhaari chaah mein jitne bhi zakhm ham ko mile mohabbaton mein ham un kaa shumaar karte rahe tiri anaa pe hamein ikhtiyaar hi kab thaa tamaam umr tiraa intizaar karte rahe 'adil' log gharon ko sajaae baiThe hain farogh-e-husn faqat barg-o-baar karte rahe"

"vaqt mushkil hai ataa kar do zaraa thoDi si baad mein denaa jo deni ho sazaa thoDi si bas ik ummid pe chalte rahe ham saath us ke shaayad us shakhs mein baaqi ho vafaa thoDi si habs-e-jaan qaabil-e-bardaasht nahin rabb-e-karim khol de siina chalaa is mein havaa thoDi si yuun to ik umr guzaari hai ibaadat mein 'adil' jaa ke masjid mein bhi kar leinge adaa thoDi si"

"jahaan-e-ilm kaa baab-e-nisaab hote hue bhaTak rahaa huun main ahl-e-kitaab hote hue kuchh aur bhi hai kharaabi ki dusri surat main khud ko dekh rahaa huun kharaab hote hue jo kaam dil ko mire fitratan nahin bhaate unhein main kar nahin paataa savaab hote hue mire hi dam se hai jo kuchh bhi is jahaan mein hai main kaise khud ko bhulaa duun janaab hote hue 'adil' jo the in aankhon ki raushni kal tak vo chehre dekh rahaa huun main khvaab hote hue"

"ye zamini bhi hai zamaani bhi fitrat-e-ishq aasmaani bhi shart hai jaan se jaaiye pahle hai ajab umr-e-jaavedaani bhi tum ne jo daastaan sunaai hai hai vahi to miri kahaani bhi kitne dilchasp lagne lagte hain mere qisse tiri zabaani bhi hain zaruri bahut hamaare liye ye fazaa aag aur paani bhi ho gai khatm ik kiran ke saath raat bhi niind bhi kahaani bhi mat inhein jaaniye dar-o-divaar in mein yaadein hain kuchh suhaani bhi in divaaron pe hi hui tahrir mere maan baap ki javaani bhi ham jo ghar chhoD kar chale aae the vo ajdaad ki nishaani bhi laa-makaan hi kaa zikr-e-khair 'adil' go hain qisse bahut makaani bhi"

"bas lamhe bhar mein faisla karnaa paDaa mujhe sab chhoD-chhaaD ghar se nikalnaa paDaa mujhe jab apni sar-zamin ne mujh ko na di panaah anjaan vaadiyon mein utarnaa paDaa mujhe paanv mein aable the thakan umr bhar ki thi ruknaa thaa baiThnaa thaa pa chalnaa paDaa mujhe apni parakh ke vaaste tufaan ke darmiyaan mazbut kashtiyon se utarnaa paDaa mujhe teri anaa ke haath mein the tere faisle tu to badal na paayaa badalnaa paDaa mujhe be-intihaa tazaad thaa donon ki soch mein kuchh yuun bhi raaste ko badalnaa paDaa mujhe ye bhi huaa ki baa-dil-e-naa-khvaasta kabhi zinda haqiqaton se mukarnaa paDaa mujhe yakjaa rahaa ik umr magar teri diid ko maanind-e-musht-e-khaak bikharnaa paDaa mujhe aaghaaz apne bas mein na anjaam hi 'adil' ik zindagi guzaar ke marnaa paDaa mujhe"

"naam suntaa huun tiraa jab bhare sansaar ke biich lafz ruk jaate hain aa kar miri guftaar ke biich ek hi chehra kitaabi nazar aataa hai hamein kabhi ashaar ke baahar kabhi ashaar ke biich ek dil TuuTaa magar kitni naqaabein palTin jiit ke pahlu nikal aae kai haar ke biich koi mahfil ho nazar us ki hamin par Thahri kabhi apnon mein sataayaa kabhi aghyaar ke biich aise zaahid ki qayaadat mein to tauba tauba kabhi imaan ki baatein kabhi kuffaar ke biich kabhi tahzib-o-tamaddun kaa ye markaz thaa miyaan tum ko basti jo nazar aati hai aasaar ke biich jis tarah TaaT kaa paivand ho makhmal mein 'adil' maghribi chaal-chalan mashriqi aqdaar ke biich"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"