lafz kaa zaaiqa kahaan mujh ko — Dilawar Ali Aazar

"'ajab sukhan hai asar kaa pataa nahin chaltaa ki ismein zer-o-zabar kaa pataa nahin chaltaa na jaane kab miri vahshat charaagh-paa ho jaae mujh aise sokhtaa-sar kaa pataa nahin chaltaa bhaTak rahaa huun main kab se khudaa ki basti mein dabiz dhund hai ghar kaa pataa nahin chaltaa kisi ko 'ilm hai apni ik-ek saa'at kaa kisi ko shaam-o-sahar kaa pataa nahin chaltaa zaraa 'amiq nazar Daaliye kharaabe par ki aisi khaak mein zar kaa pataa nahin chaltaa nikaale kaun se dasht-o-daman se raahi ko guzar kaa raahguzar kaa pataa nahin chaltaa khalaa mein qaid nahin koi vaqt par 'aazar' khalaa mein shaam-o-sahar kaa pataa nahin chaltaa"

"manzar se udhar khvaab ki paspaai se aage main dekh rahaa huun had-e-binaai se aage ye 'qais' ki masnad hai so zebaa hai usi ko hai ishq saraasar miri daanaai se aage shaayad mire ajdaad ko maalum nahin thaa ik baagh hai is dasht ki raanaai se aage sab dekh rahi thi pas-e-divaar thaa jo kuchh thi chashm-e-tamaashaai tamaashaai se aage ham qaafiya-paimaai ke chakkar mein paDe hain hai sinf-e-ghazal qaafiya-paimaai se aage ik din jo yunhi parda-e-aflaak uThaayaa barpaa thaa tamaashaa koi tanhaai se aage mujh kaaghzi kashti pe nazar kijiye 'aazar' baDhti hai jo lahron ki tavaanaai se aage"

"main TuuT jaataa huun jab hijr mujh ko toDtaa hai tiraa khayaal mujhe is qadar jhinjhoDtaa hai mazid 'ishq pe mat sochiye ki ye khud-sar dil-o-dimaagh ko naasur kar ke chhoDtaa hai vo shah-savaar azal se huun muntazir jiskaa na jaane kab miri jaanib mahaar moDtaa hai usi ke khuun ke chhinTon se hai sahar raushan jo shab ke surmai patthar pe sar ko phoDtaa hai vo kaun hai jo lagaataa hai girhein lamhon ki vo kaun hai jo zamaanon mein vaqt joDtaa hai usi ki shaa'iri karti hai fath qaari ko jo lafz-lafz pe dil kaa lahu nichoDtaa hai main qahqaha jo lagaataa huun hijr mein 'aazar' to qahqahe mein udaasi kaa zahr dauDtaa hai"

"rokaa hai mujh ko dil ne ki rasta bhaTak na jaaun main us ki justuju mein bahut duur tak na jaaun vaqfa bhi laazmi hai mohabbat ki fasl mein kartaa huun us ko yaad tasalsul se thak na jaaun maanaa ki aaina huun par ai husn-e-be-misaal aise na mujh ko dekh kahin main chaTak na jaaun kahti hai mujh se 'ishq ki paimaan-rasidgi jis-jis taraf bhi ho mujhe duniyaa kaa shak na jaaun tufaan-e-harf mujh se yahi chaahtaa hai kyaa uljhaa rahun khayaal mein tahrir tak na jaaun khilnaa hai 'aazar' ab mujhe lekin ye Dar bhi hai teri pahunch se duur ki Tahni pe pak na jaaun"

"Dhali na jab kisi manzar mein koi shai mire dost to dil bhi Duub gayaa din ke saath ai mire dost main ek khvaab ki duuri se dekhtaa huun tujhe ye faasla kahin sadiyon mein hogaa tai mire dost bahak rahe hain nazaare bhaTak rahi hai nazar chhalak rahi hai in aankhon se aaj mai mire dost nahin ye ashk nahin raushni hai sho'le ki nahin ye aankh nahin ye charaagh hai mire dost bhali lagi abad-aasaar khaamushi mujh ko ki is mein saut hai aahang hai na lai mire dost samajh mein aa ke bhi is ki samajh nahin aati 'ajib shai hai ye duniyaa 'ajib shai mire dost abhi bharaa nahin is zakhm kaa khalaa mujh mein abhi kisi ke na aane kaa ranj hai mire dost"

"raaegaan jaate hue din ki pareshaani mein Dubtaa dekhiye suraj ko ghane paani mein rang poron se mire khuun mein utar aayaa hai phuul ko haath lagaa baiThaa huun naa-daani mein 'ishq kis-kis ne hijaabon mein chhupaa dekhaa hai husn kis-kis ko nazar aataa hai 'uryaani mein varna is khvaab ko tasvir kiyaa jaa saktaa chaand kaa 'aks Thahrtaa hi nahin paani mein is liye sukhaa huaa peD nahin kaTne diyaa kaam aaegaa parindon ki nigahbaani mein kis se maa'lum karun mujh pe karam hai ki 'azaab main jo masruf hi rahtaa huun ghazal-khvaani mein dil pe har lahza nazar rakhnaa paDegi 'aazar' yaad kaa phuul khilegaa isi viraani mein"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"