qazaa ki zad se rah-e-zindagi mein le aao — Kuldeep Kumar

"kuchh aise raat udaasi ke par nikalte hain ki jaise TuTti qabron se sar nikalte hain kabhi bhi aao in aankhon mein koi khatra nahin nikalne vaale yahaan raat bhar nikalte hain pare hai soch se in be-gharon ki dar-badari inhein khangaalo to andar se ghar nikalte hain tamaam raaste karte nahin hain ghar kaa zikr ye log aisaa bhi kyaa soch kar nikalte hain darakht karte nahin is liye umid-e-vafaa vo jaante hain parindon ke par nikalte hain"

"kuza-gar main tire kis khvaab kaa chehra ho jaaun sirf ik jism ki mohlat hai main kyaa kyaa ho jaaun tujh mein aur mujh mein bas ik farq vafaa hi kaa hai main agar tark vafaa kar duun to tujh saa ho jaaun mujh ko mere hi andhere ne chhupaa rakkhaa hai jo tiri zaat mein aa jaaun sitaara ho jaaun sochte sab hain kahaani to mukammal ho jaae chaahtaa koi nahin hai ki main us kaa ho jaaun chaar din qaid mein rah kar ye tamannaa bhi gai pahle lagtaa thaa ki ai kaash parinda ho jaaun main to bas ek tasavvur huun vahi rahne de aise bhi soch na mujh ko ki main chehra ho jaaun sab ki aankhon mein khaTakti hai hamaari qurbat shahr kaa shahr lagaa hai ki akelaa ho jaaun ishq mein saaraa kamaal asl mein furqat kaa hai jo bhi ho jaae judaa mujh se main us kaa ho jaaun"

"dast-e-vahshat se zaraa aur sanvaareinge tujhe apne andaaz mein ai hijr guzaareinge tujhe gar hamein niind na aai to ye tai hai jaanaan tere darvaaze pe jaaeinge pukaareinge tujhe ai mohabbat tujhe taa-hashr nibhaaeinge ham itni jaldi kahaan palkon se utaareinge tujhe jis bhi lamhe mein tujhe jiine ki hasrat hogi ham usi lamhe ki dahliz pe maareinge tujhe phir se rakkhaa hai tujhe daav pe ai dil ham ne ham ko maa'lum hai is baar bhi haareinge tujhe vaqt-e-aakhir bhi ye jaan tum pe hi aTki hogi honTh jab jab bhi khuleinge to pukaareinge tujhe"

"puraani baat thi miTTi bhi Daal saktaa thaa vo chaahtaa to musibat ye Taal saktaa thaa gham-e-jahaan kai pal rahe the jab mujh mein tumhaaraa dukh bhi khushi se main paal saktaa thaa nikal hi jaati hai har baat haathon se ik din sanbhaalaa main ne bhi jab tak sanbhaal saktaa thaa 'ajib sukh thaa mujhe ban ke us ki baisaakhi main jab ki paanv kaa kaanTaa nikaal saktaa thaa dukhon kaa bojh liye Duubaa thaa main paani mein faqat ye jism to dariyaa uchhaal saktaa thaa"

"kisi se rang to khushbu kisi se letaa huun udhaar jo bhi mile main khushi se letaa huun vo itni narm ki chhune ki kaun baat kare main us kaa naam bhi shaaistagi se letaa huun bhale ab 'ishq nahin us zahin laDki se magar main mashvare ab bhi usi se letaa huun main lau baDhaataa huun itni ki kuchh dikhaai na de main kaam andhere kaa bhi raushni se letaa huun main chaahtaa huun havaaon ko kuchh pata na chale har ek saans baDi khaamushi se letaa huun main saans rokne lagtaa huun ye jo ghusse mein ik intiqaam hai jo zindagi se letaa huun miraa yaqin jo khud par thaa kab kaa TuuT chukaa main khud ko ab kahaan sanjidgi se letaa huun"

"ye karaamaatein bahut bechain karti hain mujhe aap ki baatein bahut bechain karti hain mujhe in charaaghon se kaho soein na mujh ko chhoD kar ye siyah raatein bahut bechain karti hain mujhe ab bhi siine mein koi sahraa sulagtaa hai mire ab bhi barsaatein bahut bechain karti hain mujhe un mulaaqaaton ko main bechain rahtaa huun bahut jo mulaaqaatein bahut bechain karti hain mujhe zindagi se itni raghbat to nahin par jaane kyon maut ki baatein bahut bechain karti hain mujhe"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"