mire vajud ke aangan mein khvaab raushan thaa — Aazam Khursheed

"soch di hai javaab bhi de kuchh to yaarab hisaab bhi de qatra qatra sharaab barse thoDaa thoDaa azaab bhi de chaahaton ke to silsile hain mausamon kaa shabaab bhi de ik kinaaraa hai dusraa bhi paaniyon mein habaab bhi de jis ke kaanTe bhi mujh ko chumein koi aisaa gulaab bhi de dhuup hansti hai vaahime bhi tirgi de saraab bhi de aag basti kaa rahne vaalaa rang-e-gardish-e-sahaab bhi de lamhe-bhar mein hazaar khvaahish banda-parvar javaab bhi de mohabbaton kaa azaab jhelun nafraton kaa savaab bhi de teraa meraa hisaab kaisaa khvaab huun aur khvaab bhi de kun to meraa vajud hai huun lafz utrein khitaab bhi de main payambar nahin huun tauba aankh di hai kitaab bhi de main to apne tavaaf mein huun raah-e-khaana-kharaab bhi de"

"tere honTon pe nazar baaqi hai kis ke hone ki khabar baaqi hai kitne khush-rang badan dhuul hue vaqt ki chaal magar baaqi hai aaj bhi gham ki salaami ke liye dil kaa aabaad nagar baaqi hai shab ki qindil uThaane vaale dekh chehron pe sahar baaqi hai dard kaa chehra thaa barbaad huaa dasht mein sukhaa shajar baaqi hai khuun javaan khuun se holi khelo chand qadmon kaa safar baaqi hai"

"kis se dil bahlaaun main kis ke naaz uThaaun main niind bhari in aankhon mein khvaab kahaan se laaun main meri baatein teri hain kaun si baat chhupaaun main shahr ne puchhaa gaanv kaa us ko kyaa batlaaun main raah mein kaise der hui kis kis ko samjhaaun main sahraa sahraa baarish hai dhuup kidhar se laaun main"

"tere honTon pe sajaa hai kyaa hai teraa har rang du'aa hai kyaa hai tere aangan mein luTaa hai kyaa hai vo bhi baarish mein khulaa hai kyaa hai rang chaDhte hain utar jaate hain mausam-e-hijr pata hai kyaa hai log alfaaz badal lete hain aur chehron pe likhaa hai kyaa hai apni barbaad nigaahi ke sitam ek dar aur khulaa hai kyaa hai mere haathon ki lakiron pe na jaa tu ne khud hi to likhaa hai kyaa hai khud se miltaa huun bichhaD jaataa huun khvaab zanjir huaa hai kyaa hai naddiyaan khushk hui jaati hain koi us paar khaDaa hai kyaa hai meri aankhon se qayaamat barse jo bhi kuchh tu ne diyaa hai kyaa hai apne vaqton ki zabaan boltaa huun phir ye baazaar lagaa hai kyaa hai meri basti mein udaasi kaisi shahr ki samt chalaa hai kyaa hai kitni khush-posh fazaa hai 'khurshid' teri aankhon kaa nasha hai kyaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"