shab ki mutrib thaa sharaab-e-naab thi paimaana thaa — Habeeb Moosavi

"vo yuun shakl-e-tarz-e-bayaan khinchte hain ki qaail ki goyaa zabaan khinchte hain ye tashhir dekho sag-e-ku-e-dilbar abhi tak miri haDDiyaan khinchte hain kare gar koi zikr jaa kar hamaaraa vo taalu se us ki zabaan khinchte hain na sadme se kyuun khushk ho khun-e-bulbul gulon kaa araq baaghbaan khinchte hain baDhi hai safar mein vatan ki mohabbat makinon ko kyaa kyaa makaan khinchte hain kare kaun saudaa-e-zulf-e-musalsal hamin hain jo ye beDiyaan khinchte hain pas-e-marg mearaaj aashiq ki dekho lahad ki zamin aasmaan khinchte hain nishaana banaaeinge tir-e-nazar kaa mohabbat ke dil par nishaan khinchte hain zaraa dam to lene de ai maut mujh ko Thahar kar nafas naa-tavaan khinchte hain zaifi mein bhi dil mein hai yaad-e-abru kabaada hain khud aur kamaan khinchte hain mujhe dekh kar jab vo munh moDte hain to dil mein chhupaa kar sinaan khinchte hain ghazab hai hasinon kaa taur-e-takallum dilon ko ye jaadu-bayaan khinchte hain baDhaa fikr mein rang zardi-e-rukh se ye itr-e-gul-e-zaafraan khinchte hain 'habib' ab zamin aasmaan sar pe leinge ki naale mire bijliyaan khinchte hain"

"hai nigahbaan rukh kaa khaal-ru-e-dost haafiz-e-quraan huaa hindu-e-dost ham na hon patthar ho ham pahlu-e-dost aaina luuTe bahaar-e-ru-e-dost phir gai jab nargis-e-jaadu-e-dost sab musalmaan ho gae hindu-e-dost bhaa gai hai dil ko aisi khu-e-dost aati hai har gul se mujh ko bu-e-dost hai khayaal-e-aariz-o-gesu-e-dost gah musalmaan huun kabhi hindu-e-dost sau balaaein aa gaiin ushshaaq par jab kamar tak aa gae gesu-e-dost haDDiyaan meri na khaanaa ai humaa daant rakhte hain sagaan-e-ku-e-dost aag bhaDke kyuun na pahlu mein mire ghair hain vaan aaj ham pahlu-e-dost asl ye hai naql-e-mehraab-e-haram sajda vaajib hai tah-e-abru-e-dost tegh-e-abru par kaTe laakhon gale ban gayaa ganj-e-shahidaan ku-e-dost dil huaa maftun nigaah-e-yaar kaa sher-afgan hain magar aahu-e-dost baad-e-murdan qabr mein aaThon pahar aaegaa mujh ko khayaal-e-ru-e-dost phir rahaa hai aaj putli ki tarah meri aankhon mein qad-e-dil-ju-e-dost hai khayaal-e-khaal-e-mushkin raat din dil ko mere jaan lo mushku-e-dost ab vahi sar hai ki Takraataa huun main vasl mein ye thaa sar-e-zaanu-e-dost kyaa koi aafat abhi baaqi hai aur le chalaa hai dil mujhe phir su-e-dost le uDi be-saakhta dil ko mire aa gai jis dam havaa-e-ku-e-dost rang-e-ulfat se miTaa zang-e-dui ho gai hai mujh mein paidaa bu-e-dost ghairat-e-mansur huun main ai 'habib' har ghaDi huun sarf-e-haa-o-hu-e-dost"

"mehr-o-ulfat se maaal-e-tahzib khaaksaari hai kamaal-e-tahzib hai vo aaraaish-e-husn-e-baatin jis ko kahte hain jamaal-e-tahzib kam nahin mardumak-e-chashm se kuchh rukh-e-insaan pe khaal-e-tahzib aaj-kal ham mein agar sach puchho shakl anqaa hai misaal-e-tahzib kabhi hotaa nahin bad-vaza kaa khauf hai ajab jaah-o-jalaal-e-tahzib rukh pe kartaa hai mataanat paidaa dil mein aate hi khayaal-e-tahzib apne matlab kaa jahaan kuchh ho lagaav nahin rahtaa hai khayaal-e-tahzib qaum kaa apne na ghaTtaa vo uruuj ho na jaataa jo zavaal-e-tahzib jaam-e-jam se hai kahin pur-tamkin bazm-e-khullat mein sifaal-e-tahzib us kaa khuun karte hain jo naahaq-kosh un ki gardan pe vabaal-e-tahzib murda qaumon ke liye aab-e-hayaat bantaa jaataa hai zulaal-e-tahzib badr ban jaaegaa chande mein 'habib' haq ne chaahaa to hilaal-e-tahzib"

"jabin par kyuun shikan hai ai jaan munh hai ghusse se laal kaisaa hazaar baatein hon ek hain phir bhalaa ye baaham malaal kaisaa nahin hai ab taab-e-dard-e-furqat kahaan ki izzat kahaan ki ghairat hain mubtalaa apne haal mein ham kisi kaa is dam khayaal kaisaa bataao mujh ko ye kyaa huaa hai ye kaun saa dard-e-laa-davaa hai ye kyuun miraa dam ulajh rahaa hai hai khud-bakhud ji niDhaal kaisaa tamaam aalam huaa jo shaidaa to kuchh taajjub nahin hai is kaa but-e-sitamgaar tujh ko bakhshaa khudaa ne husn-o-jamaal kaisaa gunah se seri hui nahin hai ye kahte hain sab ajal qarin hai qalaq mein har dam dil-e-hazin hai ki hogaa apnaa maaal kaisaa ye us sitamgar se koi kah de mariz-e-furqat ki ab khabar le hain kaT rahi zindagi ki ghaDiyaan kahaan kaa din maah-o-saal kaisaa ghazab se hai vaan jo chiin jabin par hujum-e-gham hai dil-e-hazin par lahu ke dhabbe hain aastin par hai daaman ashkon se laal kaisaa havas hai har ek ji ki ji mein hue jo ghash vasl ki khushi mein tamaam shab guzri be-khudi mein javaab kaisaa savaal kaisaa jahaan chhaanaa paDaa hai kab kaa falak pe vahshat kaa ab hai shohraa kahaan kaa maghrib kahaan kaa mashriq junub kaisaa shumaal kaisaa vo mehr huun main huaa jo taalea to ik zamaane ne khaak uDaai chamakne dete nahin hain bad mein uruuj kaisaa zavaal kaisaa 'habib' kar ke buton ki ulfat abhi se ye hijr ki shikaayat rahegaa ab hashr tak ye jhagDaa yahaan bhalaa infisaal kaisaa"

"hue khalq jab se jahaan mein ham havas-e-nazaara-e-yaar hai Thahar ai ajal ki vo aaeinge dam-e-vaapsin kaa qaraar hai rahein mahv kyuun na har ek dam ki nazar mein jalva-e-yaar hai dil-e-muntazir hai jo aaina to khayaal aaina-daar hai ye khataa-e-ishq ki di sazaa ki mizha se mardum-e-chashm ne miraa dil dikhaa ke ye kah diyaa ise lo ye qaabil-e-daar hai ye khudaa hi jaane vo kaun thaa jo shahid-e-naaz-o-adaa huaa ki uDi hai khaak-e-rah-e-sanam to khizaan mein rang-e-bahaar hai huiin tark saari mohabbatein mire sar pe Dhaai hain aafatein yahi dil ke lene mein shart thi yahi mujh se qaul-o-qaraar hai ye junun ki dekhiye pukhtagi jo kabhi kisi ne na ho suni mire pairahan kaa jo taar hai vo har ek resha-e-khaar hai koi dil ki nikli na aarzu huaa ranj-o-gham se jigar lahu phire khaak chhaante ku-ba-ku na to sabr hai na qaraar hai pas-e-marg bhi hain vahi sitam hain jafaaein ruuh pe dam-ba-dam idhar aate aate vo phir gae jo sunaa ki meraa mazaar hai mire siine ko na hadaf karo tapish-e-jigar se Dare raho par-e-murgh-e-tir na jal uThein ki lahu ba-rang-e-sharaar hai vo khushi dikhaai na charkh ne ki evaz mein jis ke na gham diye kabhi farsh-e-gul hai jo ek shab to mahinon bistar-e-khaar hai jise dard-e-naala-o-aah hai jo shahid-e-tegh-e-nigaah hai shab-e-hijr us ki gavaah hai vo 'habib'-e-sina-figaar hai"

"kisi ki jubba-saai se kabhi ghistaa nahin patthar vo chaukhaT mom ki chaukhaT hai yaa meri jabin patthar khulaa ab rakhte hain pahlu main pinhaan naaznin patthar na thaa maalum hain qalb-e-butaan-o-mah-jabin patthar biThaayaa khaatam-e-izzat pe tere naam-e-naami ne vagarna hai ye zaahir thaa haqiqat mein nagin patthar dikhaae phir na kyuun taasir apni jazb-e-ruhaani yaqin ho jaae jab haajat-ravaa hai bil-yaqin patthar talaash-e-yaar mein kyaa khaar daaman-gir himmat hon hue naadim mile jab sadd-e-rah ban kar kahin patthar jo main ai koh-kan duun jaan-e-shirin ishq-e-shirin mein to dikhlaae bajaae shiir ju-e-aabgin patthar giraa duun faiz-e-eajaaz-e-nubuvvat se vo momin huun chhupaaein phir mukhaalif gar myaan-e-aastin patthar pas-e-murdan rahe qalb-o-jigar mein gar yahi sozish to lauh-e-sang-e-marmar hogi az khud aatishin patthar ye kahtaa hai kisi naa-mehrbaan kaa mehrbaan honaa pasijeinge tiri garmi se aah-e-aatishin patthar girin har sang-dil par bijliyaan aisi havaadis ki ki dete hain gavaahi teri aah-e-aatishin patthar 'habib' aae kahaan se taazgi nakhl-e-mazaamin mein jahaan tak dekhiye hai yak-qalam ye gul-zamin patthar"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"