sataataa vo agar fitrat se haT ke — Mohsin Asrar

"mujhe malaal bhi us ki taraf se hotaa hai magar ye haal bhi us ki taraf se hotaa hai main TuTtaa bhi huun aur khud hi juD bhi jaataa huun ki ye kamaal bhi us ki taraf se hotaa hai pukaartaa bhi vahi hai mujhe safar ke liye safar muhaal bhi us ki taraf se hotaa hai javaab detaa hai mere har ik savaal kaa vo magar savaal bhi us ki taraf se hotaa hai vo mere haal se mujh ko hi be-khabar kar de ye ehtimaal bhi us ki taraf se hotaa hai main us ke hijr mein kyuun TuuT kar nahin royaa ye ik savaal bhi us ki taraf se hotaa hai jab aagahi mujhe gumraah karti hai 'mohsin' junun bahaal bhi us ki taraf se hotaa hai"

"der se so kar uThne vaalo taDpo lekin shor na ho tum ko haq hai aainon ko toDo lekin shor na ho ham-saae kaa sukh to us ke khvaab kaa puuraa honaa hai tum par riqqat taari ho to ro lo lekin shor na ho shaam Dhale parvaaz simaT kar shaakhon par aa jaati hai apni aankhein raahguzar mein rakkho lekin shor na ho divaane bhi ahl-e-samaaat ki khidmat kar sakte hain dil honTon par aa jaae to bolo lekin shor na ho 'mohsin' kis ko fursat hai jo tesha le kar aae yahaan apne but ko apne haath se toDo lekin shor na ho"

"guzar chukaa hai zamaana visaal karne kaa ye koi vaqt hai tere kamaal karne kaa buraa na maan jo pahlu badal rahaa huun main miraa tariqa hai ye arz-e-haal karne kaa mujhe udaas na kar varna saakh TuTegi nahin hai tajraba mujh ko malaal karne kaa talaash kar mire andar vajud ko apne iraada chhoD mujhe paaemaal karne kaa ye ham jo ishq mein bimaar paDte rahte hain ye ik sabab hai taalluq bahaal karne kaa ajiib shakhs thaa lauTaa gayaa miraa sab kuchh muaavza na liyaa dekh-bhaal karne kaa phir is ke baad hamesha hi chup rahe 'mohsin' khiraaj denaa paDaa arz-e-haal karne kaa"

"kaar-e-aasaan ko dushvaar banaa jaataa hai vaahima koi bhi ho kaam dikhaa jaataa hai khulne lagte hain nigaahon pe jab asraar-o-rumuz dil mujhe le ke kahin aur chalaa jaataa hai ghar mein rahnaa miraa goyaa use manzur nahin jab bhi aataa hai nayaa kaam bataa jaataa hai saada rakhne se sadaa detaa hai qirtaas mujhe lafz likh duun to miri saakh giraa jaataa hai ishq ne aisaa banaayaa hai jahaan-daar mujhe har khasaara miri sochon mein samaa jaataa hai aao ham pahle taalluq ko samajh lein 'mohsin' ranjishein hon to maraasim kaa mazaa jaataa hai"

"vo hai aag vo paani hai sab ki ek kahaani hai un khanDaraat ke niche bhi jaari naql-e-makaani hai koi meri 'umr bataae bachpan hai ki javaani hai aaine hain gard-aalud aur khitta baaraani hai ghar kaa naqsha hai tayyaar ab zanjir banaani hai haath hamaare zakhmi hain aur chaTTaan giraani hai koi sapnaa bhi dekho viraani viraani hai mere ghar kaa sannaaTaa meri hi be-dhyaani hai hijr ko hijr na kahnaa bhi 'mohsin' be-imaani hai"

"khvaab ko surat-e-haalaat banaa jaataa hai dil ko aanaa ho to be-vaqt bhi aa jaataa hai ho ke naaraaz na jaae koi mehmaan varna ghar se vasf-e-dar-o-divaar chalaa jaataa hai aankh se aankh milaanaa to sukhan mat karnaa Tok dene se kahaani kaa mazaa jaataa hai Thiik kahte ho ki aaseb-zada hotaa hai ishq mere andar bhi koi shor machaa jaataa hai pyaar aa jaae to phir pyaar hi kiije varna jis tarah aataa hai us tarah chalaa jaataa hai main to har faisla hi kartaa huun apne haq mein par koi adl ki zanjir hilaa jaataa hai umr-e-rafta mein tujhe yaad kahaan kartaa huun bas zaraa yuun hi tiraa dhyaan saa aa jaataa hai koi paagal mujhe kahtaa hai to kyaa hai 'mohsin' ek paagal ko to paagal hi kahaa jaataa hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"