milne ki jab baat hui thi — Karamat Bukhari

"ye baadal gham ke mausam ke jo chhaT jaate to achchhaa thaa ye phailaae hue manzar simaT jaate to achchhaa thaa ye dil taarik hujra hai ise raushan karo aa kar ye din taarikiyon vaale jo kaT jaate to achchhaa thaa maqaam-e-dil kahin aabaadiyon se duur hai shaayad magar ye faasle dil ke simaT jaate to achchhaa thaa ye daur-e-habs TuuTe to ham apnaa baadbaan kholein magar baad-e-mukhaalif mein jo DaT jaate to achchhaa thaa kahin gard-e-malaamat se kahin gard-e-nadaamat se ye chehre gard-e-gardun se jo aT jaate to achchhaa thaa"

"be-maqsad jab shor machaayaa jaataa hai aksar is mein zulm chhupaayaa jaataa hai patte khud hi Tahni chhoD ke girte hain mausam par ilzaam lagaayaa jaataa hai sadiyon pyaasi is dharti ke siine par qatra qatra meinh barsaayaa jaataa hai lafzon ke ambaar lagaa kar kaaghaz par maani ko is mein dafnaayaa jaataa hai is duniyaa mein jurm chhupaane ki khaatir jurm vahi aksar dohraayaa jaataa hai baDhne phalne phulne vaale sapnon ko bachpan mein hi qatl karaayaa jaataa hai muflis ko insaaf dilaane vaalon kaa daulat se darbaar sajaayaa jaataa hai"

"jis shajar par samar nahin hotaa us ko patthar kaa Dar nahin hotaa aankh mein bhi chamak nahin hoti jab vo pesh-e-nazar nahin hotaa mai-kade mein ye ek khubi hai naasehaa teraa Dar nahin hotaa ab to baazaar bhi hain be-raunaq koi yusuf idhar nahin hotaa jo sadaf saahilon pe rah jaae us mein koi guhar nahin hotaa aah to ab bhi dil se uThti hai lekin us mein asar nahin hotaa gham ke maaron kaa jo bhi maskan ho ghar to hotaa hai par nahin hotaa ahl-e-dil jo bhi kaam karte hain us mein shaitaan kaa shar nahin hotaa"

"aaj khalvat mein khudaa yaad aayaa phir mujhe harf-e-duaa yaad aayaa yaad na aane kaa vaada kar ke vo to pahle se sivaa yaad aayaa jab kahin phuul mahakte dekhe phir tiraa band-e-qabaa yaad aayaa jab ghaTaaein kabhi ghir kar aaiin kyaa bataaein hamein kyaa yaad aayaa yaad aai tire chehre ki chamak zulmat-e-shab mein diyaa yaad aayaa pyaas mein jab hui paani ki talab vaaqia-e-karb-o-balaa yaad aayaa"

"lab pe kisi ujDi hui jaagir kaa maatam har lafz miraa halqa-e-zanjir kaa maatam dil mein kahin bujhte hue armaanon kaa nauha aankhon mein kisi yaad ki tasvir kaa maatam har soch mein sangin fazaaon kaa fasaana har fikr mein shaamil huaa tahrir kaa maatam jab se huaa maalum ki ye chaand hai patthar kartaa huun main ab chaand ki taskhir kaa maatam har harf miraa karb-e-musalsal ki ghuTan mein kartaa hai mire khaana-e-dil-gir kaa maatam"

"duniyaa ki is bhiiD mein kho gae jaane kitne log in aankhon se ojhal ho gae jaane kitne log sadme sahte sahte saari umrein biit gaiin aur zamin ko oDh ke so gae jaane kitne log kuchh logon ke ghar mein utri khushiyon ki baaraat aur ghamon ke bojh ko Dho gae jaane kitne log vaqt ke is bahte dariyaa mein khaamoshi ke saath apni naav aap Dubo gae jaane kitne log ek nazar mein us ne har ik dil ko jiit liyaa ek nazar mein us ke ho gae jaane kitne log ashkon ki barsaat mein bah gai mahjuri ki raakh apne dil ke daagh ko dho gae jaane kitne log"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"