shukr-e-rab hai ki bas amaan mein huun — Rahat Sultana

"raat to shauq se sunti hai kahaani meri din kahaan suntaa hai aashufta-bayaani meri dil to kahtaa hai ki main karti rahun sair-e-jahaan roz hoti hi rahe naql-e-makaani meri ab to khair aur bhi hain chaahne vaale lekin maan ki ulfat hai magar sab se puraani meri laaj rakkhi hai duaaon ki mire maalik ne us ne jab dekhi hai ashkon ki ravaani meri maanavi bhi hai haqiqi bhi hai meri aulaad baaqi rah jaaegi duniyaa mein nishaani meri ashk-e-gham piite hue main ne guzaarin raatein is bulandi pe hai ab tishna-dahaani meri itnaa masruf rakhaa hai mire maalik ne mujhe main sunaaun to bhalaa kaise kahaani meri usi college ki fazaaon ne bulaayaa hai mujhe jis mein paDhte hue guzri hai javaani meri giit us ke hi sunaataa hai sadaa vo 'raahat' dil ne mere to kabhi baat na maani meri"

"baat aisi bhi kyaa hui mujh se dil ne jo li khabar miri mujh se ek muddat se baat kar na saki vo milaa bhi to sarsari mujh se har ghaDi naam us kaa leti huun bas ye aadat nahin gai mujh se raah-e-haq jis ko main ne dikhlaai us ki duniyaa sanvar gai mujh se ye duaa hai kabhi khafaa na hon meraa rab aur mire nabi mujh se fikr-e-uqbaa bhi kijiye 'raahat' dil ye kahtaa hai har ghaDi mujh se"

"ashk aankhon ke liye hai aur gham dil ke liye ik samundar ke liye hai ek saahil ke liye ham-safar azm-e-safar ho to safar aasaan hai raaste khud raasta dete hain manzil ke liye hal hui mushkil miri yuun jaise mushkil hi na thi di sadaa mushkil-kushaa ko jab bhi mushkil ke liye masale hi masale hain jis taraf bhi jaaiye log sanjida nahin shaayad masaail ke liye sab ko bairuni ujaalon hi ki khvaahish hai yahaan maangtaa koi nahin ab raushni dil ke liye is qadar ehsaas ghurbat kaa nahin hotaa hamein gar hamaare paas hotaa kuchh bhi saail ke liye khvaahishon ke hasraton ke aarzu ke dard ke sainkaDon mausam bane 'raahat' mire dil ke liye"

"dil mein rahtaa thaa mire jo kabhi dhaDkan ki tarah ab miri aankh mein rahtaa hai vo saavan ki tarah kaun aaya hai bahaarein liye meri jaanib meraa ehsaas mahakne lagaa chandan ki tarah kisi bachche ki tarah ab bhi machaltaa hai dil haal apnaa hai javaani mein bhi bachpan ki tarah main ne rakkhaa na kabhi bughz-o-kudurat dil mein dil miraa saaf hai shaffaaf hai darpan ki tarah zehn mein phaili hai afkaar ke phulon ki mahak hai miraa dil ye mahakte hue gulshan ki tarah dil ke darvaaze ko hargiz na muqaffal kiije is ko vaa rakhiye hamesha kisi aangan ki tarah apne bandon se use pyaar hai kitnaa 'raahat' dil mein rahtaa hai mire apne hi maskan ki tarah"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"