samundaron ko muhit thi chaandni kanval ki — Arsalan Rathor

"uDte gulon ke saae mein baiThein jo shaadmaan sukh-chain apni khaak ke pahlu mein hai kahaan roghan ujaaltaa hai gulon kaa nafas ke taar saanson mein Dolti hain charaaghon ki narmiyaan paanv ki raah bah gayaa dil ko muhit jhaag kin aabi-nargison ke khule sar pe baadbaan aankhon ke aabginon mein hai kesari bahaar chehre ke maadanon mein khizaaon ki zardiyaan phislan ke pattharon se lagi jhulti rahein baadal chhaTaa to uD gaiin saavan ki bastiyaan bansaariyon mein bansari baaji ghaTaaon ki afi havaa mein khil uThe khol apni chhatriyaan"

"zakhmi paron mein Daal kar us ke nagar ki khaak haikal samundaron se uThaa li safar ki khaak khvaabon ke jism Dher kharaabon mein gham ke the dil ne par is khanDar se uThaa li nazar ki khaak sar mein havaa bhari thi khalaaon ke bast ki qadmon mein aa paDi hai sitaaron ke zar ki khaak kab tak masaafaton hi se miTTi kharaab ho is baar rah mein baiTheinge le kar hazar ki khaak in bastiyon ko qais ke qadmon ki lau mile kuchon mein shab ke yaar jalaa aae sar ki khaak"

"do aabnusi phuul hain patthar pe kaai hai sahraa ke sabz baagh mein shab aa samaai hai maujon pe dil ki shakl banaane ke vaaste aavaaz kitni duur se vaapas bulaai hai siine kaa josh pi liyaa khvaabon ke hirs ne be-nuriyon ki aag ne ye aanch khaai hai saae ke peD rizq hue gard-baad kaa ujDe hue gharon kaa muqaddar havaai hai palkon ne haft-khvaan kiye vo sar ke charkh par kaali shabon mein saat kamaani ban aai hai"

"saat jalon ki reshmi jhilein amrit-ras aankhon se pi lein gaaD gaiin suraj ki saansein abr ke dil mein phunkti kilein ujDe gharon ke kaale manke niil ke saayon mein jhapki lein miTTi aag havaa aur paani khaati piiti chaar dalilein aag bahe siine mein tamaami dil ke reshe barf se si lein"

"aansu ko gul naab samajh kar nuur ujaalaa karte the raat ki raat mein do taaron kaa chaand banaayaa karte the gahre bhanvar us ki aankhon kaa paani bharte rahte the us kaa lams churaa kar dariyaa mauj mein aaya karte the sar par chhatnaari ruhon ke taaj bhaDakte rahte the sabz ujaale bhar kar sinon ko phailaayaa karte the chaand uThaa kar le jaate the dil ki rupahli kashti mein pichhle pahar ki sardaabi se aankh ko taaza karte the niil musaffaa aankhon se takte the jism ki chaandni ko phulvaari pe nuur ki parde kaanch ke taanaa karte the"

"ujli fasil mein rahi siine ki lahr lahr saaton jalon ko pi ke bhi TuuTi na gham ki nahr kundan haveliyon ko khalaaon ne aa liyaa taaron ki aankh ro gae be-nuriyon ke shahr chhe samt kaa ghubaar thaa basti mein dhuup ki Tilon pe hu kaa raaj thaa zardi ke aaTh pahar khvaabon ke hauz the ki tilismaat chaand ke afsun-garon ki aankh mein Duube hue the bahr phirti phire hai paanv ki zanjir le ke saath ji’be mein reze nuur ke zambil mein sipahr"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"saanvli dhuup surmai mausam phir vahi ham hain phir vahi mausam khair ho saaebaan-e-gum-gashta jhelne paD gae kai mausam daastaan-e-tazaad hai goyaa shahr-e-khubaan samundari mausam ham ne apni bayaaz mein likkhe dil pe biite hue sabhi mausam ik ta'alluq hai 'aarzi yaa'ni mausam-e-gul hai 'aarzi mausam dil-figaaron ko kaun samjhaae lauTte kab hain makhmali mausam"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"ab tire lams ko yaad karne kaa ik silsila aur divaana-pan rah gayaa tu kahin kho gayaa aur pahlu mein teri shabaahat liye ik badan rah gayaa vo saraapaa tiraa vo tire khaal-o-khad meri yaadon mein sab muntashir ho gae lafz ki justuju mein laraztaa huaa nim-vaa saa faqat ik dahan rah gayaa harf ke harf se kyaa tazaadaat hain tu ne bhi kuchh kahaa main ne bhi kuchh kahaa tere pahlu mein duniyaa simaTti gai mere hisse mein harf-e-sukhan rah gayaa tere jaane se mujh par ye uqda khulaa rang-o-khushbu to bas teri miraas the ek hasrat saji rah gai gul-ba-gul ek maatam chaman-dar-chaman rah gayaa ek be-naam khvaahish ki paadaash mein teri palkein bhi baaham piro di gaiin ek vahshat ko sairaab karte hue mein bhi aankhon mein le kar thakan rah gayaa arsa-e-khvaab se vaqt maujud ke raaste mein ganvaa di gai guftugu ek israar ki bebasi rah gai ek inkaar kaa baankpan rah gayaa tu sitaaron ko apni jilau mein liye jaa rahaa thaa tujhe kyaa khabar kyaa huaa ik tamannaa dariche mein baiThi rahi ek bistar kahin be-shikan rah gayaa"