shab-e-taar se na ghabraa miri nau-bahaar anjum — Saifi Premi

"jaag uThe baam-o-dar charaagh jale kaun aaya idhar charaagh jale din ki paamaal fikr ko hai shart teri jaanib safar charaagh jale zulf-e-tufaan se yuun bhi chheD sahi vo bujhaae idhar charaagh jale din mein vo jism hai junun-afroz ik qayaamat magar charaagh jale vaaiz-o-mohtasib bhi jaam-ba-lab ham ko aae nazar charaagh jale aakhir-e-shab dilon pe hai bhaari ham-nafas taa sahar charaagh jale sarguzasht-e-vafaa hai tulaani bas yahi mukhtasar charaagh jale aaj mehmaan hai ek shab-afroz aarzuon kaa har charaagh jale zindagi shab-charaagh hai 'saifi' ab raqibon ke ghar charaagh jale"

"ajnabi dil ki 'ajab tarz-e-bayaan thi pahle lab thi tasvir nigaahon mein zabaan thi pahle ham ne taa-subh jalaae hain vafaaon ke charaagh tere kucha mein bhi qadar-e-dil-o-jaan thi pahle aaj har gaam pe zanjir hai har baat pe daar itni maqbul kahin 'umr-e-ravaan thi pahle dair-o-kaa'ba se nikal aae to aaraam milaa ham ko bhi ik khalish-e-sud-o-ziyaan thi pahle husn-e-yusuf ko mili khidmat-e-zindaan 'saifi' be-gunaahi bhi baDi aafat-e-jaan thi pahle"

"sukut-e-husn mein bhi ek afsaana nazar aaya vahi zikr-e-vafaa lekin ba-unvaan-e-digar aaya sar-e-mizhgaan lahu misl-e-charaagh-e-rah-guzar aaya baDi mushkil se is duniyaa ko andaaz-e-sahar aaya nigaah-e-naaz mein behad fusun-e-parda-daari hai ki us mahfil se jo aaya nihaayat be-khabar aaya ise khun-e-shahidaan-e-vafaa kaa moajiza kahiye zamaane tak shuur-e-maslak-e-shaam-o-sahar aaya mizaaj-e-ishq ki khaatir abhi duniyaa nahin badli tiraa jalva ba-qaid-e-zauq har lahza nazar aaya kahin mauj-e-sitam shaamil na ho baad-e-bahaari mein hamein larzida larzida gulistaan bhi nazar aaya koi samjhe to ye mearaaj hai dard-e-rifaaqat ki mire hamraah manzil tak ghubaar-e-rahguzar aaya gham-e-dil ki nigahbaani bahut dushvaar hai 'saifi' ki har taaza nafas ehsaas-e-dil se baa-khabar aaya"

"gham-e-hayaat kahein dard-e-kaaenaat kahein tumhaare naam se saare jahaan ki baat kahein baDaa ghazab hai jo ham raat ko bhi raat kahein uTho ki aaj to daar-o-rasan ki baat kahein kisi ke daavaa-e-tamkin pe harf aataa hai sanbhal ke aap zaraa mere vaaqiaat kahein udhar zabaan hai ki betaab-e-guftugu hai bahut idhar ye qaid nigaahon se dil ki baat kahein kisi ki yaad ki ab dil bhi rahguzaar nahin bhare jahaan mein kise apni kaaenaat kahein tumhaari bazm mein Dhalte rahe hain afsaane khataa muaaf agar ham bhi ek baat kahein hamin se tark-e-mohabbat hamin se husn-e-suluk ham is maqaam ko rasm-e-takallufaat kahein kisi ke husn-e-taghaaful se ab to paidaa hai vo ek baat jise jaan-e-iltifaat kahein isi kaa naam to ilhaam-e-sher hai 'saifi' ki apni baat mein saare jahaan ki baat kahein"

"tire jamaal ki zinat miri talab se hai miri hayaat mein khushbu tire sabab se hai numud-e-ishq-e-karam se kabhi ghazab se hai khumaar-e-chashm se hai shoala-haa-e-lab se hai kise dimaagh sar-e-raah un se baat kare dilon mein ek khalish khubi-e-adab se hai qadam ruke hain kisi shokh ajnabi ke liye ye zauq-e-did bhi kuchh tere zulf-o-lab se hai junun-e-ishq se izhaar-e-aashiqi maalum kise khabar ki koi mahv-e-naaz kab se hai ye ehtiyaat-e-mohabbat ki us sanam ke sivaa jahaan mein rasm-e-payaam-o-salaam sab se hai ham ahl-e-dil hain bahut be-niyaaz-e-gham 'saifi' ye taab-e-zist usi mahfil-e-tarab se hai"

"dukh bhare dil jinhein haasil nahin hone paate vo tiri bazm ke qaabil nahin hone paate duur hote hain to dil aur mahak uThte hain faasle ishq mein haail nahin hone paate ham ki tufaan-e-shab-e-taar se bach nikle hain phir bhi aasuda-e-saahil nahin hone paate jaada-e-ishq mein duniyaa ne pukaaraa hai hamein phir bhi ham gumrah-e-manzil nahin hone paate us taraf dair-o-haram khuub saje hain lekin teri mahfil ke muqaabil nahin hone paate"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"