saaqi-e-baada-e-irfaan tum ho — Zaheen Shah Taji

"khud apne 'ilm ki aankhon mein be-parda nahin aataa bahut dekhaa hai apne aap ko lekin nahin dekhaa agar hogaa hamaaraa 'ilm apni zaat par zaaid mumayyaz khud-bakhud ho jaaegaa mashhud se shaahid 'adam kaa apne mujh ko 'ilm hai ‘ilm-e-‘adam kyaa hai faqat maa'dum kaa maa'lum honaa kuchh na honaa hai ye mahsusaat-o-mashhudaat-o-maa'lumaat kyaa shai hain tamaasha dekhne vaalon ke dam se sab tamaashe hain tan-e-be-jaan hai 'aalam zindagi ham ne 'ataa ki hai haqiqat apni ruuhi aur surat apni khaaki hai vo jaan huun jism ke ek ek zarre mein ravaan huun main nahin huun main kahaan farmaaiye huun to kahaan huun main vo ghuncha huun ki tajziyye ki raahein band hain mujh par vo nuqta huun ki jis ki sair hi kaunain kaa mehvar vo 'aalim huun ki apni 'ilm ki aankhon se ojhal huun azal se huun abad tak huun musalsal huun mukammal huun ye qaidein mere hone par makaanon ki zamaanon ki amaanat meri hone mein zaminon aasmaanon ki"

"dil pur-aavaaz hai zabaan khaamosh gosh-e-dil ke liye sukut kharosh larzish-e-baada hai ye saaghar mein yaa vo mahv-e-khiraam zulf-ba-dosh paas ke paas aur duur ke duur dil mein maujud aankh se ru-posh kyaa uDe hosh jab naqaab uDe kyaa hai teraa hijaab meraa hosh chaand niklaa hai sogvaaraana shab-e-gham chaandni udaas khamosh kyaa gulistaan mein aag barsi hai ghuncha-o-gul tamaam sho'la-posh laakh baar aazmaa chukaa huun 'zahin' dil ki aavaaz hai navaa-e-sarosh"

"ye khvaab ki bedaari-e-taqdir-e-mohabbat ye khvaab ki afsaana-e-taasir-e-mohabbat quraan-e-mohabbat hai ki tafsir-e-mohabbat har lafz mein hai aaya-e-tathir-e-mohabbat vo 'ishq ki aaraasta pairaasta timsaal main husn ki khinchi hui tasvir-e-mohabbat sar-taa-ba-qadam jalva-e-allaahu-jamilun vo husn ke anvaar-o-tanvir-e-mohabbat qurbaan main un ki nigah-e-naaz ke qurbaan sau jaan se dil hai hadaf-e-tir-e-mohabbat duniyaa-e-mohabbat mein khirad kaam na aai hai kaar-e-junun saahib-e-taqdir-e-mohabbat sad-shukr ki uTh hi gae vo hosh ke parde kaam aa hi gayaa naala-e-shabgir-e-mohabbat jis vaqt huaa josh-e-junun silsila-e-jumbaan har saans banaa halqa-e-zanjir-e-mohabbat vo qalb ki dhaDkan mein mohabbat ke fasaane goyaa lab-e-khaamosh mein taqrir-e-mohabbat kal raat ko mehmaan thaa viraana-e-dil mein me'maar-e-junun saahib-e-taa'mir-e-mohabbat"

"kiye ham ne junun se nukta-chin-o-nukta-daan paidaa ham aise aadmi hote hain duniyaa mein kahaan paidaa hazaaron bad-gumaani husn se ahl-e-havas ko hain mohabbat ne kiyaa hai husn se husn-e-gumaan paidaa na hote ham to vo maa'bud-e-jaan-o-dil kahaan hote jabin pahle hui paidaa ki sang-e-aastaan paidaa tabassum ban gai un ke labon par har fughaan meri hui un ke tabassum se mire lab par fughaan paidaa vahaan jaa kar haqiqat ruuh ki ham par hui zaahir hui hai teri surat se jahaan tasvir-e-jaan paidaa samajh ho to vahaan phir kyon banaae aashiyaan koi jahaan bijli ki qismat se ho shaakh-e-aashiyaan paidaa 'zahin' us qaafile ki gard chashm-e-dil kaa surma hai hui hai dil ke sahraa mein jo gard-e-kaarvaan paidaa"

"dil-e-fasurda ko pyaari nazar se pyaar na kar khizaan ke saamne sharminda-e-bahaar na kar kamaal-e-hosh yahaan gham ko gham samajhnaa hai kisi ko gham ki haqiqat kaa raazdaar na kar hazaar baar tavajjoh kaa shukriya lekin jo vaz' nibh na sake dost ikhtiyaar na kar vo jalva-gar hain tire saamne nigaah uThaa jahaan nazar ki zarurat hai intizaar na kar 'zahin' tark-e-mohabbat kare khudaa na kare ye jibrail kahein to bhi e'tibaar na kar"

"'umr bhar puujaa hai main ne jis ko vo dar hai yahi but-kada meraa yahi allaah kaa ghar hai yahi jhuk gayaa dil ruuh ne sajda kiyaa be-ikhtiyaar jalva-gaah-e-dil-navaaz-o-ruh-parvar hai yahi kaT gaiin hosh-o-khirad ki beDiyaan aa kar yahaan markaz-e-jazb-o-junun allaahu-akbar hai yahi zarre zarre se yahaan ke aa rahi hai bu-e-dost chhoD kar ghar ham jahaan aae hain vo ghar hai yahi jagmagaa uTThe hain sharq-o-gharb jis ke nuur se mehr-e-'aalam-taab maah-e-nur-gustar hai yahi"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"