rangon ki barsaat thi kaisi phaagan mein — Raj Kheti

"hasin aankhon mein palte hue se Dar dekhe ki ham ne jalte hue titliyon ke par dekhe balaa ki dhund thi kuchh bhi nazar na aataa thaa andhere phailte ham ne nagar nagar dekhe sadaf ki baat hai kyaa vo guhar bhi paaegaa utar ke gahre samundar mein vo agar dekhe vo aag kyaa thi jo bhaDki thi kyon khudaa jaane ki ham ne jalte hue bastiyon mein ghar dekhe na jaanein dard hamaaraa na dekhein zakhm-e-jigar ajiib tarah ke kuchh ham ne chaaraagar dekhe kinaare kashti ko le jaae naakhudaa kyunkar ki ham ne lahron mein uThte hue bhanvar dekhe vo khvaab kitnaa bhayaanak thaa chikh uTThaa main lahu mein haath jo apne hi tar-ba-tar dekhe rah-e-hayaat mein jo apnaa saath chhoD gae kuchh is tarah ke bhi ai 'raaj ham-safar dekhe"

"har taraf jab dhuaan dhuaan hogaa kyaa khabar phir koi kahaan hogaa gar nahin ye jahaan sapnon kaa kyaa koi dusraa jahaan hogaa kaT gae hain safar mein kitne baras kyaa kahin apnaa bhi makaan hogaa zindagi jab na hogi tab ai dost main kahaan aur tu kahaan hogaa zindagi se rahaa jo baDh ke aziiz gham vo lafzon mein kyaa bayaan hogaa dast-e-viraani aur tanhaai bas-ki apnaa yahi nishaan hogaa puchhte hain hasin use shab-o-roz 'raaj shaayad abhi javaan hogaa"

"yuun tasavvur mein tiraa husn nazar aataa hai jaise darpan mein koi aks jhalak jaataa hai ek muddat se hai go tark-e-taalluq phir bhi dil ko ik jazba-e-be-naam saa taDaptaa hai gahre ho jaate hain jis vaqt andhere gham ke teri bikhri hui zulfon kaa khayaal aataa hai kitne dilchasp hain aazaar-e-mohabbat ai dost phuul khilte hain to dil aur bhi ghabraataa hai rah gae bujh ke mohabbat bhari yaadon ke charaagh raushni dil mein koi phir bhi kiye jaataa hai ek khaamosh udaasi kaa hai aalam taari kaun khvaabon mein dabe paanv chalaa aataa hai 'raaj aataa hai kabhi pyaar mein aisaa bhi maqaam ek dil rotaa hai aur saaraa jahaan gaataa hai"

"pal bhar ki muskaan de jogi duniyaa phuul samaan re jogi sukh to hai bas ek chhalaavaa mast ho yuun halkaan re jogi jhuTi hai kul duniyaa lekin sachchaa hai insaan re jogi man mandir jo rang bharaa thaa ab to hai sunsaan re jogi gulshan gulshan mahak rahe hain zakhm mire pahchaan re jogi raaj kaa peT bhareinge kaise bhuke hain khaliyaan re jogi"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"khel duniyaa-e-'aarzi kaa huun ek kirdaar zindagi kaa huun mujh ko rakkhaa gayaa andhere mein main bhi haqdaar raushni kaa huun intihaa ke qarib hai duniyaa aadmi aakhiri sadi kaa huun dil ko ehsaas ho gayaa teraa mo'tarif teri dosti kaa huun main ne ghurbat mein 'ilm sikhaa hai main to maqruz muflisi kaa huun pur na hogaa jo mere baa'd kabhi ek aisaa khalaa kami kaa huun meraa dushman nahin 'khayaali' koi dost bhi main kisi kisi kaa huun"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"